23/07/2018 10:12 GMT+7 Email Print Like 0

ເຊີດຊູມໍລະດົກວັດທະນະທຳຫຼາຍສີສັນຂອງບັນດາຊົນເຜົ່າອ້າຍນ້ອງດຳລົງຊີວິດໃນສາຍພູຫຼວງ

      ງານບຸນວັດທະນະທຳ, ກິລາບັນດາເມືອງເຂດພູດອຍແຂວງ ກວາງນາມ ຄັ້ງທີ 19 ປີ 2018 ມີເນື້ອໃນຕ່າງໆຄື: ສິລະປະມະຫາຊົນ, ສະແດງແຟຊັນ, ສະແດງອາຊີບຫັດຖະກຳ...

ງານບຸນວັດທະນະທຳ, ກິລາບັນດາເມືອງເຂດພູພຽງແຂວງ ກວາງນາມ ຄັ້ງທີ 19 ປີ 2018
ແມ່ນເຫດການວັດທະນະທຳ, ກິລາທີ່ດີເດັ່ນຢູ່ເຂດພູດອຍ
      ຕອນຄ່ຳວັນທີ 21 ກໍລະກົດ, ຢູ່ເມືອງນາມຢາງ, ຄະນະກຳມະການປະຊາຊົນແຂວງ ກວາງນາມ ໄດ້ຈັດຕັ້ງພິທີໄຂ ງານບຸນວັດທະນະທຳ, ກິລາບັນດາເມືອງເຂດພູດອຍຄັ້ງທີ 19 ປີ 2018 ດ້ວຍການເຂົ້າຮ່ວມຂອງນັກກິລາເຊິ່ງເປັນພໍ່ແມ່ປະຊາຊົນຊາວເຜົ່າສ່ວນໜ້ອຍກ່ວາ 2.000 ຄົນທີ່ມາຈາກບັນດາເມືອງເຂດພູດອຍໃນບໍລິເວນແຂວງ. ງານບຸນວັດທະນະທຳ, ກິລາບັນດາເມືອງເຂດພູດອຍແຂວງ ກວາງນາມ ຄັ້ງທີ 19 ປີ 2018 ມີເນື້ອໃນຕ່າງໆຄື: ສິລະປະມະຫາຊົນ, ສະແດງແຟຊັນ, ສະແດງອາຊີບຫັດຖະກຳ, ບັນດາເຄື່ອງດົນຕີ… ນອກຈາກຍັງມີການແຂ່ງຂັນກິລາປະເພດຕ່າງໆຄື: ບານເຕະ, ບານສົ່ງ, ດຶງເຊືອກ, ຍູ້ໄມ້…
        ງານບຸນວັດທະນະທຳ, ກິລາບັນດາເມືອງເຂດພູດອຍແຂວງ ກວາງນາມ ຄັ້ງທີ 19 ປີ 2018 ແມ່ນເຫດການວັດທະນະທຳ, ກິລາທີ່ດີເດັ່ນຢູ່ເຂດພູດອຍ, ແມ່ນໂອກາດເພື່ອເຕົ້າໂຮມ, ພົວພັນແລກປ່ຽນບັນດາຄຸນຄ່າວັດທະນະທຳທີ່ເປັນເອກະລັກສະເພາະຂອງພໍ່ແມ່ປະຊາຊົນບັນດາເຜົ່າ, ປະກອບສ່ວນໂຄສະນາບັນດາຄຸນຄ່າວັດທະນະທຳທີ່ເປັນມູນເຊື້ອຂອງບັນດາທ້ອງຖິ່ນເຂດພູດອຍເຖິງແຂກທ່ອງທ່ຽວ.
 (ແຫຼ່ງຄັດຈາກ VOV)