13/05/2016 09:46 GMT+7 Email Print Like 0

ແຂວງຮ່ານາມເພີ່ມທະວີການຮ່ວມມືກັບແຂວງອຸດົມໄຊ,ລາວ

ບັນດາຜູ້ແທນເຂົ້າຮ່ວມການເຮັດວຽກ
(ພາບ: hanam)
      ວັນ​ທີ 12/05, ຄະນະ​ປະຕິບັດ​ງານ​ຂັ້ນ​ສູງ​ຂອງ​ແຂວງ ອຸດົມ​ໄຊ (ລາວ) ​ໂດຍ​ທ່ານ ​ເພັດ​ສະ​ຄອນ ຫລວງ​ອາ​ໄພ ​ເລຂາຄະ​ນະ​ພັກ​ ທັງ​ເປັນ​ເຈົ້າ​ແຂວງ​ ແຂວງ ອຸດົມ​ໄຊ ​ເປັນ​ຫົວໜ້າ​ຄະນະ ມີ​ການ​ເຮັດ​ວຽກ​ກັບ​ແຂວງ ຮ່າ​ນາມ. ກ່າວ​ຄຳ​ເຫັນ​ທີ່​ການ​ເຮັດ​ວຽກ ທ່ານ ຫງວຽນ​ດີງຄາງ ​ເລຂາ​ຄະນະ​ພັກ​ແຂວງ ຮ່າ​ນາມ ​ໄດ້​ສົ່ງ​ຄຳ​ອວຍພອນ​ກ່ຽວ​ກັບ​ບັນດາ​ໝາກຜົນ​ອັນ​ໃຫຍ່​ຫລວງ, ຮອບ​ດ້ານ ​ເຊິ່ງ ລາວ ບັນລຸ​ໄດ້​ໃນທຸ​ກ​ຂົງ​ເຂດ, ພ້ອມ​ທັງ​ເນັ້ນ​ໜັກ​ວ່າ ການ​ຢ້ຽມຢາມ​​ແຂວງ ຮ່າ​ນາມ ຂອງ​ຄະນະ​ໃນ​ຄັ້ງ​ນີ້ ​ຈະ​ແມ່ນປະຖົມ​ປັດ​ໃຈ ​ເພື່ອ​ສ້າງ, ປັບປຸງ​ການ​ພົວພັນ​ລະຫວ່າງ 2 ປະ​ເທດ​ເວົ້າ​ລວມ ​ແລະ 2 ​ແຂວງ​ເວົ້າ​ສະ​ເພາະ. ທ່ານ​ເລຂາ​ຄະນະ​ພັກ​ແຂວງ ຮ່າ​ນາມ ກໍ່​ແນະນຳ​​ໂດຍ​ຫຍໍ້​ກ່ຽວ​ກັບ​ສະພາບ​ການ​ພັດທະນາ​ເສດຖະກິດ - ສັງຄົມ ພ້ອມ​ກັບ​ທ່າ​ແຮງ​ຂອງ​ແຂວງ ​ແລະ ສະ​ແດງ​ຄວາມ​ປາດ​ຖະໜາ​ຢາ​ກສ້າງ​ການ​ພົວພັນຍຸດ​ທະ​ສາດ​ອັນ​ຍາວ​ນານ ​ເພື່ອ​ໝູນ​ໃຊ້ ​ແລະ ຂຸດ​ຄົ້ນ​ທ່າ​ແຮງ​ຂອງ 2 ​ແຂວງ.
        ສ່ວນ​ທ່ານ ເພັດ​ສະ​ຄອນ ຫລວງ​ອາ​ໄພ ​ໃຫ້​ຮູ້​ວ່າ ພາຍ​ຫລັງການ​ຢ້ຽມຢາມ​ຄັ້ງ​ນີ້,  2 ​ແຂວງ​ຈະ​ສ້າງ​ຕັ້ງການ​ພົວພັນ​ຮ່ວມ​ມື​ແບບ​ຍືນ​ຍົງ​ໃນ​ອະນາຄົດ. ທ່ານ​ກໍ່​ສະ​ແດງ​ຄວາມ​ປາດ​ຖະໜາ​ວ່າ ​ແຂວງ ຮ່າ​ນາມ ຈະ​ແນະນຳ​ບັນດາ​ນັກ​ລົງທຶນ​ທີ່​ມີ​ຄວາມ​ສາມາດ​ບົ່ມ​ຊ້ອນ​ໃຫ້​ແຂວງ ອຸດົມ​ໄຊ.
 (ແຫຼ່ງຄັດຈາກ VOV)