15/12/2014 09:23 GMT+7 Email Print Like 0

ແກ່ຍາວເວລາດຳເນີນກອງປະຊຸມ COP 20 ເພື່ອແກ້ໄຂບັນດາຄວາມບໍ່ລົງລອຍກັນ


ກອງປະຊຸມ COP 20
 . (ພາບ: TTXVN)

ກອງປະຊຸມ​ຄັ້ງ​ທີ 20 ຂອງ​ສະຫະ​ປະຊາ​ຊາດ ກ່ຽວ​ກັບ​ການ​ຕ້ານ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ (COP 20) ເຊິ່ງ​ດຳ​ເນີນ​ໄປ​ຢູ່ Peru ຕ້ອງ​​ແກ່ຍາວ​ເວລາ​ຕ່ືມ​ອີກ​ໜຶ່ງ​ວັນ​ເມື່ອ​ທຽບ​ໃສ່​ກຳນົດ​ເວລາ ຍ້ອນ​ບັນດາ​ນັກ​ເຈລະຈາ​ຍັງ​ບໍ່​ທັນ​ຮັດ​ແຄບ​ຄວາມ​ບໍ່​ລົງ​ລອຍ​ກັນ​ກ່ຽວ​ກັບ​ການ​ຫຼຸດ​ຜ່ອນ​ອາຍ​ພິດ​ເຮືອນ​ແກ້ວ​ລະຫວ່າງ​ບັນດາ​ປະ​ເທດ​ຮັ່ງມີ ແລະ ປະ​ເທດ​ທຸກ​ຍາກ. ກອງ​ປະຊຸມ​ຕ້ອງຕໍ່​ແກ່ຍາວ​ເວລາ​ເພື່ອ​ກຸ່ມ​ເຮັດ​ວຽກ​ສຳ​ເລັດ​ເອກະສານ​ສຸດ​ທ້າຍ ກ່ອນ​ທີ່​ຍື່ນ​ສະ​ເໜີຮັບຮອງ​ເອົາ​ທີ່​ຮອບ​ເຈລະຈາ​ຢູ່​ປາຣີ, ປະ​ເທດ​ຝລັ່ງ. ຄາດ​ວ່າ, ສັນຍາ​ລວມ, ພາຍຫຼັງ​ໄດ້​ຮັບ​ການ​ລົງ​ນາມ​ຈະ​ທົດແທນ​ໃຫ້​ສັນຍາ​ໂຕ​ກຽວ ​​​ໃນ​ປີ 2020, ເຊິ່ງຕາມ​ນັ້ນ​ແລ້ວ, ມີ​ຄວາມ​ຜູກມັດ​ອາ​ເມ​ລິ​ກາ ແລະ ບັນດາ​ປະ​ເທດ​ຫາ​ກໍ່​ພົ້ນ​ເດັ່ນ, ໃນ​ນັ້ນ​ມີ​ຈີນ ເຂົ້າ​ໃນ​ຄວາມ​ມານະ​ພະຍາຍາມ​ຫຼຸດຜ່ອນ​ອາຍ​ພິດ​ເຮືອນ​ແກ້ວ, ເຊິ່ງ​ແມ່ນ​ໜຶ່ງ​ໃນ​ບັນດາ​ສາຍ​ເຫດ​ທີ່​ພາ​ໃຫ້​ໜ່ວຍ​ໂລກ​ອຸ່ນຂຶ້ນ.

 (​ແຫຼ່ງຄັດ​ຈາກ VOV)