10/11/2020 11:15 GMT+7 Email Print Like 0

ເຈົ້າໜ້າທີ່ອາວຸໂສ ອາຊຽນໂຮມປະຊຸມຈັດກຽມ ໃຫ້ແກ່ກອງປະຊຸມສຸດຍອດ ອາຊຽນ 37

      ຕອນເຊົ້າວັນທີ 9 ພະຈິກ, ທ່ານ ຫງວຽນກ໊ວກຢຸງ, ຮອງລັດຖະມົນຕີກະຊວງການຕ່າງປະເທດ, ຫົວໜ້າ SOM ອາຊຽນ ຫວຽດນາມໄດ້ເປັນປະທານໂຮມປະຊຸມຈັດກຽມ ໃຫ້ແກ່ກອງປະຊຸມເຈົ້າໜ້າທີ່ອາວຸໂສ - SOM ອາຊຽນ 37 ຕາມຮູບການທາງອອນລາຍ.

ກອງປະຊຸມຈັດກຽມກອງປະຊຸມເຈົ້າໜ້າທີ່ອາວຸໂສ - SOM ອາຊຽນ 37 ຕາມຮູບການທາງອອນລາຍ
(ພາບ: TTXVN) 
      ກ່າວຄຳເຫັນທີ່ກອງປະຊຸມ, ທ່ານ ຫງວຽນກ໊ວກຢຸງ ໄດ້ຢັ້ງຢືນວ່າ ຕໍ່ໜ້າບັນດາສິ່ງທ້າທາຍ ຢ່າງໃຫຍ່ຫຼວງ ແລະ ຍາກທີ່ຈະຄາດຄະເນລ່ວງໜ້າໄດ້ໃນພາກພື້ນ ແລະ ໂລກ, ນັບແຕ່ຕົ້ນປີມາຮອດປັດຈຸບັນ, ອາຊຽນຍັງຄົງມີການເຄື່ອນໄຫວ ແລະ ເຮັດວຽກຢ່າງຕັ້ງໜ້າບົນຈິດໃຈສາມັກຄີ, ມີຄວາມຮັບຜິດຊອບ ກັບທິດນຳທີ່ວ່າ ສະໜິດຕິດພັນ ແລະ ເປັນເຈົ້າການຮັບມື. ໃນນັ້ນ, ພາຍໃຕ້ບົດບາດເປັນປະທານອາຊຽນ ຂອງ ຫວຽດນາມ, ບັນດາປະເທດໄດ້ສຸມໃສ່ເຂົ້າບັນດາເນື້ອໃນຈຸດສຸມຄື ສືບຕໍ່ສ້າງປະຊາຄົມ, ຮ່ວມມືຕ້ານໂລກລະບາດໂຄວິດ - 19, ເພີ່ມທະວີການພົວພັນລະຫວ່ງ ອາຊຽນ ແລະ ບັນດາຄູ່ຮ່ວມມືທັງຢູ່ພາຍໃນ ແລະ ນອກພາກພື້ນ.
            ແລະກໍ່ທີ່ກອງປະຊຸມ, ບັນດາຜູ້ແທນໄດ້ແລກປ່ຽນທັດສະນະກ່ຽວກັບບັນດາບັນຫາສຳຄັນຂອງ ພາກພື້ນ ແລະ ທົ່ວໂລກ ເຊິ່ງຕ່າງຝ່າຍຕ່າງມີຄວາມສົນໃຈ, ພິເສດແມ່ນບັນດາຂໍ້ລິເລີ່ມໃນການຮ່ວມມືປ້ອງກັນ, ຕ້ານໂລກລະບາດ ໂຄວິດ - 19, ສະພາບການໂລກໃນໄລຍະຫຼັງໂລກລະບາດ ໂຄວິດ - 19 ກໍ່ຄືການຮ່ວມມືກັບບັນດາຄູ່ຮ່ວມມືທັງຢູ່ພາຍໃນ ແລະ ນອກພາກພື້ນ.
(ແຫຼ່ງຄັດຈາກ VOV)