10/05/2015 00:01 GMT+7 Email Print Like 0

ເຂດອຸດສາຫະກຳເຕັກໂນໂລຢີສູງ ທີ່ນະຄອນໂຮ່ຈີມິນ

ເຂດເຕັກໂນໂລຢີສູງ ທີ່ນະຄອນໂຮ່ຈີມິນ ມີເນື້ອທີ່ທັງໝົດ 913 ເຮັກຕາ ແລະ ເປັນໜຶ່ງໃນ 3 ເຂດເຕັກໂນໂລຢີສູງໂດຍແມ່ນ ລັດຖະບານສ້າງຕັ້ງຂຶ້ນ. ເປັນເຂດເສດຖະກິດ-ເນັກນິກພິເສດ ມີພາລະບົດບາດຫລາຍຢ່າງເພື່ອຄົ້ນຄວ້າພັດທະນາ ແລະ ຈັດຕັ້ງປະຕິບັດຕົວຈິງ, ບົ່ມເຜາະສ້າງວິສາຫະກິດເຕັກໂນໂລຢີສູງ, ສ້າງຊັບພະຍາກອນມະນຸດ, ດຳເນີນທຸລະກິດຜະລິດຜະລິດຕະພັນເຕັກໂນໂລຢີສູງ. ເຂດເຕັກໂນໂລຢີສູງໄດ້ຖືເປັນ “ນະຄອນວິທະຍາສາດ-ເຕັກໂນໂລຢີ” ເພື່ອຈາກບ່ອນນີ້ຈະເກີດຜະລິດຕະພັນເຕັກໂນໂລຢີສູງໃຫ່ມຕິດກາຫມາຍ “Made in Vietnam” (ຜະລິດຈາກ ຫວຽດນາມ) ໄດ້ຢ່າງຫມັ້ນໃຈໃນທ້ອງຕະຫຼາດ.
ຕາມທ່ານ ເລຮວ່າຍກວັກ, ຫົວໜ້າ​ຄະ​ນະ​ກຳ​ມະ​ການຄຸ້ມຄອງ ເຂດເຕັກໂນໂລຢີສູງ ໃຫ້ຮູ້ວ່າ: ໂຄງການດັ່ງກ່າວມີ 2 ໄລຍະ. ພາຍຫຼັງສ້າງຕັ້ງມາເປັນເວລາ 12 ປີ, ມາເຖິງປະຈຸ ບັນ , ເຂດ ເຕັກໂນໂລຢີ ສູງໄດ້ສຳເລັດໄລຍະທີ່ໜຶ່ງ ແລະ ​ໄດ້ກາຍເປັນ ເຂດລົງທຶນ ເຕັກໂນໂລຢີສູງ ຢູ່ ຫວຽດນາມ ທີ່ໜ້າເຊື່ອຖື.
 

ສະ​ເລັ່ຍດິນ 1 ເຮັກຕາ ໃນເຂດເຕັກໂນໂລຢີສູງ  ສາມາດສ້າງ ມູນຄ່າ​ການສົ່ງອອກໄດ້ປະ​ມານ 30 ລ້ານໂດລາສະຫະລັດ ແລະ ບັນລຸສະມັດຕະພາບຂອງການອອກແຮງງານ ໄດ້ເກືອບ 150.000 ໂດລາສະຫະລັດໃນ​ແຕ່​ລະປີ.
 
ຈາກໂຄງການທຳອິດທີ່ໄດ້ເລີ່ມການເຄື່ອນໄຫວ ເມື່ອປີ 2005, ຈົນມາເຖິງປະຈຸບັນນີ້, ເຂດເຕັກໂນໂລຢີສູງໄດ້​ອອກໃບອະນຸ ຍາດ​ລົງ​ທຶນ 68 ສະບັບທີ່ຍັງມີຜົນ​ບັງ​ຄັບ​ໃຊ້ດ້ວຍມູນຄ່າການ ລົງທຶນທັງ​ຫມົດ 4 ຕື້ກວ່າໂດລາສະຫະລັດ, ໃນນັ້ນ, ຈາກແຫຼ່ງ  ທຶນພາຍໃນ​ປະ​ເທດແມ່ນ 800 ກວ່າລ້ານໂດລາສະຫະລັດໃນ​ຈຳ​ນວນ 35 ໂຄງການ, ແຫຼ່ງລົງທຶນໂດຍກົງຈາກຕ່າງປະ ເທດ ແມ່ນ 3,3 ກວ່າຕື້ໂດລາສະຫະລັດໃນ​ຈຳ​ນວນ 33 ໂຄງການ. ປະຈຸບັນ, ເຂດ ເຕັກໂນໂລຢີສູງມີ 43 ໂຄງການກຳ​ລັງດຳເນີນ ການເຄື່ອນໄຫວ, ມີມູນຄ່າການຜະລິດໄດ້ຫລາຍກວ່າ 10 ຕື້ໂດ ລາສະຫະລັດ, ໃນນັ້ນ, ສ່ົງອອກໄດ້ 8,7 ກວ່າຕື້ໂດລາສະຫະ ລັດ. ໃນ​ຈຳ​ນວນ 43 ໂຄງ​ການດຶງດູດແຮງງານໄດ້ກວ່າ 21.000 ຄົນ. ສະເພາະໃນປີ 2014, ເຂດເຕັກໂນໂລຢີສູງສາ​ມາດດຶງດູດໄດ້ 10 ໂຄງການມາລົງທຶນດ້ວຍຍອດມູນ​ຄ່າ​ການ ລົງທຶນ​ຈຳ​ນວນ 1,8 ກວ່າຕື້ໂດລາສະຫະລັດ, ໃນນັ້ນ ເປັນທຶນ ພາຍໃນປະ​ເທດ​ຈຳ​ນວນ 340 ກວ່າລ້ານໂດລາສະຫະລັດ ມີ 6 ໂຄງການ, ​ເປັນທຶນຕ່າງປະເທດຈຳ​ນວນ 1,5 ກວ່າຕື້ໂດລາສະ ຫະລັດ ມີ 4 ໂຄງການ, ລວມ​ຍອດມູນຄ່າການຜະລິດບັນລຸ ໄດ້ປະ​ມານ 3 ຕື້ໂດລາສະຫະລັດ, ໃນນັ້ນ ມູນຄ່າ​ການສົ່ງອອກ  2,9 ກວ່າຕື້ໂດລາສະຫະລັດ.


ມູມໜຶ່ງ​ໃນ​ເຂດ​ເຕັກ​ໂນ​ໂລ​ຢີສູງ ທີ່ນະຄອນ ​ໂຮ່ຈີ​ມິນ. ພາບ: ຫງວຽນ​ລວນ/VNP

ເຂດ​ຫຼິ້ນ​ກິລາ​ຂອງບັນດາ​ພະນັກ​ງານ, ກຳມະກອນ​ທີ່​ເຮັດ​ວຽກ ໃນ​ເຂດ​​ເຕັກ​ໂນ​ໂລ​ຢີສູງ. ພາບ: ດັ້ງ​ກິມ​ເຟືອງ/VNP

ເຂດບໍລິ​ເວັນ​ສີຂຽວ​ຂອງບໍລິສັດ GENEWORD. ພາບ: ຫງວຽນ​ລວນ/VNP

ເຂດຂີ​ຂຽວ, ສະອາດ, ສວຍ​ງາມ​ຂອງ​ບັນດາ​ບໍລິສັດ​ໃນ​ເຂດ​ເຕັກ​ໂນ​ໂລ​ຢີສູງ. ພາບ: ດັ້ງ​ກິມ​ເຟືອງ/VNP

ພະນັກງານ​ໃນສູນ​ຄົ້ນຄວ້າ​ຜັນຂະຫຍາຍ ​ເຂົ້າ​ຫ້ອງ​ຂ້າ​ເຊື້ອ​ໂລກ ກ່ອນ​ຈະເຂົ້າ​ໄປ​ເຮັດ​ວຽກ
​ໃນ​ຫ້ອງ​ສະອາດ​ຢູ່ເຂດ​ເຕັກ​ໂນ​ໂລ​ຢີສູງ. ພາບ: ຫງວຽນ​ລວນ/VNP


ບັນຍາກາດ​​ການເຮັດ​ວຽກ​​ໃນໂຮງງານຂອງ​ກຸ່ມ​ບໍລິສັດ Nidec (ຍີ່ປຸ່ນ) ທີ່​ເຂດ​ເຕັກ​ໂນ​ໂລ​ຢີສູງ​. ພາບ: ​ເອກະສານ

ຕ່ອງ​ໂສ້​ຜະລິດ​ໃນ​ໂຮງງານ​ຂອງ​ກຸ່ມ​ບໍລິສັດ Intel (ອາ​ເມ​ລິ​ກາ) ທີ່​ເຂດ​ເຕັກ​ໂນ​ໂລ​ຢີສູງ. ພາບ: ​ເອກະສານ

ເຂດເຕັກໂນໂລຢີສູງ ປະກອບສ່ວນຍົກສູງອັດ​ຕາ​ສ່ວນ ວິທະ ຍາສາດ-ເຕັກໂນໂລຢີ ​ໂດຍຜ່ານບັນດາຜະລິດຕະພັນ
ເຕັກໂນໂລຢີສູງຄື: Chipset (Intel), Module ດັດຄວາມດັນ ດີຈີຕອນ (DGS), ເຄື່ອງພິມ (Jabil), ເຄື່ອງອ່ານລະຫັດ (Datalogic), ບັດສະ​ຫຼາດຫຼາຍຊະນິດ (MK, VTC), ​ການຢາ, ຢາປົວພະຍາດ (Nanogen), ​ເຄື່ອງ​ອ່ານ DVD, ກ້ອງຖ່າຍຮູບ (Nidec Sankyo), ບໍລິການຮັບປະກັນ, ບົວລະບັດເຄື່ອງຈັກ, ເຄື່ອງ (GES)…
ເຂດເຕັກໂນໂລຢີສູງ ນະຄອນ ໂຮ່​ຈີມິນ ເປັນເຂດລົງທຶນທີ່​ມີ​ຄວາມ​ຫວັງຂອງບັນ​ດາກຸ່ມບໍລິສັດເອເລັກໂທ​ນິກແຖວໜ້າ ຂອງ ໂລກເຊັ່ນ: ກຸ່ມບໍລິສັດ Samsung ຂອງ ສ.ເກົາຫຼີ ມີ ຍອດ ມູນ​ຄ່າ​ການລົງທຶນ 1,4 ຕື້ໂດລາສະຫະລັດ, ກຸ່ມບໍລິສັດ Nidec ຂອງຍີ່ປຸ່ນ ມີຍອດມູນ​ຄ່າ​ການລົງທຶນຫຼາຍຕື້ໂດລາສະຫະລັດ​ມີ 4 ໂຄງການ, ໃນນັ້ນ, ມີໂຄງການທີ່​ຫາກໍ່ ໄດ້ຮັບການກໍ່ສ້າງຕັ້ງ ຂຶ້ນໃນມໍ່ໆນີ້ ແມ່ນ​ໂຄງ​ການ ຜະລິດເຄື່ອງຈັກ Compact ທຸກຊະນິດທີ່ມີຄວາມຊັດເຈນສູງ, ກຸ່ມບໍລິສັດ Intel ຂອງ ອາເມລິກາ ໄດ້ລົງທຶນ 1 ຕື້ໂດລາ ສະຫະລັດໄດ້ແກ່ໂຄງການ ປະກອບ ແລະ ກວດສອບຄຸນນະພາບຂອງຈິບ (Chip).

ພິເສດ, ​ໂດຍຕາມທິດນຳວ່າ: “ສ້າງອະນາຄົດໃຫ້ແກ່ Intel ແລະ ຫວຽດນາມ”, ກຸ່ມບໍລິສັດ Intel ໄດ້ລົງທຶນກໍ່ສ້າງໂຮງງານປະກອບ ແລະ ກວດສອບຄຸນນະພາບຂອງ ຈິບ ທີ່ເຂດ ເຕັກ ໂນໂລຢີສູງແຫ່ງນີ້, ຖືເປັນໂຮງງານປະກອບເຄື່ອງຈັກໃຫຍ່ທີ່ສຸດໃນຈຳນວນ 167 ໂຮງງານ​ທີ່ໄດ້ຕິດຕັ້ງຢູ່ 63 ປະເທດຂອງ Intel ໃນທົ່ວໂລກ. ໃນ​ມໍ່ໆນີ້,  ພາຍຫຼັງ Intel ຢຸດເຊົາ​ກິດ​ຈະ​ການເຄື່ອນໄຫວປະ ກອບ, ກວດ​ສອບເຄື່ອງຈັກຢູ່ ກົສຕາ ຣີກາ ແລະ ຈະຍົກຍ້າຍໂ​ຮງງານໄປເຖິງບັນດາສະຖານທີ່ອື່ນໆ, ໃນນັ້ນ ມີຫວຽດນາມ, ຫວຽດ​ນາມຈະມີໂອກາດ ຂະຫຍາຍ ການ ເຄື່ອນໄຫວຂອງ Intel ຢູ່ເຂດເຕັກໂນໂລຢີສູງແຫ່ງນີ້.

ນອກຈາກນັ້ນ, ເຂດເຕັກໂນໂລຢີສູງ ຍັງດຶງດູດ​ໄດ້ຫຼາຍໂຄງ ການສຶກ​ສາຄົ້ນຄວ້າ, ການຜະລິດຈາກ Sanofi ຂອງຝຣັ່ງ, Datalogic Scanning ຂອງ ອີຕາລີ, Sonion ຂອງ ແດນ ມາກ, Microchip ຂອງ ອາເມລິກາ… ພ້ອມກັນນັ້ນຍັງ ດຶງດູດ ໄດ້ບັນ​ດາວິສາຫະກິດ, ສະຖາປັນການຄົ້ນຄວ້າ, ບຳ​ລຸງສ້າງ ເຕັກໂນໂລຢີທີ່ນິ​ຍົມ​ຊົມ​ຊອບຂອງພາຍໃນ​ປະ​ເທດຫຼາຍ ແຫ່ງຄື: ກຸ່ມບໍລິສັດ FPT, ສະຖາປັນເຕັກໂນໂລຢີສູງ Huntech, ສະຖາບັນນ້ຳມັນ ເຊື້ອໄຟ,  ບໍລິສັດເຕັກໂນໂລຢີ ຊີວະສາດ ການຢາ Nanogen ຈຳກັດ, ບໍລິສັດ ເຖ໋ເຢີຍ Gen (ໂລກຂອງ Gen) ແລະ ອື່ນໆ.
 
ການເຄື່ອນໄຫວຂອງສູນກາງຄົ້ນຄວ້າ ແລະ ຜັນຂະຫຍາຍ ເຂດເຕັກໂນໂລຢີສູງ ໂດຍ​ມີຖັນແຖວພະນັກງານ​​ພາຍ​ໃນທີ່ມີ ລະດັບຄວາມ​ຮູ້ສູງ,  ວ່ອງ​ໄວ​ໃນ​ຄວາມເປັນເຈົ້າການ​ໃນ​ບາງ ເຕັກໂນໂລຢີທີ່ສຳຄັນ ແລະ ຄ່ອຍໆຖ່າຍ​ຖອດມອບ ຄືນໃຫ້ວິ ສາຫະກິດ​ເທື່ອລະກ້າວເປັນ​ຕົ້ນ: ​ການນຳໃຊ້ທໍ່ Nano Carbon ໃນຊຸດບັນຈຸໄຟຟ້າ ແລະ ການ​ລະ​ລາຍ​ຄວາມ​ຮ້ອນ,  ເຕັກໂນໂລຢີຖ່ານ nano ແຫຼວ, ການຄົ້ນຄວ້າປະດິດສ້າງ ຈິບ ດັດຄວາມດັນທີ່ນຳໃຊ້ໃນຈັກວັດແຖກຄວາມດັນ ແລະ ວັດ ແຖກລະດັບເຊື້ອເພີງ, ຄົ້ນຄວ້າບັນດາອຸປະກອນ nano ທີ່ນຳໃຊ້ໃນອາຫານ, ການຢາ, ​ການສະສົມພະລັງ ງານ…ພິ​ເສດແມ່ນເຕັກໂນໂລຢີບຸກທະລຸກ່ຽວກັບ Diode ພະລັງງານ ແລະ ຄວາມອາດ​ສາມາດຜະລິດເປັນສິນຄ້າຄື: ເຄື່ອງປັບກະ ແສໄຟຟ້າ FRED ຫຼື JBS.
 
ການເຄື່ອນໄຫວພັດທະນາແຫຼ່ງຊັບພະຍາກອນມະນຸດເຕັກໂນໂລຢີສູງໄດ້ປະຕິບັດໂດຍຜ່ານການຮ່ວມມືກັບບັນດາ ມະຫາວິທະຍາໄລ, ສູນ​ບຳ​ລູງສ້າງທີ່ມີ​ຊື່​ສຽງທັງພາຍໃນ ແລະ ຕ່າງປະເທດ, ຈັດ​ຕັ້ງ​ການ​ຝຶກ​ອົບ​ຮົມຕາມຄວາມຮຽກຮ້ອງ ຕ້ອງການຂອງວິສາຫະກິດເຕັກໂນໂລຢີສູງໄດ້​ຫລາຍກວ່າ 500 ຊຸດຮຽນ ແລະ ດຶງດູດຜູ້​ເຂົ້າຮຽນ ໄດ້ 7.000 ຄົນ. ປິ 2013, ສູນບຳ​ລຸງສ້າງສົມທົບກັບກຸ່ມບໍລິສັດ Microsoft ສ້າງຕັ້ງສູນ ປະດິດສ້າງ SMIC ( SHTP-Microsoft Innovation Center) , ໄດ້ສ້າງບາດກ້າວທີ່ສຳຄັນໃນການ ກໍ່ສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງໃນ ຂະແໜງເຕັກໂນໂລຢີ-ຂ່າວສານ.

ສູນ​ບຳລຸງສ້າງ ​ແລະ ພັດທະນາ​ແຫຼ່ງຊັບພະຍາກອນ​ມະນຸດ ​ເພື່ອ​ຮັບ​​ໃຊ້​ໃຫ້​ແກ່ບັນດາ​ວິ​ສາ​ຫະກິດ​ໃນ​ເຂດ​ເຕັກ​ໂນ​ໂລ​ຢີສູງ.
ພາບ: ຫງວຽນ​ລວນ/VNP
   


ແບບແຜນດັດຄວາມດັນເຕັກໂນໂລຢີສູງ ນຳໃຊ້ໃນການ ວັດແຖກ ໄດ້ຮັບການຜະລິດຢູ່ເຂດເຕັກໂນໂລຢີສູງ.
ພາບ: ຫງວຽນ​ລວນ/VNP


ຜະລິດຕະພັນເຕັກໂນໂລຢີສູງ ຫຼັງຈາກຜ່ານການຄົ້ນຄວ້າ ຈະໄດ້ມອບສົ່ງຄືນໃຫ້ບັນດາວິສາຫະກິດເຮັດການຜະລິດ.
ພາບ: ດັ້ງ​ກິມ​ເຟືອງ/VNP
  


ຜະລິດຕະພັນຊຸດບັນຈຸໄຟຟ້າທີ່ອ່ອນ, ໜຽວ, ບັນຈະໄຟຟ້າ ຢ່າງວ່ອງໄວ, ຮັບໃຊ້ໃຫ້ແກ່ເຄື່ອງປະກອບ ເອເລັກໂຕນິກ.
ພາບ: ດັ້ງ​ກິມ​ເຟືອງ/VNP
   


ຄົ້ນຄວ້າ​ ແລະ ຜະລິດ​ ຜະລິດ​ຕະພັນ​ເຕັກ​ໂນ​ໂລ​ຢີສູງ​ໃນ​ຫ້ອງ​ສະອາດ. ພາບ: ດັ້ງ​ກິມ​ເຟືອງ/VNP

ເຮັດການທົດ​ລອງ​ຜະລິດຢາຫຼາຍ​ຊະນິດ​ເພື່ອ​ຮັບ​ໃຊ້​ໃຫ້​ຂົງ​ເຂດ​ສາທາລະນະ​ສຸກ. ພາບ: ດັ້ງ​ກິມ​ເຟືອງ/VNP

 ເຮັດ
ທົດ​ລອງ​ໃນ​ຫ້ອງ​ສະອາດ​ເພື່ອ​ຜະລິດ​ອອກ​ບັນດາ​ຜະລິດ​ຕະພັນ​ເຕັກ​ໂນ​ໂລ​ຢີສູງ. ພາບ: ດັ້ງ​ກິມ​ເຟືອງ/VNP

 
ຜະລິດຜະລິດຕະພັນຢາ​ເພື່ອຮັບ​ໃຊ້​ໃຫ້​ຂົງ​ເຂດ​ສາທາລະນະ​ສຸກ. ພາບ: ດັ້ງ​ກິມ​ເຟືອງ/VNP

ກ້ອງຈຸ​ລະ​ທັດ​ເອ​ເລັກ​ໂຕ​ນິກສະແກນເນີ (SEM) ໄດ້ນຳໃຊ້ ເພື່ອວັດແຖກຂະໜາດເມັດ Nano ແລະ
ໄຈ້ແຍກພາກສ່ວນ ທາດເຄມີໃນອຸປະກອນການປຸງແຕ່ງເຄື່ອງສຳອາງ. ພາບ: ດັ້ງ​ກິມ​ເຟືອງ/VNP
ເຂດເຕັກໂນໂລຢີສູງ ກາຍເປັນສະຖານທີ່ ຈັດຕັ້ງກອງປະຊຸມ ASPA (ສະມາຄົມສວນສາທາລະນະວິທະຍາສາດ ອາຊີ) ​ສາ​ມັນ ຄັ້ງທີ 16 ປີ 2012 ໂດຍມີ​ນັກຄຸ້ມຄອງ, ນັກຊ່ຽວຊານ ດ້ານວິທະຍາສາດແຖວໜ້າຂອງ ອາຊີ ເຂົ້າ​ຮ່ວມກວ່າ 100 ຄົນ ໄດ້ສະແດງໃຫ້ເຫັນບົດບາດຂອງເຂດເຕັກໂນໂລຢີສູງ ໃນ ປະຊາຄົມເຂດເຕັກໂນໂລຢີສູງ ແລະ ສວນສາທາລະນະວິທະ ຍາສາດ ອາຊີ.
ເຂດເຕັກໂນໂລຢີສູງ ​ກຳ​ລັງ​ຈັດ​ຕັ້ງ​ປະ​ຕິ​ບັດການກໍ່ສ້າງພື້ນຖານໂຄງລ່າງ ໄລຍະ 2, ປະຕິບັດນະໂຍບາຍພິເສດຂອງ ລັດຖະ ບານກ່ຽວກັບທີ່ດິນ, ພາສີ, ພື້ນຖານໂຄງລ່າງ… ພິເສດ ຈະບຸ ລິມະສິດດຶງດູດວິສາຫະກິດທີ່ມີຜະລິດຕະພັນ ເຕັກໂນໂລຢີສູງ ແລະ ດັດ​ປັບ​ແຜ່ນຜັງລວມເພື່ອສະຫງວນທີ່ດິນໃຫ້ແກ່ອຸດສາ ຫະກຳຊ່ວຍ​ໜູນ.
(ທ່ານ ເລຮວ່າຍກວກ, ຫົວໜ້າຄະນະຄຸ້ມຄອງເຂດເຕັກໂນໂລຢີສູງ)
ບົດ: ​ເວີນ​ກຸຍ - ພາບ: ກິມ​ເຟືອງ, ຫງວຽນ​ລວນ

ບັນດາບົດທີ່ຖືກນຳສະເໜີ