06/01/2015 09:47 GMT+7 Email Print Like 0

ແຂກທ່ອງທ່ຽວ ເພີ່ມຂຶ້ນໃນໂອກາດປີໃໝ່ ສາກົນ

(ຈຳນວນ​ແຂກ​ທ່ອງ​ທ່ຽວ ມາ​ຢ້ຽມຢາມ​ ແລະ 
ພັກຜ່ອນ​ຢ່ອນ​ອາລົມ​ຢູ່​ນະຄອນ​ດ່າ​ລາດ ໄດ້​ເພີ່ມ​​ຂຶ້ນທົບ​ຫຼາຍ​ເທົ່າ)

ໃນ​ 4 ວັນ​ພັກ​ການ​ຕົ້ນ​ປີ​ໃໝ່​ສາກົນ 2015, ຢູ່​ບັນດາ​ສະຖານ​ທີ່​ທ່ອງ​ທ່ຽວ, ລະຫຼິ້ນບັນ​ເທີງ​ຕ່າງໆຢູ່​ຮ່າ​ໂນ້ຍ ໄດ້​ດຶງ​ດູດນັກ​ທ່ອງ​ທ່ຽວ​ນັບ​ໝື່ນໆ​ຄົນ. ພົ້ນ​ເດັ່ນ​ແມ່ນ​ບັນດາ​ເຂດປູຊະນີຍະສະ​ຖານ: ວັນ​ມຽວ - ກ໋ວກຕືຢາມ, ພະ​ລາ​ຊະ​ວັງ​ທັງ​ລອງ, ໜອງ ຮ່ວານ​ກ໋ຽມ, ວິຫານ​ ງອກ​ເຊີນ ແລະ ຄຸ້ມ​ເມືອງ​ເກົ່າ​ຮ່າ​ໂນ້ຍ. ນະຄອນ​ຮ່າ​ໂນ້ຍ ໄດ້​ຈັດ​ຕັ້ງ​ບັນດາ​ລາຍການ​ສະ​ແດງສິລະ​ປະ ແລະ ການ​ເຄື່ອນ​ໄຫວ​ວັດທະນະທຳ​ຫຼາຍ​ຢ່າງ ເພື່ອຮັບ​ໃຊ້​ປະຊາຊົນ​ໃນ​ໂອກາດ​ນີ້.

        ບັນດາ​ເຂດ​ລະຫຼິ້ນ​ຢູ່​ນະຄອນ​ໂຮ່ຈິ​ມິນ ກໍ່​ມີ​ແຂກ​ມາ​ຢ້ຽມຢາມ​ເປັນ​ຈຳນວນ​ຫຼວງ​ຫຼາຍ ​​​ໃນ​ໂອກາດ​ຕ້ອນຮັບ​ປີ​ໃໝ່​ສາກົນ. ຖາວ​ເກີ​ມວຽນ, ເດີມ​ແຊນ, ຊ໋ວຍຕຽນ ແມ່ນ​ບັນດາ​ສະຖານ​ທີ່​ດູດ​ດື່ມ​ນັກ​ທ່ອງ​ທ່ຽວ. ເອື້ອຍ ເຈີ​ນທິບິ່ກລວາ​ນ, ນັກ​ທ່ອງ​ທ່ຽວ​ມາ​ຈາກ​ນິງທ້ວນ, ຢ້ຽມຢາມ​ສວນສາທາລະນະ ຊ໋ວຍຕຽນ ໃຫ້​ຮູ​້ວ່າ​.

“ບັນດາ​ເຂດ​ທ່ອງ​ທ່ຽວອື່ນ​ຂ້າພະ​ເຈົ້າ​ໄດ້​ໄປ​ແລ້ວ, ໃນ​ຄັ້ງ​ນີ້, ຂ້າພະ​ເຈົ້າ​ຢາກ​ມາ​ຢ້ຽມຢາມ​ຊ໋ວຍຕຽນ, ຢູ່​ນີ້​ມ່ວຍຫຼາຍ. ເປັນ​ຄັ້ງ​ທຳ​ອິດ​ທີ່​ຂ້າພະ​ເຈົ້າ​ໄດ້​ຮັບ​ຊົມ​ປາ​ໂລ​ມາ ສະ​ແດງ​, ຂ້າ​ພະ​​ເຈົ້າ​​ເຫັນ​ວ່າ​ມັນມີ​ຄວາມປະ​ທັບ​ໃຈ​ ແລະ ດູດ​ດື່ມ​ໃຈ”.

        ຢູ່​ເຂດ​ໄຕ​ງວຽນ, ຈຳນວນ​ແຂກ​ທ່ອງ​ທ່ຽວ ມາ​ຢ້ຽມຢາມ​ ແລະ ພັກຜ່ອນ​ຢ່ອນ​ອາລົມ​ຢູ່​ນະຄອນ​ດ່າ​ລາດ ໄດ້​ເພີ່ມ​​ຂຶ້ນທົບ​ຫຼາຍ​ເທົ່າ. ໃນ​ໂອກາດ​ນີ້, ນະຄອນ​ດ່າ​ລາດ ໄດ້​ຕ້ອນຮັບ​ນັກ​ທ່ອງ​ທ່ຽວ​ກ່ວາ 5 ໝື່ນ​ເທື່ອ​ຄົນ, ເພີ່ມ​ຂຶ້ນ​ທົບ 2 ເທົ່າ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ 2014.

 (​ແຫຼ່ງຄັດ​ຈາກ VOV)