03/07/2018 09:49 GMT+7 Email Print Like 0

ເສດຖະກິດ,ສັງຄົມ 6 ເດືອນຜ່ານມາມີການຫັນປ່ຽນຕັ້ງໜ້າ, ພັດທະນາຮອບດ້ານ

ມີ 18 ບັນຫາຈຸດສຸມຕ້ອງໄດ້ສຸມໃສ່ປຶກສາຫາລື, ໃນນັ້ນ ມີບັນຫາການຄວບຄຸມໄພເງິນເຟີ້, ຮັກສາເສດຖະກິດມະຫາພາກເປັນປົກກະຕິ


ທ່ານ ຫງວຽນຊວນຟຸກ ທີ່ກອງປະຊຸມ

(ພາບ: VGP)

ຕອນເຊົ້າວັນທີ 2 ກໍລະກົດ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນຊວນຟຸກ ເປັນປະທານກອງປະຊຸມຜ່ານເຄືອຂ່າຍອິນເຕີເນັດທົ່ວປະເທດກັບບັນດາທ້ອງຖິ່ນ, ເພື່ອຕີລາຄາສະພາບການເສດຖະກິດ - ສັງຄົມ 6 ເດືອນຕົ້ນປີ, ຜັນຂະຫຍາຍໜ້າທີ່ 6 ເດືອນທ້າຍປີ 2018. ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ: ມີ 18 ບັນຫາຈຸດສຸມຕ້ອງໄດ້ສຸມໃສ່ປຶກສາຫາລື, ໃນນັ້ນ ມີບັນຫາການຄວບຄຸມໄພເງິນເຟີ້, ຮັກສາເສດຖະກິດມະຫາພາກເປັນປົກກະຕິ, ພັດທະນາອຸດສາຫະກຳສຳຮອງ, ພັດທະນາຕົວເມືອງ, ເສດຖະກິດພາກເອກະຊົນ, ເພີ່ມທະວີລະບຽບວິໄນ, ລະບຽບການບໍລິຫານ, ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ, ຮັບປະກັນຄວາມປອດໄພທາງສັງຄົມ… ເມື່ອຕີລາຄາກ່ຽວກັບສະພາບການເສດຖະກິດສັງຄົມໃນ 6 ເດືອນຜ່ານມາ, ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ:

        “ທະນາຄານໂລກຄາດຄະເນວ່າ ເສດຖະກິດ ຫວຽດນາມ ເພີ່ມຂຶ້ນ 6,8%, ໄພເງິນເຟີ້ຮັກສາຢູ່ລະດັບ 4%. ບໍລິສັດຈັດອັນດັບຄວາມໄວ້ວາງໃຈ Fitch ໄດ້ຕີລາຄາ ຫວຽດນາມ ແມ່ນປະເທດມີພື້ນຖານເສດຖະກິດເຕີບໂຕໄວທີ່ສຸດຢູ່ພາກພື້ນ ອາຊີ - ປາຊີຟິກ. ນັ້ນແມ່ນຂໍ້ສັງເກດຂອງສຳນັກງານໃຫຍ່, ມີການໄຈ້ແຍກຢ່າງພາວະວິໄສ, ແຕ່ໝາກຜົນນັ້ນແມ່ນຂຶ້ນກັບພວກເຮົາເຮັດ. ຄວາມຕັດສິນໃຈຂອງພວກເຮົາ, ຂ້ຽວຂາດ, ປ່ຽນແປງໃໝ່ຢ່າງມີຫົວຄິດປະດິດສ້າງຂອງພວກເຮົາໃນການຊີ້ນຳບໍລິຫານ. ຖ້າບໍ່ພະຍາຍາມຈະບໍ່ບັນລຸໄດ້ຕົວເລກທີ່ເຂົາເຈົ້າໃຫ້ຂໍ້ສັງເກດ. ”

        ກ່ຽວກັບບັນດາສິ່ງທ້າທາຍທີ່ວາງອອກໃນໄລຍະຈະມາເຖິງ, ທ່ານນາຍົກລັດຖະມົນຕີ ໄດ້ຊີ້ແຈ້ງວ່າ: ໄພພິບັດທຳມະຊາດພວມເກີດຂຶ້ນຢູ່ຫຼາຍແຂວງ, ນະຄອນ, ເຂດພາກຕ່າງໆ, ດັ່ງນັ້ນຕ້ອງມີມາດຕະການດີກ່ວາອີກໃນການປ້ອງກັນ, ຕ້ານໄພພິບັດທຳມະຊາດ. ແລະ ເນັ້ນໜັກເຖິງຄວາມເປັນລະບຽບຮຽບຮ້ອຍແມ່ນບັນຫາສຳຄັນ, ເປັນເງື່ອນໄຂຕັດສິນຊີ້ຂາດເພື່ອສ້າງສະພາບແວດລ້ອມແຫ່ງການລົງທຶນເປັນປົກກະຕິ, ພັດທະນາເສດຖະກິດ, ສັງຄົມ, ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາທ້ອງຖິ່ນ, ບັນດາອົງການກ່ຽວຂ້ອງບໍ່ປະໃຫ້ກຸ່ມຄົນບໍ່ດີ, ພວກປະຕິການ, ຍຸຍົງແກ່ດຶງປະຊາຊົນ. ເພື່ອປະຕິບັດສຳເລັດແຜນການຂອງລັດໃນປີນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ: ຄວນສູ້ຊົນເພື່ອບັນລຸລະດັບເຕີບໂຕ 6,53% ໃນໄຕມາດ III ແລະ ບັນລຸ 6,36% ໃນໄຕມາດ IV.

 (ແຫຼ່ງຄັດຈາກ VOV)