22/08/2019 10:37 GMT+7 Email Print Like 0

ເຂົ້າຮ່ວມ EVFTA, ວິສາຫະກິດຫວຽດນາມມີຄວາມວິຕົກກັງວົນຕໍ່ຮົ້ວກີດຂວາງດ້ານເຕັກນິກເມື່ອສົ່ງອອກໄປຍັງອີຢູ

      ຫວຽດນາມ ພວມຢືນອັນດັບ 27 ປະເທດໃນໂລກກ່ຽວກັບວົງເງິນສົ່ງອອກໃຫຍ່; ຍືນອັນດັບທີ 15 ກ່ຽວກັບຂອບເຂດຜະລິດຕະພັນສົ່ງອອກ.

ທ່ານ ເຈິ່ນຕ໊ວນແອັງ, ລັດຖະມົນຕີກະຊວງອຸດສາຫະກຳການຄ້າຫວຽດນາມ
(ພາບ: viettimes.vn)
      ຕອນເຊົ້າວັນທີ 21 ສິງຫາ, ກະຊວງອຸດສາຫະກຳການຄ້າຫວຽດນາມ ໄດ້ສົມທົບກັບຄະນະກຳມະການປະຊາຊົນນະຄອນໂຮ່ຈີມິນ ຈັດກອງປະຊຸມສັນຍາການຄ້າເສລີຫວຽດນາມ - ອີຢູ (EVFTA), ບັນດາຄຳໝັ້ນສັນຍາສຳຄັນໃນຂົງເຂດກະສິກຳ ແລະ ບັນດາສິ່ງທີ່ຄວນເອົາໃຈໃສ່.
        ຕາມທ່ານ ເຈິ່ນຕ໊ວນແອັງ, ລັດຖະມົນຕີກະຊວງອຸດສາຫະກຳການຄ້າຫວຽດນາມ ແລ້ວ, ຫວຽດນາມ ພວມຢືນອັນດັບ 27 ປະເທດໃນໂລກກ່ຽວກັບວົງເງິນສົ່ງອອກໃຫຍ່; ຍືນອັນດັບທີ 15 ກ່ຽວກັບຂອບເຂດຜະລິດຕະພັນສົ່ງອອກ. ເລື່ອງລົງນາມໃນສັນຍາ EVTFA ຈະສ້າງທ່າສະດວກຫຼາຍຢ່າງໃນການສົ່ງອອກໃຫ້ແກ່ຫວຽດນາມ.
        ສຳລັບວິສາຫະກິດ, ບັນຫາທີ່ເປັນໜ້າວິຕົກກັງວົນທີ່ສຸດເມື່ອເຂົ້າຮ່ວມ EVFTA ນັ້ນແມ່ນບັນດາຮົ້ວກີດຂວາງດ້ານເຕັກນິກ ເມື່ອສົ່ງສິນຄ້າໄປຍັງຕະຫຼາດຂອງບັນດາປະເທດອີຢູ, ໂດຍສະເພາະແມ່ນບັນດາຜະລິດຕະພັນກະສິກຳ. ບັນດາວິສາຫະກິດຢາກໄດ້ຮັບການໜູນຊ່ວຍຈາກບັນດາອົງການສະເພາະກ່ຽວກັບບັນຫາດັ່ງກ່າວ. ທ່ານ ໂດ້ຮ່ານາມ, ປະທານສະພາບໍລິຫານ, ຜູ້ອຳນວຍການໃຫຍ່ບໍລິສັດຫຸ້ນສ່ວນກຸ່ມບໍລິສັດ INTIMEX, ສະເໜີວ່າ.
        “ອົງການກັກກັນພະຍາດພຶກສາຊາດຕ້ອງຍົກອອກບັນຊີລາຍຊື່ບັນດາທາດເຄມີໃດທີ່ອະນຸຍາດໃຫ້ນຳໃຊ້ໃນການຜະລິດກະສິກຳໃນປະຈຸບັນ. ພວກເຮົາຕ້ອງມີມາດຕະການສະກັດກັ້ນການນຳເຂົ້າເຖື່ອນບັນດາທາດເຄມີທີ່ບໍ່ຮັບປະກັນຄາມປອດໄພດ້ານສະບຽງອາຫານ. ໃນໄລຍະຈະມາເຖິງ ເອີລົບ ຈະສືບຕໍ່ຫ້າມທາດເຄມີບາງຊະນິດ ພວກເຮົາຕ້ອງມີມາດຕະການສະກັດກັ້ນ, ຖ້າບໍ່ເຮັດຄືແນວນັ້ນ ບັນດາຜະລິດຕະພັນກະສິກຳຂອງພວກເຮົາທີ່ສົ່ງອອກຈະຖືກສົ່ງກັບຄືນ ແລະ ຈະສ້າງຄວາມຫຍຸ້ງຍາກໃຫ້ແກ່ວິສາຫະກິດ”.
 (ແຫຼ່ງຄັດຈາກ VOV)