05/11/2015 09:43 GMT+7 Email Print Like 0

ໄຂກອງປະຊຸມຄະນະກຳມະການວິທະຍາສາດ ແລະ ເຕັກໂນໂລຊີອາຊຽນ ຄັ້ງທີ 70

ກອງ​ປະ​ຊຸມຄະ​ນະ​ກຳ​ມະ​ການ​ວິ​ທະ​ຍາ​ສາດ​ແລະ​ເຕັກ​ໂນ​ໂລ​ຊີ​ອາ​ຊຽນ​ຄັ້ງ​ທີ70
ພາບ:nhandan
          ວັນ​ທີ 4/11, ກອງ​ປະ​ຊຸມຄະ​ນະ​ກຳ​ມະ​ການ​ວິ​ທະ​ຍາ​ສາດ​ແລະ​ເຕັກ​ໂນ​ໂລ​ຊີ​ອາ​ຊຽນ​ຄັ້ງ​ທີ70 ຖືກ​ໄຂ​ຂຶ້ນ​ຢູ່ ນະ​ຄອນ​ຫລວງ ວຽງ​ຈັນ. ເຂົ້າ​ຮ່ວມກອງ​ປະ​ຊຸມ ມີ​ບັນ​ດາ​ລັດ​ຖະ​ມົນ​ຕີ ແລະ ເຈົ້າ​ຫນ້າ​ທີ່ ຮັບ​ຜິດ​ຊອບ ວິ​ທະ​ຍາ​ສາດ ເຕັກ​ໂນ​ໂລ​ຊີ​ບັນ​ດາ​ປະ​ເທດ ອາ​ຊຽນ ພ້ອມ​ດ້ວຍ​ຄະ​ນະ​ເລ​ຂາ​ອາ​ຊຽນ. ກອງ​ປະ​ຊຸມ​ໄດ້​ປືກ​ສາ​ຫາ​ລື​ບັນ​ດາ​ບັນ​ຫາ ເພື່ອ​ເພີ່ມ​ທະ​ວີ​ການ​ຮ່ວມ​ມື​ໃນ​ຂົງ​ເຂດ​ວິ​ທະ​ຍາ​ສາດ ເຕັກ​ໂນ​ໂລ​ຊີ​ຂອງ ອາ​ຊຽນ ກໍ​ຄື ອາ​ຊຽນ +3 ໃນ​ສ​ະ​ພາບ​ປະ​ຊາ​ຄົມ​ອາ​ຊຽນ​ໄດ້​ຮັບ​ການ​ສ້າງ​ຕັ້ງ​ໃນ​ທ້າຍ​ປີນີ້. ກ່າວ​ຄຳ​ເຫັນ​ໄຂ​ກອງ​ປະ​ຊຸມ, ທ່ານ ສາດສະດາຈານ ດຣ ບໍ່ວຽງຄຳ ວົງດາລາ ລັດຖະມົນຕີວ່າການ ກະຊວງວິທະຍາສາດ ແລະ ເຕັກໂນໂລຊີ ເນັ້ນ​ຫນັກ​ວ່າ: ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແລະ ປ່ຽນ​ໃຫມ່ ແມ່ນ​ກຳ​ລັງ​ຫນູນ​ໃຫ້​ແກ່​ກາ​ນ​ພັດ​ທະ​ນາ. ບັນ​ດາ​ປະ​ເທດ​ສະ​ມາ​ຊິກ ອາ​ຊຽນ ຄວນ​ເຫັນ​ດີ​ເຫັນ​ພ້ອມ ເພື່ອ​ຊອກ​ທິດ​ກ້າວ​ເດີນ ແລະ ວິ​ທີ​ການ​ໃຫ້​ແກ່​ການ​ຮ່ວມ​ມື​ກ່ຽວ​ກັບ​ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ໃນ 10 ປີ ຈະ​ມາ​ເຖິງ. ທ່ານ ສາດສະດາຈານ ດຣ ບໍ່ວຽງຄຳ ວົງດາລາ ປາດ​ຖະ​ຫນາ​ວ່າ ​ທີ່ ກອງ​ປະ​ຊຸມ​ຄັ້ງ​ນີ້ ບັນ​ດາ​ຜູ້​ແທນ​ປຶກ​ສາ​ຫາ​ລື ແລະ ສ້າງ​ສຳ​ເລັດ​ແຜນ​ການ​ດຳ​ເນີນ​ງານ​ຂອງ ອາ​ຊຽນ ກ່ຽວ​ກັບ​ວິ​ທະ​ຍາ​ສາດ​ເຕັກ​ໂນ​ໂລ​ຊ​ີ ​ໄລ​ຍະ 2016 -2025 ເພື່ອ​ຍື່ນ​ສະ​ເຫນີ ກອງ​ປະ​ຊຸມ​ລັດ​ຖະ​ມົນ​ຕີ ອາ​ຊຽນ ກ່ຽວ​ກັບ​ວິ​ທະ​ຍາ​ສາດ ຄັ້ງ​ທີ 16 ຮັບ​ຮອງ​ເອົາ, ສ້າງ​ພື້ນ​ຖານ​ໃຫ້​ການ​ຜັນ​ຂະ​ຫຍາຍ​ບັນ​ດາ​ແຜນ​ການ​ດຳ​ເນີນ​ງານ​ລະ​ອຽດ ແລະ ເພີ່ມ​ທະ​ວີ​ການ​ຮ່ວມ​ມື​ທີ່​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ ລະ​ຫວ່າງ​ບັນ​ດາ​ປະ​ເທດ ອາ​ຊຽນ ກໍ​ຄື ລະ​ຫວ່າງ ອາ​ຊຽນ ກັບ​ບັນ​ດາ​ປະ​ເທດ​ຄູ່​ຮ່ວມ​ມື, ຄູ່​ເຈ​ລະ​ຈາ.
 (ແຫຼ່ງຄັດຈາກ VOV)