14/08/2017 05:52 GMT+7 Email Print Like 0

ເພີ່ມພູນຄູນສ້າງຄວາມສາມັກຄີມິດຕະພາບແບບພິເສດ ຫວຽດນາມ-ລາວຢ່າງບໍ່ຢຸດຢັ້ງ

      ວັນທີ 12 ສິງຫາ, ທ່ານນາງ ຕ່ອງທິຟ໋ອງ, ຮອງປະທານ ຜູ້ປະຈຳການສະພາແຫ່ງຊາດ, ທ່ານ ທອງສະຫວັນ ພົມວິຫານ, ເອກອັກຄະລັດຖະທູດ ສປປລາວ ປະຈຳ ຫວຽດນາມ ພ້ອມກັບຄະນະປະຕິບັດງານສະພາແຫ່ງຊາດ ແລະ ສະມາຄົມມິດຕະພາບ ຫວຽດນາມ - ລາວ

 ທ່ານນາງ ຕ່ອງທິຟ໋ອງ, ຮອງປະທານ ຜູ້ປະຈຳການສະພາແຫ່ງຊາດ
ເຮັດວຽກກັບການນຳແຂວງ ຮ່ວາບີ່ງ (ພາບ: baohoabinh.com.vn)
      ໄດ້ມາຢ້ຽມຢາມເຂດປູຊະນີຍະສະຖານປະຫວັດສາດ ສະຖານທີ່ອົບຮົມດ້ານການເມືອງ ແລະ ຈັດຕັ້ງກອງປະຊຸມໃຫຍ່ກຽມໃຫ້ກອງປະຊຸມໃຫຍ່ຄັ້ງທີ II ຂອງພັກປະຊາຊົນ ປະຕິວັດລາວ ຢູ່ ຮ່ວາບິ່ງ. ນະທີ່ນີ້, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ເນັ້ນໜັກວ່າ, ແຂວງ ຮ່ວາບິ່ງ ໄດ້ເປັນເຈົ້າການ, ມີຫົວຄິດປະດິດສ້າງໃນການເພີ່ມພູນຄູນສ້າງ, ເອົາໃຈໃສ່ເບິ່ງແຍງເຖິງນ້ຳໃຈມິດຕະພາບລະຫວ່າງສອງປະເທດ, ພິເສດແມ່ນໄດ້ອະນຸລັກຮັກສາເຂດປູຊະນີຍະສະຖານນີ້, ເຊິ່ງແມ່ນສະຖານທີ່ແດງ, ແມ່ນພະຍານຫຼັກຖານແຫ່ງສາຍພົວພັນແບບພິເສດ ຫວຽດນາມ - ລາວ. ທ່ານນາງຮອງປະທານສະພາແຫ່ງຊາດສະເໜີ ສະມາຄົມມິດຕະພາບ ຫວຽດນາມ - ລາວ ສົມທົບກັບບັນດາແຂວງ ຮ່ວາບິ່ງ, ເຊີນລາ, ຟູ໋ທໍ້, ເຊິ່ງແມ່ນບັນດາແຫ່ງທີ່ມີເຫດການ, ຂີດໝາຍທີ່ສຳຄັນລະຫວ່າງພັກ, ລັດ, ກອງທັບ ສອງປະເທດ ເພື່ອຕ້ອນຮັບບັນດາຄະນະຜູ້ແທນຂອງປະເທດເພື່ອນ ລາວ ມາຢ້ຽມຢາມ, ຊອກຮູ້ປະຫວັດສາດໃຫ້ຫຼາຍກວ່າອີກ… ແນໃສ່ໂຄສະນາ, ສຶກສາມູນເຊື້ອແຫ່ງຄວາມສາມັກຄີແບບພິເສດ ຫວຽດນາມ - ລາວ.
(ແຫຼ່ງຄັດຈາກ VOV)