15/05/2020 09:41 GMT+7 Email Print Like 0

ເຊື່ອມຕໍ່ທະນາຄານ - ວິສາຫະກິດຜ່ານຜ່າໂລກລະບາດ Covid – 19

      ຕອນເຊົ້າວັນທີ 14 ພຶດສະພາ ຢູ່ຮ່າໂນ້ຍ, ທະນາຄານແຫ່ງລັດຫວຽດນາມ ໄດ້ສົມທົບກັບຄະນະກຳມະການປະຊາຊົນນະຄອນຮ່າໂນ້ຍ ຈັດຕັ້ງກອງປະຊຸມເຊື່ອມຕໍ່ລະຫວ່າງທະນາຄານ - ວິສາຫະກິດ ເພື່ອໜູນຊ່ວຍລູກຄ້າທີ່ປະສົບກັບຄວາມຫຍຸ້ງຍາກ ຍ້ອນຖືກຜົນສະທ້ອນຈາກພະຍາດ Covid – 19.

ກອງປະຊຸມເຊື່ອມຕໍ່ລະຫວ່າງທະນາຄານ - ວິສາຫະກິດ  (ພາບ: BNEWS)
      ກ່າວຄຳເຫັນທີ່ກອງປະຊຸມ, ທ່ານດ່າວມິງຕູ໊ ຮອງຜູ້ວ່າການທະນາຄານແຫ່ງລັດ ຫວຽດນາມ ໄດ້ຮຽກຮ້ອງໃຫ້ບັນດາໜ່ວຍງານ ໃນຂະແໜງການຄວນກວດກາຄືນ, ປັບປຸງເພີ່ມເຕີມຫຼືຍື່ນສະເໜີຕໍ່ຂັ້ນມີສິດອຳນາດ ທີ່ມີກົນໄກນະໂຍບາຍ, ຂໍ້ກຳນົດກົດໝາຍ ກ່ຽວກັບການເຄື່ອນໄຫວຂອງທະນາຄານ ທີ່ກໍ່ຄວາມຫຍຸ້ງຍາກຕໍ່ການເຄື່ອນໄຫວຜະລິດ, ດຳເນີນທະລຸກິດ…ທ່ານດ່າວມິງຕູ໊ ຊີ້ແຈ້ງວ່າ:
            ນັບແຕ່ອາທິດຈະມາເຖິງ, ທະນາຄານແຫ່ງລັດຈະຈັດຕັ້ງບັນດາກອງປະຊຸມເຊື່ອມຕໍ່ພ້ອມກັບທະນາຄານແຫ່ງລັດ, ບາງສາຂາທ້ອງຖິ່ນ, ບາງເຂດຈຸດສຸມໃນທົ່ວປະເທດເພື່ອຈັດຕັ້ງກອງປະຊຸມເຊື່ອມຕໍ່ລະຫວ່ງທະນາຄານ - ວິສາຫະກິດ. ຈາກນັ້ນຊອກຫາຂໍ້ຕິດຂັດເພື່ອພ້ອມກັນແກ້ໄຂ. ສຳລັບຄວາມຫຍຸ້ງຍາກກ່ຽວກັບກົນໄກນະໂຍບາຍ ພວກຂ້າພະເຈົ້າຈະຮັບເອົາຄຳເຫັນເພື່ອດັດແປງ. ສ່ວນບັນດາບັນຫາທີ່ຍັງບໍ່ທັນເຂົ້າໃຈກັນໃນການໜູນຊ່ວຍນັ້ນ ພວກເຮົາຈະຊອກຫາວິທີປຶກສາຫາລືນຳກັນ
 (ແຫຼ່ງຄັດຈາກ VOV)