01/09/2019 14:22 GMT+7 Email Print Like 0

ເຂົ້າປຸ້ນຊີ້ນປີ້ງ ໂອບາມາ

ຕັ້ງຢູ່ເທິງຖະໜົນ ເລວັນຮືວ, ຮ້ານເຂົ້າປຸ້ນຊີ້ນປິ້ງ ເຮືອງລຽນ ໃນ 3 ປີກັບມານີ້ ມັກໄດ້ຄົນທັງຫຼາຍເອີ້ນຊື່ວ່າ “ເຂົ້າປຸ້ນຊີ້ນປິ້ງ ໂອບາມາ” ແລະ ໄດ້ກາຍເປັນຈຸດທີ່ມາດ້ານອາຫານການກິນ ທີ່ຂາດບໍ່ໄດ້ ຂອງ ນັກທ່ອງທ່ຽວຕ່າງປະເທດ ເມື່ອມາຍັງ ນະຄອນຫຼວງ ຮ່າໂນ້ຍ. 
ທ່ານນາງ ຫງວຽນທິລຽນ, ເຈົ້າຂອງຮ້ານອາຫານເຂົ້າປຸ້ນຊີ້ນປີ້ງ ໂອບາມາ ໃຫ້ຮູ້ວ່າ, ບໍ່ຮູ້ຊັດເຈນວ່າລາຍການອາຫານ ເຂົ້າປຸ້ນ ຊີ້ນປີ້ງ ກຳເນີດຂຶ້ນ ຢູ່ ຮ່າໂນ້ຍແຕ່ຍາມໃດ, ຮູ້ພຽງວ່າ ແຕ່ດົນ ນານມາແລ້ວ, ແຕ່ລຸ້ນຄົນນີ້ຮອດລຸ້ນຄົນອື່ນຂອງຊາວ ຮ່າໂນ້ຍ ຍັງມີ ຄວາມຊິນເຄີຍກັບອາຫານເຍື່ອງນີ້ ຊຶ່ງໄດ້ຂາຍຢູ່ ຮ້ານ ອາຫານ ສາມັນທົ່ວໄປ ຢູ່ແຄມທາງ ເຖິງຮ້ານອາຫານທີ່ມີ ຊື່ສຽງ.

ຮ້ານອາຫານເຂົ້າປຸ້ນຊີ້ນປິ້ງ ໂອບາມາ ໄດ້ເປີດຢູ່ຖະໜົນ ເລວັນຮືວ, ຮ່າໂນ້ຍ ແຕ່ປີ 1993. ເຖິງເດືອນພຶດສະພາ 2016, ຫຼັງເຫດການໄດ້ ທ່ານອະດີດ ບາແຣັ໋ກ ໂອບາມາ ປະທາ ນາທິບໍດີ ສ ອາເມລິກາ ພ້ອມກັບ ທ່ານ Anthony Bourdain ຜູ້ຂຽນກ່ຽວກັບອາຫານການກິນທີ່ມີຊື່ສຽງ ເຂົ້າ ຮັບປະທານ ແລະ ຖ່າຍວີດີໂອ ຮ້ານອາຫານແຫ່ງນີ້ ໄດ້ມີແຂກຄົນ ມາຊີມ ນັບມື້ນັບຫຼາຍ. ນັບແຕ່ນັ້ນເປັນຕົ້ນມາ, ຮ້ານໄດ້ຄົນທັງຫຼາຍເອີ້ນຊ່ືວ່າຮ້ານອາຫານ “ເຂົ້າປຸ້ນຊີ້ນປິ້ງ ໂອບາມາ”.

ທ່ານນາງ ລຽນ ໃຫ້ຮູ້ວ່າ, ໜຶ່ງໃນບັນດາເຄັດລັບ ດຶງດູດ ແຂກ ຄົນທີ່ມາກັບຮ້ານ ນັ້ນແມ່ນ ການເອືອບຊີ້ນ ເພື່ອເຮັດໃຫ້ ຊີ້ນ ຫຼັງການປິ້ງ ຍັງຄົງຮັກສາໄວ້ໄດ້ຄວາມຫອມແຊບທີ່ພິເສດ. ຊີ້ນທີ່ໃຊ້ໃນປຸງແຕ່ງ ລາຍການອາຫານນີ້ ແມ່ນຊີ້ນໝູ, ເອືອບ ກັບນຳ້ຕານ, ຜັກບົ່ວ, ນຳ້ປາ, ພິກໄທ ແລະ ປະໄວ້ໃຫ້ຊືມ ເຄື່ອງເທດ ຈຶ່ງນຳໄປປີ້ງ. ໃນເວລາປີ້ງ ຄວນເອົາໃຈໃສ່ດັດໄຟ ໃຫ້ຊີ້ນບໍ່ຖືກໄໝ້. ຊີ້້ນປິ້ງເມື່ອສຸກດີ ໄດ້ກິນກັບເຂົ້າປຸ້ນ, ນຳ້ແຈ່ວ ສົ້ມຫວານ ແລະ ຜັກຫອມທຸກຊະນິດ. ນອກນັ້ນ, ແລ້ວແຕ່ ຄວາມມັກຂອງແຕ່ລະຄົນ ກໍສາມາດ ກິນແກ້ມກັບ ຈ໊າຢໍ່ ອີກດ້ວຍ.



ລາຍການອາຫານເຂົ້າປຸ້ນຊີ້ນປິ້ງທີ່ທ່ານ ບາແຣັ໋ກ ໂອບາມາ ອະດີດປະທານາທິບໍດີ ສ ອາເມລິກາ ເຄີຍຊີມໃນຄັ້ງໜຶ່ງມາຍັງ ຮ່າໂນ້ຍ ໃນເມື່ອປີ 2016. 


ເຂົ້າປຸ້ນຊີ້ນປິ້ງ ໂອບາມາ ໄດ້ກາຍເປັນ ສັນຍາລັກສ່ວນໜຶ່ງຂອງວັດທະນະທຳອາຫານການກິນ ຂອງ ຮ່າໂນ້ຍ ເວົ້າສະເພາະ ແລະ ຫວຽດນາມເວົ້າລວມ. 

ເວລາເປີດຮ້ານແຕ່ 8 ໂມງຕອນເຊົ້າ ເຖິງ 8 ໂມງຕອນຄຳ່, ສະເລັ່ຍ ຮ້ານເຂົ້າປຸ້ນຊີ້ນປິ້ງ ໂອບາມາ ຕ້ອນຮັບແຂກປະມານ 500 ຄົນ/ວັນ, ໃນນັ້ນມີນັກທ່ອງທ່ຽວສາກົນຫຼາຍຄົນ ໄດ້ຊອກ ມາຫາເພື່ອການຊີມລົດຊາດ ຂອງລາຍການອາຫານເຂົ້າປຸ້ນຊີ້ນປີ້ງ ທີ່ມີຊື່ສຽງນີ້.

ທ່ານ Watcharas Leelawath, ນັກທ່ອງທ່ຽວຊາວໄທໄດ້ໃຫ້ຮູ້ວ່າ: “ກ່ອນຈະໄປປະຕິບັດງານຢູ່ ຫວຽດນາມ, ຂ້າພະເຈົ້າເຄີຍໄດ້ຮັບຟັງໝູ່ເພື່ອນຂອງຕົນ ເວົ້າຫຼາຍເຖິງຮ້ານອາຫານທີ່ມີຊື່ສຽງນີ້ ຢູ່ ຮ່າໂນ້ຍ, ເຄີຍໄດ້ທ່ານອະດີດປະທານາທິບໍດີ ສ ອາເມລິກາ ບາແຣັກ ໂອບາມາແວ່ເຂົ້າຊີມ. ຂ້າພະເຈົ້າໄດ້ຕັດສິນໃຈມາຊີມດ້ວຍຄວາມຢາກຮູ້ຢາກເຫັນ. ແມ່ນແນວນັ້ນແທ້ ເຂົ້າປຸ້ນຊີ້ນປິ້ງຢູ່ຮ້ານນີ້ ມີລົດຊາດແຊບເປັນໜ້າມາຊີມ.

ດ້ວຍລາຄາເຂົ້າປຸ້ນຊີ້ນປິ້ງກ່ອງລະ 40 ພັນດົ່ງ, ຮ້ານອາຫານຍາມໃດກໍມີແຂກຄົນທີ່ມາເຕັມ 6 ຊັ້ນ ໃນຕອນທ່ຽງ ດ້ວຍຈຳນວຍຄົນບໍລິການສະເລັ່ຍ 20 ຄົນ. ຫວ່າງມໍ່ໆນີ້, ເຈົ້າຂອງຮ້ານໄດ້ເປີດຮ້ານໃໝ່  ອີກຮ້ານໜຶ່ງ ຢູ່ທີ່ເຮືອນເລກທີ 54 ຖະໜົນ ຫຼ໋າງ ເພື່ອສະດວກສຳລັບຜູ້ທີ່ໄກຈາກທີ່ຢູ່ ເລວັນຮືວ ກໍໄດ້ຊີມລົດຊາດຂອງລາຍການອາຫານທີ່ມີຊື່ສຽງນີ້ຢູ່ ຮ່າໂນ້ຍ.

ອາດເວົ້າໄດ້ວ່າ, ຮ້ານອາຫານເຂົ້າປຸ້ນຊີ້ນປິ້ງ ໂອບາມາ ໄດ້ກາຍເປັນສັນຍາລັກສ່ວນໜຶ່ງຂອງວັດທະນະທຳອາຫານການກິນ ຂອງ ຮ່າໂນ້ຍ ເວົ້າສະເພາະ ແລະ ຫວຽດນາມເວົ້າລວມ ເພື່ອແນະນຳເຖິງເພື່ອນມິດສາກົນ.

 
ບົດ: ເງິນຮ່າ - ພາບ: ແຄ໋ງລອງ
ບັນດາບົດທີ່ຖືກນຳສະເໜີ