08/10/2015 00:01 GMT+7 Email Print Like 0

ເພີ່ມທະວີຄວາມສາມັກຄີ, ຮ່ວມມືຮອບດ້ານລະຫວ່າງ ຫວຽດນາມ-ກູບາ

ທ່ານປະທານປະເທດ ເຈືອງເຕິນຊາງ ຫາກໍ່ສິ້ນ ແລະ ປະສົບຄວາມສຳເລັດເປັນຢ່າງດີການຢ້ຽມຢາມ ສ. ກູບາ ຢ່າງເປັນທາງການ, ປະກອບສ່ວນສືບຕໍ່ເພີ່ມທະວີການ ພົວພັນສາມັກຄີຖານອ້າຍນ້ອງ ແລະ ການຮ່ວມມືຮອບ ດ້ານລະຫວ່າງ ພັກ, ລັດຖະບານ ແລະ ປະຊາຊົນສອງ ປະເທດ. 
ການຢ້ຽມຢາມໄດ້​ເກີດຂຶ້ນໃນ​ບັນ​ຍາ​ກາດການເມືອງຂອງ ກູບາກຳລັງມີການພັດທະນາຢ່າງແຂງແຮງ,​ ທັງການພົວພັນ ພາຍໃນ ແລະ ພາຍນອກ, ດຶງດຸດຄວາມເອົາສົນໃຈ, ​ຫ່ວງ​ໄຍຂອງປະຊາຄົມສາກົນ.
 
ໃນການຢ້ຽມຢາມຄັ້ງນີ້, ການນຳສອງປະເທດໄດ້ຕົກລົງຈະ ສືບຕໍ່ຊີ້ນຳຍົກສູງປະສິດທິຜົນຂອງບັນດາໂຄງການຮ່ວມມືດ້ານກະສິກຳ ແລະ ຊັບພະຍາກອນທາງນຳ້  ແລະ ຈະຈັດ​ຕັ້ງ​ຜັນຂະຫຍາຍໃນເວລາມໍ່ໆ​ນີ້;  ສ້າງ ແລະ ອຳນວຍ ຄວາມສະດວກໃຫ້ວິສາຫະກິດສອງປະເທດເຂົ້າ​ເຖິງຕະ ຫຼາດ, ກໍ່ຄື ການ​ຈັດ​ຕັ້ງ​ປະ​ຕິ​ບັດບັນດາໂຄງການຮ່ວມມື ແລະ ລົງທຶນໃນ ຫຼາຍຂົງເຂດຄື: ຂຸດຄົ້ນນຳ້ມັນ, ກໍ່ສ້າງພື້ນ ຖານໂຄງລ່າງການ ທ່ອງທ່ຽວ, ຜະລິດອຸປະກອນການ ກໍ່ສ້າງ, ຄົ້ນຄວ້າ ແລະ ຜະລິດຊອບແວ ແລະ ອື່ນໆ. ພິຈາ ລະນາ ຄວາມອາດສາມາດ ສ້າງຕັ້ງກົນໄກທີ່ເໝາະສົມເພື່ອ ເພີ່ມທະວີການຮ່ວມມືຄົ້ນ ຄວ້າ, ທົດລອງ, ຜະລິດຢາປົວ​ພະ​ຍາດຊະນິດຕ່າງໆ ທີ່ເປັນທ່າແຮງຂອງແຕ່ລະປະເທດ. ສືບຕໍ່ເອົາໃຈໃສ່ຊຸກຍູ້ການຮ່ວມມືລະຫວ່າງສອງປະເທດ ໃນຂົງເຂດຕ່າງໆຄື: ວັດທະນະທຳ, ກິລາ, ທ່ອງທ່ຽວ, ສຶກ ສາ ແລະ ບຳລຸງສ້າງ.

ພິທີຕ້ອນຮັບທ່ານປະທານປະເທດ ເຈືອງເຕິນຊາງ ໄດ້ຮັບ
ການຈັດຂຶ້ນຢ່າງສົມກຽດທີ່ຫໍປະຕິວັດ
ທີ່ ນະຄອນຫຼວງລາ ຮາວານ. ພາບ: ຫງວຽນຄາງ/VNA


ທ່ານປະທານປະເທດ ເຈືອງເຕິນຊາງ ພົບປະເຈລະຈາ ກັບທ່ານປະທານສະພາແຫ່ງລັດ
ແລະ ສະພາລັດຖະມົນຕີ ກູບາ
Raul Castro. ພາບ: ຫງວຽນຄາງ/VNA

ການນຳສອງປະເທດໄດ້ເປັນສັກຊີພິຍານໃນພິທີລົງນາມ
ຂໍ້ຕົກລົງ
ວ່າ​ດ້ວຍ​ການຮ່ວມມືໃນຂົງເຂດທະນາຄານ. ພາບ: ຫງວຽນຄາງ/VNA


ທ່ານປະທານສະພາແຫ່ງລັດ ແລະ ສະພາລັດຖະມົນຕີ ກູບາ Raul Castro ປະດັບຫຼຽນໄຊ Jose Marti
ໃຫ້ແກ່ທ່ານ ປະທານປະເທດ ເຈືອງເຕິນຊາງ. ພາບ: ຫງວຽນຄາງ/VNA


ທ່ານປະທານປະເທດ ເຈືອງເຕິນຊາງ ພົບປະແລກປ່ຽນ
ຄວາມຄິດຄວາມເຫັນກັບທ່ານປະທານສະພາ ກູບາ
Esteban Lazo. ພາບ: ຫງວຽນຄາງ/VNA


ທ່ານປະທານປະເທດ ເຈືອງເຕິນຊາງ ວາງພວງມາລາທີ່
ອະນຸສາວະລີ ວິລະຊົນແຫ່ງຊາດ
Jose Marti.   ພາບ: ຫງວຽນຄາງ/VNA


ທ່ານປະທານປະເທດ ເຈືອງເຕິນຊາງ ກ່າວຄຳປາໄສທີ່ເວທີ
ປາໄສວິສາຫະກິດ ຫວຽດນາມ-ກູບາ. ພາບ: ຫງວຽນຄາງ/VNA


ທ່ານປະທານປະເທດຢ້ຽມຢາມໂຮງຮຽນປະຖົມທີ່ໃສ່ຊື່
ປະທານ ໂຮ່ຈີມິນ.  ພາບ: ຫງວຽນຄາງ/VNA


ທ່ານປະທານປະເທດ ມາຢ້ຽມຢາມຖາມຂ່າວ ຊາວກະສິກອນ ກູບາ. ພາບ: ຫງວຽນຄາງ/VNA

ກ່ຽວກັບການຮ່ວມມືຫຼາຍຝ່າຍ, ການນຳສອງທ່ານໄດ້ຢືນ ຢັນວ່າ: ສອງປະເທດຈະສືບຕໍ່ເພີ່ມທະວີການສົມທົບ, ຮ່ວມ ມື ແລະ ສະໜັບສະໜູນເຊິ່ງກັນ ແລະ ກັນໃນວົງອົງການ ສາກົນ​ຕ່າງໆ ແລະ ເວທີຫຼາຍຝ່າຍເພື່ອປົກປັກຮັກສາຜົນ ປະໂຫຍດອັນສົມເຫດສົມຜົນ, ຍົກສູງອິດທິພົນ ແລະ ຖາ ນະບົດບາດຂອງແຕ່ລະປະເທດ. ພ້ອມທັງປະກອບສ່ວນ ເຂົ້າໃນຂະ​ບວນ​ການຕໍ່ສູ້ລວມ ເພື່ອສັນຕິພາບ, ສະຖຽນ ນະພາບ ແລະ ການຮ່ວມມືຢູ່ສອງພາກພື້ນ ແລະ ໃນທົ່ວ ໂລກ. ເມື່ອແລກປ່ຽນຄວາມຄິດ ຄວາມເຫັນກ່ຽວກັບບັນ ຫາຂອງພາກພື້ນ ແລະ ສາກົນມີຄວາມເປັນ​ຫວ່ງ, ສອງ ຝ່າຍຢືນຢັນວ່າ ຈະສະໜັບສະໜູນຫຼັກໝັ້ນແກ້ໄຂຂໍ້ຂັດ ແຍ່ງໃນທະເລຕາເວັນອອກດ້ວຍສັນຕິວິທີ, ບົນພື້ນຖານ ເຄົາລົບກົດໝາຍສາກົນ.
 
ເນື່ອງໃນໂອກາດນີ້, ທ່ານປະທານສະພາແຫ່ງລັດ ແລະ ສະພາລັດຖະມົນຕີ ກູບາ Raul Castro ໄດ້ປະດັບຫຼຽນໄຊ Jose Marti- ​ຊຶ່ງເປັນຫຼຽນໄຊທີ່ປະເສີດ ແລະ ຊົງ​ກຽດ ທີ່ສຸດຂອງພັກ ແລະ ລັດຖະບານ ກູບາ ປະ​ດັບ​ໃຫ້ການນຳ ແລະ ບຸກ​ຄົນຜູ້ທີ່ມີ​ຊື່ສຽງຂອງຕ່າງປະເທດ ​ປະດັບໃຫ້ແກ່ ທ່ານປະທານປະເທດ ເຈືອງເຕິນຊາງ.
ໂດຍ: VNA/VNP

ບັນດາບົດທີ່ຖືກນຳສະເໜີ