07/07/2015 09:57 GMT+7 Email Print Like 0

ເລຂາທິການໃຫຍ່ ຫງວຽນຟູ໋ຈ້ອງ ເດີນທາງຢ້ຽມຢາມອາເມລິກາຢ່າງເປັນທາງການ


ທ່ານເອກອັກຄະລັດຖະທູດ ອາເມລິກາ ປະຈຳ ຫວຽດນາມ Ted Osius
(
ພາບປະກອບ)
​          ​ໂດຍ​ໄດ້​ຮັບ​ຄຳ​ເຊີນ​ຂອງ​ລັດ​ຖະ​ບານ ອາ​ເມ​ລິ​ກາ, ຄ່ຳ​ຄືນ​ວັນ​ທີ 5/7 (ຕາມ​ເວ​ລາ ຫວຽດ​ນາມ), ທ່ານ​ເລ​ຂາ​ທິ​ການ​ໃຫຍ່​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ ກອມ​ມູ​ນິດ ຫວຽດ​ນາມ ຫງວຽນ​ຟູ໋​ຈ້ອງ ແລະ ຄະ​ນະ​ຜູ້​ແທນ​ຂັ້ນ​ສູງ ຫວຽດ​ນາມ ໄດ້​ເດີນ​ທາງ​ອອກ​ຈາກ ຮ່າ​ໂນ້ຍ ໄປ​ຢ້ຽມ​ຢາມ ອາ​ເມ​ລິ​ກາ ຢ່າງ​ເປັນ​ທາງ​ການ. ການ​ຢ້ຽມ​ຢາມ ອາ​ເມ​ລິ​ກາ ຂອງ​ທ່ານ​ເລ​ຂາ​ທິ​ການ​ໃຫຍ່ ຫງວຽນ​ຟູ໋​ຈ້ອງ ຈະ​ຊຸກ​ຍູ້ກ​ານ​ພົວ​ພັນ​ຮ່ວມ​ມື​ລະ​ຫວ່າງ 2 ປະ​ເທດ​ໃນຫຼາຍ​ຂົງ​ເຂດ, ພິ​ເສດ​ແມ່ນ​​ທາງ​ດ້ານ​ການ​ເມືອງ, ເສດ​ຖະ​ກິດ, ການ​ຄ້າ.
        ເມື່ອ​ຕອບ​ສຳ​ພາດຕໍ່​ຂອງ​ນັກ​ຂ່າວ VOV ເນື່ອງ​ໃນ​ເຫດ​ການນີ້, ທ່ານ​ເອກ​ອັກ​ຄະ​ລັດ​ຖະ​ທູດ ອາ​ເມ​ລິ​ກາ ປະ​ຈຳ ຫວຽດ​ນາມ Ted Osius ຖື​ວ່າ: ການ​ຢ້ຽມ​ຢາມ ອາ​ເມ​ລິ​ກາ ຢ່າງ​ເປັນ​ທາງ​ການ​ຂອງ​ທ່ານ​ເລ​ຂາ​ທິ​ການ​ໃຫຍ່ ຫງວຽນ​ຟູ໋​ຈ້ອງ ແມ່ນ​ຕົວ​ຢ່າງ​ທີ່​ສະ​ແດງ​ໃຫ​້​ເຫັນ​ການ​ພົວ​ພັນ ຫວຽດ​ນາມ - ອາ​ເມ​ລິ​ກາ ພວມ​ນັບ​ມື້​ນັບ​ມີ​ບັນ​ດາ​ບາດ​ກ້າວ​ໃໝ່. 20 ປີ​ຜ່ານ​ມາກໍ​ໄດ້​ເຫັນ​ປະ​ຈັກ​ຕາ​ບັນ​ດາ​ຂີດ​ໝາຍ​ສຳ​ຄັນ​ໃໝ່​ໃນ​ການ​ພົວ​ພັນ ຫວຽດ​ນາມ - ອາ​ເມ​ລິ​ກາ. ທ່ານ​ເອກ​ອັກ​ຄະ​ລັດ​ຖະ​ທູດ Ted Osius, ໃຫ້​ຮູ້​ວ່າ:
        ພຽງໃນໜຶ່ງຜ່ານມາ, 2 ປະເທດ​​ໄດ້ຮັບຜົນສຳເລັດຫຼາຍຢ່າງ, ​ໃນນັ້ນໃຫຍ່ກ່ວາໝູ່ແມ່ນຂົງເຂດການຄ້າ​. ກ່ອນນີ້ 20 ປີ, ການພົວພັນແລກປ່ຽນການຄ້າລະຫວ່າງ 2 ປະເທດບັນລຸພຽງ 500 ລ້ານ USD ເທົ່ານັ້ນ, ໃນປີ 2014, ​ວົງເງິນການຄ້າ 2 ສົ້ນບັນລຸໄດ້ 35 ຕື້ USD ແລະ ຄາດວ່າໃນປີ 2015 ຈະບັນລຸ 40 ຕື້ USD. ານເຕີບໂຕດ້ານການຄ້າກໍຊ່ວຍຍູ້ແຮງຈຳນວນຄົນໄປ - ມາລະຫວ່າງ 2 ປະເທດ. ອາເມລິກາ ໄດ້ໜູນຊ່ວຍຈຳນວນເງິນ 100 ລ້ານ USD ເພື່ອກຳຈັດ ດີໂອຊີນ ຢູ່ ດ່ານັ້ງ. ອາເມລິກາ ກໍ່ໄດ້ສະຫງວນຈຳນວນເງິນ 80 ລ້ານ USD ໃຫ້ແກ່ ຫວຽດນາມ ໃນການຊອຫາທຳລາຍລູກລະເບີດບໍ່ທັນແຕກພາຍຫຼັງສົງຄາມ. 2 ປະເທດກໍຮ່ວມມືຊອກຫາອັດຖິທະຫານອາເມລິກາ ທີ່ຫາຍສາບູນ ແລະ ກົງກັນຂ້າມ ອາເມລິກາ ຊ່ວຍເຫຼືອ ຫວຽດນາມ ຊອກຫາທະຫານ ຫວຽດນາມ ຫາຍສາບູນພາຍຫຼັງສົງຄາມ.
(ແຫຼ່ງຄັດຈາກ VOV)