25/12/2017 11:08 GMT+7 Email Print Like 0

ໂລກເພີ່ມທະວີການປ້ອງກັນຄວາມສະຫງົບເນື່ອງໃນໂອກາດບຸນຄຼິດສະມາດ

      ໃນບັນຍາກາດບຸນຄຼິດສະມາດ ພວມຖືກຈັດຂຶ້ນຢ່າງຟົດຟື້ນໃນທົ່ວໂລກ. ໃນຄວາມເບີກບານມ່ວນຊື່ນຕ້ອນຮັບວັນບຸນຄຼິດສະມາດ ແລະ ປີໃໝ່

ໂລກເພີ່ມທະວີການປ້ອງກັນຄວາມສະຫງົບເນື່ອງໃນໂອກາດບຸນຄຼິດສະມາດ
(ພາບປະກອບ: sggp.org.vn)
      ຄວາມວິຕົກກັງວົນກ່ຽວກັບການກໍ່ການຮ້າຍໄດ້ສົ່ງຜົນສະທ້ອນເຖິງປະຊາຊົນບັນດາປະເທດ. ຢູ່ຫຼາຍປະເທດ ໄດ້ປະກາດບັນດາມາດຕະການປ້ອງກັນຄວາມສະຫງົບພິເສດ ເພື່ອຮັບປະກັນຄວາມປອດໄພໃຫ້ແກ່ປະຊາຊົນຕ້ອນຮັບບຸນຄຼິດສະມາດ.
        ຢູ່ປະເທດອິນໂດເນເຊຍ, ເຊິ່ງແມ່ນປະເທດມີຊາວອິດສະລາມ ຫຼາຍກວ່າໝູ່ໃນໂລກ, ຕຳຫຼວດປະເທດນີ້ໃຫ້ຮູ້ວ່າໄດ້ເພີ່ມທະວີກຳລັງປ້ອງກັນຄວາມສະຫງົບຢູ່ບັນດາໂບດ ແລະ ສະຖານທີ່ທ່ອງທ່ຽວ. ວົງການເຈົ້າໜ້າທີ່ອິນໂດເນເຊຍ ແຈ້ງວ່າ, ໄດ້ຜັນຂະຫຍາຍພາລະກອນປ້ອງກັນຄວາມສະຫງົບ 180.000 ຄົນກ່ອນວັນບຸນຄຼິດສະມາດ ແລະ ປີໃໝ່.
        ທີ່ອີຍິບ, ແຜນການປ້ອງກັນຄວາມສະຫງົບລວມມີການຜັນຂະຫຍາຍບັນດາຫົວໜ່ວຍຂອງກະຊວງພາຍໃນ ເພື່ອປ້ອງກັນບັນດາໂບດຊາວຄຼິດ ກວ່າ 2.600 ແຫ່ງໃນທົ່ວປະເທດເນື່ອງໃນໂອກາດນີ້.
        ຫຼາຍປະເທດຢູ່ເອີລົບ ສະພາບການປ້ອງກັນຄວາມສະຫງົບກໍ່ໄດ້ຮັບການເພີ່ມທະວີ. ຢູ່ເຢຍລະມັນ, ອັງກິດ, ອາເມລິກາ ກໍໄດ້ຜັນຂະຫຍາຍບັນດາມາດຕະການປ້ອງກັນຄວາມສະຫງົບພິເສດເພື່ອຮັບປະກັນຄວາມປອດໄພເນື່ອງໃນໂອກາດນີ້.
 (ແຫຼ່ງຄັດຈາກ VOV)