08/08/2016 11:23 GMT+7 Email Print Like 0

ເປັນຄັ້ງທຳອິດໃນປະຫວັດສາດ,ຫວຽດນາມຍາດໄດ້ຫລຽນຄຳທີ່ Olympic

ນັກ​ກິ​ລາ​ຍິງ​ປືນ ຮ່​ວາງ​ຊວນ​ວີງ
ພາບ:thanhnien
      ໃນ​ມື້​ທຳ​ອິດ​ແຫ່ງ​ການ​ແຂ່ງ​ຂັນ​ຂອງ​ງານ​ມະ​ຫາ​ກຳ​ກິ​ລາ​ລະ​ດູ​ຮ້ອນ 2016 (Olympic 2016), ນັກ​ກິ​ລາ​ຍິງ​ປືນ ຮ່​ວາງ​ຊວນ​ວີງ ໄດ້​ຊ່ວຍ​ໃຫ້​ຄະ​ນະ​ກິ​ລາ​ຫວຽດ​ນາມ ຍາດ​ໄດ້​ຫລຽນ​ຄຳ​ທຳ​ອິດ​ໃນ​ປະ​ຫວັດ​ສາດ. ດ້ວຍ​ຜົນ​ງານ 202,5 ຄະ​ແນນ ໃນ​ການ​ຍິງ​ເປັນ 20 ຄັ້ງ ໃນ​ວັນ​ທີ 6/8, ນັກ​ກິ​ລາ​ຍິງ​ປືນ ຮ່​ວາງ​ຊວນ​ວີງ ຍາດ​ໄດ້​ຫລຽນ​ຄຳ ໃນ​ປະ​ເພດ​ປືນ​ລົມ​ສັ້ນ 10 ເມັດ​ເພດ​ຊາຍ. ດ້ວຍ​ 202,5 ຄະ​ແນນ, ນັກ​ກິ​ລາ​ຍິງ​ປືນ ຮ່​ວາງ​ຊວນ​ວີງ ກໍ​ໄດ້​ສ້າງ​ສະ​ຖິ​ຕິ Olympic. ທ່ານ ຫງວຽນ​ງອກ​ທ້ຽນ, ລັດ​ຖະ​ມົນ​ຕີ​ກະ​ຊວງວັດ​ທະ​ນະ​ທຳ​ກິ​ລາ ແລະ ທ່ອງ​ທ່ຽວ ຫວຽດ​ນາມ ໄດ້​ສົ່ງ​ຈົດ​ໝາ​ຍອວຍ​ພອນ​ຄະ​ນະ​ກິ​ລາ​ຫວຽດ​ນາມ ແລະ ນັກ​ກິ​ລາ​ຍິງ​ປືນ ຮ່​ວາງ​ຊວນ​ວີງ.
      ດ້ວຍ​ຜົນ​ງານ​ດັ່ງ​ກ່າວ ນັກ​ກິ​ລາ​ຍິງ​ປືນ ຮ່​ວາງ​ຊວນ​ວີງ ໄດ້​ເຮັດ​ໃຫ້​ສື່ມວນ​ຊົນ​ສາ​ກົນ ນິ​ຍົມ​ຊົມ​ຍ້ອງ. ສຳ​ນັກ​ຂ່າວ​ສານ Reuter, ​ຫນັງ​ສື​ພິມ Daily Mail ຂອງ​ອັງ​ກິດ ລ້ວນ​ແຕ່​ລົງ​ຂ່າວ ແລະ ບົດ ຍ້ອງ​ຍໍ ນັກ​ກິ​ລາ​ຍິງ​ປືນ ຮ່​ວາງ​ຊວນ​ວີງ ຂອງ​ຫວຽດ​ນາມ. ວິ​ທະ​ຍຸ NBC ຂອງ​ອາ​ເມ​ລິ​ກາ ຍ້ອງ​ຍໍ​ຜົນ​ງານ ​​ ຂອງ ນັກ​ກິ​ລາ​ຍິງ​ປືນ ຮ່​ວາງ​ຊວນ​ວີງ ທີ່​ສ້າງ​ຄວາມ​ປະ​ທັບ​ໃຈ, ສຳ​ນັກ​ຂ່າວ​ສານ CNN ຂອງ​ອາ​ເມ​ລິ​ກາ ກໍ​ມີ​ຄຳອວຍ​ພອນ ນັກ​ກິ​ລາ​ຍິງ​ປືນ ຮ່​ວາງ​ຊວນ​ວີງ ຜ່ານ​ສື່​ສັງ​ຄົມ​ອອນ​ລາຍ Twitter.
(ແຫຼ່ງຄັດຈາກ VOV)