02/02/2019 11:12 GMT+7 Email Print Like 0

ເລຂາຄະນະພັກນະຄອນ ໂຮ່ຈີມິນ ຫງວຽນທ້ຽນເຍິນ ຕ້ອນຮັບເອກອັກຄະລັດຖະທູດ ຈີນ

ຕອນບ່າຍວັນທີ 31 ມັງກອນ, ທ່ານ ຫງວຽນທ້ຽນເຍິນ ກຳມະການກົມການເມືອງ, ເລຂາຄະນະພັກນະຄອນ ໂຮ່ຈີມິນ ໄດ້ໃຫ້ການຕ້ອນຮັບທ່ານ ສູງປົວ ເອກອັກຄະລັດຖະທູດ ຈີນ ປະຈຳ ຫວຽດນາມ ເຂົ້າຢ້ຽມຂ່ຳນັບເນື່ອງໃນໂອກາດມາຮັບໜ້າທີ່ທາງການທູດຢູ່ ຫວຽດນາມ.

ທີ່ການຕ້ອນຮັບ (ພາບ: TTXVN)

ທີ່ການຕ້ອນຮັບ, ທ່ານ ຫງວຽນທ້ຽນເຍີນ ໄດ້ເນັ້ນໜັກວ່າ ນະຄອນ ໂຮ່ຈີມິນ ປາດຖະໜາຢາກໄດ້ຮັບການແບ່ງປັນບົດຮຽນຈາກບັນດາຕົວເມືອງພັດທະນາໃນໂລກ, ໃນນັ້ນ ມີ ຈີນ ກ່ຽວກັບການຄຸ້ມຄອງພົນລະເມືອງ, ຈັດຕັ້ງລະບົບຄົມມະນາຄົມ, ຄຸ້ມຄອງແຫຼ່ງນ້ຳ ແລະ ພັດທະນາເຮືອນຢູ່ໃຫ້ປະຊາຊົນ.

        ສ່ວນທ່ານເອກອັກຄະລັດຖະທູດ ສູງປົວ ຢືນຢັນວ່າ: ຈີນ ແລະ ນະຄອນ ໂຮ່ຈີມິນ ມີຄວາມສາມາດບົ່ມຊ້ອນຮ່ວມມືຫລາຍຢ່າງໃນຂົງເຂດພັດທະນາເຕັກໂນໂລຊີ ແລະ ພັດທະນາພື້ນຖານເສດຖະກິດໃຫ້ມີຄຸນນະພາບສູງ. ທ່ານເອກອັກຄະລັດຖະທູດຖືວ່າ: ດ້ວຍຄວາມສາມາດບົ່ມຊ້ອນ ແລະ ການພັດທະນາທີ່ຂະຫຍັນຂັນເຄື່ອນ, ນະຄອນ ໂຮ່ຈີມິນ ມີກາລະໂອກາດປະສົບຜົນສຳເລັດຫລາຍຢ່າງ ເພື່ອກາຍເປັນທ້ອງຖິ່ນນຳໜ້າໃນການໝູນໃຊ້ເຕັກໂນໂລຊີສູງ, ເຕັກໂນໂລຊີສະຫລາດເຂົ້າໃນການຜະລິດ.

        ແລະກໍ່ໃນຕອນບ່າຍວັນທີ 31 ມັງກອນ (ກົງກັບວັນທີ 26 ເດືອນ 12 ໄລ່ຕາມຈັນທະປະຕິທິນ), ຄະນະຜູ້ແທນຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດ ຫວຽດນາມ ນະຄອນ ໂຮ່ຈີມິນ ໂດຍທ່ານ ຫງວຽນທ້ຽນເຍິນ, ກຳມະການກົມການເມືອງ, ເລຂາຄະນະພັກນະຄອນ ໂຮ່ຈີມິນ ນຳໜ້າໄດ້ໄປຢ້ຽມຢາມ ແລະ ອວຍພອນບຸນເຕັດບັນດາອົງການສາສະໜາໃນບໍລິເວນນະຄອນ ໂຮ່ຈີມິນ.

(ແຫຼ່ງຄັດຈາກ VOV)