16/01/2018 10:34 GMT+7 Email Print Like 0

ແຂວງ ກວາງນິງ: ຍົກລະດັບສະຖານທີ່ບໍລິການ wifi ໂດຍບໍ່ເສຍຄ່າ 100 ແຫ່ງເພື່ອຮັບໃຊ້ປີທ່ອງທ່ຽວແຫ່ງຊາດ 2018

      ມີສະຖານທີ່ສົ່ງສັນຍານ wifi ໂດຍບໍ່ເສຍຄ່າເກືອບ 100 ແຫ່ງໄດ້ຮັບການຍົກລະດັບ, ລວມມີ 44 ແຫ່ງໃນບໍລິເວນນະຄອນ, 35 ແຫ່ງໃນເກາະ ໂກໂຕ ແລະ 17 ແຫ່ງເທິງທະເລບ່ອນທີ່ແຂກທ່ອງທ່ຽວແວ່ຢາມ.
      ເພື່ອຮັບໃຊ້ຄວາມຕ້ອງການດ້ານຂໍ້ມູນຂ່າວສານ ແລະ ຕອບສະໜອງຄວາມຕ້ອງການນຳໃຊ້ ອີນເຕີເນັດ ພວມເພີ່ມຂຶ້ນສູງຂອງແຂກທ່ອງທ່ຽວນັບລ້ານເທື່ອຄົນທີ່ຈະມາຢ້ຽມຢາມແຂວງ ກວາງນີງ ໃນປີ 2018, ກຸ່ມບໍລິສັດໂທລະຄົມມະນາຄົມ ຫວຽດນາມ VNPT ຫາກໍ່ດຳເນີນການຍົກລະດັບພື້ນຖານໂຄງລ່າງເຄືອຂ່າຍອີນເຕີເນັດ, ຕິດຕັ້ງບັນດາສະຖານີສົ່ງສັນຍານ 4G ຕື່ມອີກ. ມີສະຖານທີ່ສົ່ງສັນຍານ wifi ໂດຍບໍ່ເສຍຄ່າເກືອບ 100 ແຫ່ງໄດ້ຮັບການຍົກລະດັບ, ລວມມີ 44 ແຫ່ງໃນບໍລິເວນນະຄອນ, 35 ແຫ່ງໃນເກາະ ໂກໂຕ ແລະ 17 ແຫ່ງເທິງທະເລບ່ອນທີ່ແຂກທ່ອງທ່ຽວແວ່ຢາມ.
        ຄຽງຄູ່ກັນນັ້ນ, VNPT ກໍ່ຈະຈັດຕັ້ງລົດສົ່ງສັນຍານເຄື່ອນທີ່ ໃນບັນດາເຫດການໃຫຍ່ທີ່ຈັດຕັ້ງໃນປີທ່ອງທ່ຽວແຫ່ງຊາດ 2018 ນັ້ນ, ບັນດາງານບຸນໃຫຍ່ທີ່ເຕົ້າໂຮມປະຊາຊົນ, ແຂກທ່ອງທ່ຽວໃນບໍລິເວນແຂວງ ກວາງນີງ ເພື່ອຫຼີກລ້ຽງສະພາບສັນຍານຖືກຕິດຂັດ…
 (ແຫຼ່ງຄັດຈາກ VOV)