10/12/2015 09:53 GMT+7 Email Print Like 0

ເພີ່ມທະວີວຽກງານໂຄສະນາເພື່ອແນໃສ່ລົບລ້າງການໃຊ້ຄວາມຮຸນແຮງສຳລັບແມ່ຍິງ ແລະ ເດັກຍິງ


(ທ່ານນາງຮອງປະທານປະເທດ ຫງວຽນທິວານ)
​        ຕອນ​ຄ່ຳ​ວັນ​ທີ 08/12, ຢູ່​ຮ່າ​ໂນ້ຍ, ໄ​ດ້​ດຳ​ເນີນ​ງານ​ໂຮມຊຸມ​ນ​ຸມ​ສະ​ເຫຼີມ​ສະ​ຫຼອງ​ຂະ​ບວນ​ການ​ໂຄ​ສະ​ນາ “16 ວັນ​ເຄື່ອນ​ໄຫວ​ເພື່ອ​ລົບ​ລ້າງ​ການ​ໃຊ້​ຄວາມ​ຮຸນ​ແຮງ​ສຳ​ລັບ​ແມ່​ຍິງ ແລະ ເດັກ​ຍິງ”, ໂດຍ​ສູນ​ກາງ​ສະ​ມາ​ຄົມ​ຊາວ​​ກະ​ສິ​ກອນ​ຫວຽດ​ນາມ ຈັດ​ຕັ້ງ. ກ່າວ​ຄຳ​ເຫັນ​ຢູ່​ທີ່ນີ້, ທ່ານ​ນາງ​ຮອງ​ປະ​ທານ​ປະ​ເທດ ຫງວຽນ​ທິ​ຢ​ວານ ຢືນ​ຢັນ​ວ່າ, ​ຍາມ​ໃດຫວຽດ​ນາມ ກໍ​ເອົາ​ໃຈ​ໃສ່​ປະ​ຕິ​ບັດ​ບັນ​ດາ​ມາດ​ຕະ​ການ​ເພື່ອ​ແນ​ໃສ່​ຮັບ​ປະ​ກັນ​ຊີ​ວິດ​ສັງ​ຄົມ, ປະ​ຕິ​ບັດ​ຄາດ​ໝາຍ​ພັດ​ທະ​ນາ​ແບບ​ຍືນ​ຍົງ. ເພື່ອ​ປະ​ຕິ​ບັດ​ບັນ​ດາ​ຄຳ​ໝັ້​ນ​ສັນ​ຍາ​ສາ​ກົນ​ເຊິ່ງ​ຫວຽດ​ນາມ ແມ່ນ​ສະ​ມາ​ຊິກ​ໃຫ້​ໄດ້​ນັ້ນ, ພັກ ແລະ ລັດ ໄດ້​ຊີ້​ນຳ​ທຸກ​ຂັ້ນ, ທຸກ​ຂະ​ແໜງ​ການ​ສືບ​ຕໍ່​ເສີມ​ຂະ​ຫຍາຍ​ບັນ​ດາ​​ພົນ​ງານ​ທີ່​ບັນ​ລຸ​ໄດ້, ພ້ອມ​ທັງ​ແກ້​ໄຂ​ຄວາມ​ຫຍຸ້ງ​ຍາກ, ສິ່ງ​ທ້າ​ທາຍ​ໃນ​ວຽກ​ງານ​ສະ​ເໝີ​ພາບ​ລະ​ຫວ່າງ​ຍິງ - ຊາຍ ເວົ້າ​ລວມ ແລະ ການ​ໃຊ້​ຄວາມ​ຮຸນ​ແຮງ​ສຳ​ລັບ​ແມ່​ຍິງ ແລະ ເດ​ັກ​ຍິງ​ເວົ້າ​ສະ​ເພາະ.
      “ຂ້າ​ພະ​ເຈົ້າ​ສະ​ເໜີ ແລະ ຮຽກ​ຮ້​ອງ​ທຸກ​ກະ​ຊວງ, ຂະ​ແໜງ​ການ, ພິ​ເສດ​ແມ່ນ​ກະ​ຊວງວັດ​ທະ​ນະ​ທຳ, ກິ​ລາ ແລະ ທ່ອ​ງ​ທ່ຽວ, ກະ​ຊວງ​ຖະ​ແຫຼງ​ຂ່າວ ແລະ ສື່​ສານ ພ້ອມ​ກັບ​ບັນ​ດາ​ກະ​ຊວງ, ຂະ​ແໜງ​ການ​ທີ່​ກ່ຽວ​ຂ້ອງ, ບັນ​ດາ​ອົງ​ການ​ຈັດ​ຕັ້ງ​ການ​ເມືອງ ສັງ​ຄົມ​ເພີ່ມ​ທະ​ວີ​ວຽກ​ງານ​ໂຄ​ສະ​ນາ, ສຶກ​ສາ, ຂົນ​ຂວາຍ​ປະ​ຊາ​ຊົນ​ປ່ຽນ​ແປງ​ຄວາມ​ຮັບ​ຮູ​້, ກ່ອນ​ອືນ​ໝົດ​ແມ່ນ​ຂອງ​ເພດ​ຊາຍ ແລະ ປະ​ຊາ​ຊົນ​ທຸກ​ຄົນ​ກ່ຽວ​ກັບ​ບົດ​ບາດ​ຂອງ​ແມ່​ຍິງ​ໃນ​ສັງ​ຄົມ ແລະ ຄອບ​ຄົວ.”
      ຂະ​ບວນ​ການ​ໂຄ​ສະ​ນາ​ດັ່ງ​ກ່າວ​ໂດຍ​ກະ​ຊວງວັດ​ທະ​ນະ​ທຳ, ກິ​ລາ ແລະ ທ່​ອງ​ທ່ຽວ ພ້ອມ​ກັບ​ກອງ​ທ​ຶນ​ພົນ​ລະ​ເມືອງ​ຂອງ​ສ​ະ​ຫະ​ປະ​ຊາ​ຊາດ ປຸກ​ລະ​ດົມ ແຕ່​ວັນ​ທີ 25/11 ຮອດ​ວັນ​ທີ 10/12/2015.
(ແຫຼ່ງຄັດຈາກ VOV)