21/01/2019 09:38 GMT+7 Email Print Like 0

ໂສມ ງອັກລິງ ສ້າງຂີດໝາຍປະຫວັດສາດໃໝ່ໃຫ້ແກ່ຂະແໜງຢາສະໝູນໄພ ຫວຽດນາມ

      ຕອນເຊົ້າວັນທີ 20 ມັງກອນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ເຂົ້າຮ່ວມ ແລະ ຕັດແຖບຜ້າໄຂງານວາງສະແດງ ມໍລະດົກວັດທະນະທຳ, ໂສມ ງອັກລິງ ກອນຕູມ - ສິນປະເສີດໃນເຂດພູຜາປ່າໄມ້ ທີ່ໃຫຍ່ໂຕມະໂຫຖານຢູ່ຫໍພິພິທະພັນປະຫວັດສາດແຫ່ງຊາດ, ຮ່າໂນ້ຍ.

ພິທີຕັດແຖບຜ້າໄຂງານວາງສະແດງ “ມໍລະດົກວັດທະນະທຳ, ໂສມ ງອັກລິງ ກອນຕູມ" (ພາບ: VGP)
      ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາສູງແນວຄວາມຄິດ, ການສົມທົບຂອງກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ, ຄະນະກຳມະການປະຊາຊົນແຂວງ ກອນຕູມ ໃນເລື່ອງນຳມໍລະດົກວັດທະນະທຳ, ຜະລິດຕະພັນພິເສດທຂອງແຂວງ ໃນນັ້ນມີໂສມ ງອັກລິງ ມາວາງສະແດງຢູ່ນະຄອນຫລວງ ຮ່າໂນ້ຍ ໃນຊຸມວັນຕົ້ນປີໃໝ່ 2019 ນີ້.
        ທ່ານນາຍົກລັດຖະມົນຕີ ຫງວຽນຊວນຟຸກ ຕີລາຄາສູງເລື່ອງເລືອກເອົາຫໍພິພິທະພັນປະຫວັດສາດແຫ່ງຊາດ ເພື່ອຈັດຕັ້ງເຫດການນີ້, ຍ້ອນວ່າ ແຫ່ງນີ້ແມ່ນບ່ອນສະສົມຮັກສາບັນດາຄຸນຄ່າວັດທະນະທຳ, ປະຫວັດສາດ, ກົກເຄົ້າເຫງົ້າກໍຂອງປະເທດຊາດ, ແມ່ນບ່ອນທີ່ເພື່ອນມິດສາກົນ, ປະມູກລັດບັນດາປະເທດ, ນັກທຸລະກິດ, ນັກລົງທຶນ, ແຂກທ່ອງທ່ຽວສາກົນມາຢ້ຽມຢາມ ແລະ ຊອກຮູ້ກ່ຽວກັບວັດທະນະທຳ, ປະເທດຊາດ ແລະ ຊາວ ຫວຽດນາມ. ກໍ່ຄືໂສມ ງອັກລິງ ແມ່ນ “ສິນປະເສີດຂອງຊາດ” ສິ່ງຍອດຢ້ຽມໂດຍດິນຟ້າດົນບັນດານໃຫ້, ດັ່ງນັ້ນ ຄວນອະນຸລັກຮັກສາ, ພັດທະນາໂສມ ງອັກລິງ  ກາຍເປັນແຫຼ່ງປະໂຫຍດໃຫ້ແກ່ປະຊາຊົນ ແລະ ປະເທດຊາດ.
(ແຫຼ່ງຄັດຈາກ VOV)