10/11/2017 09:56 GMT+7 Email Print Like 0

ເປີດສະຫຼອງສວນສາທາລະນະ APEC

      ຕອນເຊົ້າວັນທີ 09 ພະຈິກ, ສວນສາທາລະນະ APEC ໄດ້ເປີດສະຫຼອງຢ່າງເປັນທາງການ ຢູ່ດ່ານັ້ງ.

(ເປີດສະຫຼອງສວນສາທາລະນະ APEC)
      ເຂົ້າຮ່ວມພິທີມີທ່ານປະທານຄະນະກຳມະການແຫ່ງຊາດ APEC 2017, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ, ພ້ອມດ້ວຍລັດຖະມົນຕີບັນດາພື້ນຖານເສດຖະກິດສະມາຊິກ. ບັນດາຜະລິດຕະພັນທີ່ຕັ້ງຢູ່ສວນສາທາລະນະ APEC ລ້ວນແຕ່ເປັນເອກະລັກພົ້ນເດັ່ນສະເພາະຂອງບັນດາພື້ນຖານເສດຖະກິດສະມາຊິກ APEC, ພ້ອມທັງສະແດງໃຫ້ເຫັນຈຸດວັດທະນະທຳ, ສິລະປະຂອງແຕ່ລະປະເທດ. ທ່ານລັດຖະມົນຕີການຕ່າງປະເທດອິນໂດເນເຊຍ Abdurrahman M.Fachir ໃຫ້ຮູ້ວ່າ.
        “ນີ້ແມ່ນແນວຄວາມຄິດທີ່ດີເພື່ອສະແດງໃຫ້ເຫັນນ້ຳໃຈສາມັກຄີລະຫວ່າງບັນດາພື້ນຖານເສດຖະກິດ APEC. ພວກຂ້າພະເຈົ້າໄດ້ນຳເອົາຮູບພາບເຮືອ Pinisi, ເກາະໃຫຍ່ຂອງອິນໂດເນເຊຍ ມາແຫ່ງນີ້. ເຮືອສະແດງໃຫ້ເຫັນການແລກປ່ຽນດ້ານການຄ້າລະຫວ່າງ 17.000 ເກາະຂອງອິນໂດເນເຊຍ. ນັ້ນແມ່ນຈຸດທີ່ເປັນເອກະລັກສະເພາະຂອງປະເທດພວກຂ້າພະເຈົ້າ ແລະ ນັ້ນກໍ່ແມ່ນສາຍເຫດເປັນຫຍັງພວກຂ້າພະເຈົ້າເລືອກເອົາຮູບພາບເຮືອມາຕັ້ງຢູ່ສວນສາທາລະນະ APEC. ຂອບໃຈນະຄອນດ່ານັ້ງ ໄດ້ຈັດຕັ້ງສຳເລັດເຫດການ APEC”.
 (ແຫຼ່ງຄັດຈາກ VOV)