09/08/2016 10:01 GMT+7 Email Print Like 0

ໂທລະເລກຊົມເຊີຍ40ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ໄທ

(ພາບປະກອບ)
      ເນື່ອງ​ໃນ​ໂອກາດ​ສະ​ເຫຼີ​ມສະຫຼອງ 40 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ​ລະຫວ່າງ​ສາທາລະນະ​ລັດ​ສັງຄົມ​ນິຍົມ ຫວຽດນາມ ​ແລະ ລາຊະ​ອານາຈັກ ​ໄທ​ (06/08/1976 – 06/08/2016), ວັນ​ທີ 06/08/2016, ທ່ານ​ນາຍົກລັດຖະມົນຕີ ຫວຽດນາມ ຫງວຽນຊວນ​ຟຸກ ​ໄດ້​ສົ່ງ​ໂທລະ​ເລກ​ຊົມ​ເຊີຍ​ເຖິງ​ທ່ານ​ນາຍົກລັດຖະມົນຕີ ລາຊະ​ອານາຈັກ ​ໄທ ປຣາຢຸດ ຈັນ​ໂອ​ຈາ. ​ແລະ​ໃນ​ວັນ​ດຽວ​ກັນ ທ່ານ​ຮອງ​ນາຍົກ​ລັດຖະມົນຕີ ລັດຖະມົນຕີ​ການ​ຕ່າງປະ​ເທດ ຫວຽດນາມ ຟ້າ​ມບີ​ງມິງ ກໍ່ສົ່ງ​ໂທລະ​ເລກ​ຊົມ​ເຊີຍ​​ເຖິງ​ທ່ານ​ລັດຖະມົນຕີ​ການ​ຕ່າງປະ​ເທດ ​ໄທ ດອນປຣາມຸດ​ວິ​ໄນ
        ​ເນື່ອງ​ໃນ​​ໂອກາດ​ສະ​ເຫຼີ​ມສະຫຼອງ 40 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ​ລະຫວ່າງ ຫວຽດນາມ - ​ໄທ, ປະທານຄະນະອົງຄະ​ມົນຕີ​ຂອງ​ລາຊະ​ອານາຈັກ​​ໄທ ​ແລະ ບັນດາ​ອະ​ດີດນາຍົກລັດຖະມົນຕີ, ລັດຖະມົນຕີ​ການ​ຕ່າງປະ​ເທດ ພ້ອມ​ກັບ​ບາງ​ວິ​ສາຫະກິດ​ແຖວ​ໜ້າ ​ໄທ, ບັນດາ​ເພື່ອນ​ມິດ​ຂອງ ຫວຽດນາມ ​ໄດ້​ລົງ​ຢ້ຽມຢາມ​ສະຖານ​ທູດ ຫວຽດນາມ ປະຈຳ ບາງກອກ ອວຍພອນ​ການ​ພົວພັນ 2 ປະ​ເທດ​ພວມ​ຢູ່​ໃນ​ທ່າ​ພັດທະນາ​ທີ່ນັບ​ມື້​ນັບ​ແຂງ​ແຮງ. ນີ້​ແມ່ນ​ຄັ້ງ​ທຳ​ອິດ ວົງ​ການ​ນັກ​ການ​ເມືອງ ​ແລະ ການ​ນຳ​ວິ​ສາ​ຫະກິດ​ແຖວ​ໜ້າ​ໄທ​ຫລາຍ​ທ່ານ​ ພ້ອມກັນ​ລົງ​ຢ້ຽມຢາມ​ສະຖານທູດ ຫວຽດນາມ, ສະ​ແດງ​ຢ່າງ​ຈະ​ແຈ້ງ​ຄວາມ​ສຳຄັນ​ຂອງ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ ຫວຽດນາມ - ​ໄທ. ທ່ານ​​ເອກ​ອັກຄະ​ລັດຖະທູດ ຫວຽດນາມ ປະຈຳ ​ໄທ ຫງວຽນ​ເຕີ​໋ດ​ແທ່ງ ຂອບ​ໃຈ​ບັນດາ​ແຂກຜູ້​ທີ່​ມີ​ກຽດ​ທີ່​ມີ​ບັນດາ​ການ​ປະກອບ​ສວ່ນອັນ​ໃຫຍ່​ຫລວງ​​ເຂົ້າ​ໃນ​ການ​ເພີ່ມ​ພູນ​ຄູນ​ສ້າງສາຍ​ພົວພັນ 2 ປະ​ເທດ. ທ່ານ​ເອກ​ອັກຄະ​ລັດຖະທູດ  ຫງວຽນ​ເຕີ​໋ດ​ແທ່ງ ​ເນັ້ນ​ໜັກ​ວ່າ: ການ​ພົວພັນ 2 ປະ​ເທດ​ໄດ້​ກ້າວ​ເຂົ້າ​ສູ່​ໄລຍະ​ໃໝ່ ​ເຕັມ​ໄປ​ດ້ວຍ​ແງ່​ຫວັງ​ດີໃນ​ທຸກ​ຂົງ​ເຂດ.
 (ແຫຼ່ງຄັດຈາກ VOV)