03/10/2018 09:50 GMT+7 Email Print Like 0

ແຜ່ນດິນໄຫວ, ຄື້ນຍັກ ຢູ່ອິນໂດເນເຊຍ: ຈຳນວນຜູ້ເສຍຊີວິດຂຶ້ນເກືອບເຖິງ 1300 ຄົນ

      ບັນດາຜົນເສຍຫາຍກ່ຽວກັບຊີວິດອິນຊີ ຍ້ອນເຫດແຜ່ນດິນໄຫວ - ຄື້ນຍັກ ສຶນາມິ ຢູ່ເກາະ ສຸລາເວສີ ຂອງ ອິນໂດເນເຊຍ, ຈຳນວນຜູ້ເສຍຊີວິດສືບຕໍ່ເພີ່ມຂຶ້ນເຖີງ 1.249 ຄົນ.

ຈຳນວນຜູ້ເສຍຊີວິດສືບຕໍ່ເພີ່ມຂຶ້ນເຖີງ 1.249 ຄົນ
(ພາບ: AFP)
      ທ່ານປະທານາທິບໍດີ ອິນໂດນເນເຊຍ Joko Widodo ໄດ້ຊີ້ນຳໃຫ້ເພີ່ມຈຳນວນພາລະກອນກູ້ຊີບ ເພື່ອຍູ້ໄວຊອກຫາ, ກູ້ໄພກູ້ຊີບຜູ້ປະສົບເຄາະຮ້າຍຫຼັງຈາກໄພພິບັດອັນໂຫດຮ້າຍນີ້.
ຄະນະກຳມະການກາແດງສາກົນ ພັນລະນາສະພາບການປັດຈຸບັນ ວ່າ “ຄືດັ່ງຄວາມຝັນຮ້າຍ”. ບັນດາການລາຍງານຈາກພະນັກງານການອົງການນີ້ໃຫ້ຮູ້ວ່າກຳລັງຊອກວິທີເຂົ້າເຂດ ດົງກາລາ ທີ່ຖືກຕັດຂາດກັບພາຍນອກ, ບ່ອນທີ່ມີປະຊາຊົນເກືອບ 300.000 ຄົນ ອາໄສຢູ່ພາກເໜືອຂອງ ປາລູ ແລະ ນອນຢູ່ໃກ້ຈຸດໃຈກາງຂອງແຜ່ນດິນໄຫວ, ແລະ ຊີ້ໃຫ້ເຫັນວ່າເຂດດັ່ງກ່າວໄດ້ “ຖືກທຳລາຍຢ່າງໜັກໜ່ວງທີ່ສຸດ”.
 (ແຫຼ່ງຄັດຈາກ VOV)