03/06/2021 09:01 GMT+7 Email Print Like 0

ຮ່າໂນ້ຍ ຍົກສູງຄຸນນະພາບ, ຄຸນຄ່າລະບົບສະໜອງຜະລິດຕະພັນກະເສດ, ເຄື່ອງປ່າ ແລະ ສິນໃນນຳ້ ໄລຍະ 2021-2025

ໃນລາຍການສົມທົບພັດທະນາລະບົບສະໜອງຜະລິດຕະພັນກະເສດ, ເຄື່ອງປ່າ ແລະ ສິນໃນນຳ້ຢ່າງປອດໄພ ໄລຍະ 2021-2025 ລະຫວ່າງກະຊວງກະສິກຳ ແລະ ພັດທະນາຊົນນະບົດ ແລະ ຄະນະກຳມະການ ປະຊາຊົນນະຄອນ ຮ່າໂນ້ຍ ແນໃສ່ຍົກສູງຜົນງານການຜະລິດຂອງກະສິກຳ ນະຄອນຫຼວງ, ຕອນບ່າຍວັນທີ 1 ມີຖຸນາ 2021, ຄະນະປະຕິບັດງານຂອງກະຊວງກະສິກຳ ແລະ ພັດທະນາຊົນນະບົດ, ນຳໜ້າແມ່ນທ່ານຮອງລັດຖະມົນຕີ ເຈີ່ນແທງນາມ ພ້ອມກັບການນຳ ພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ໄດ້ມາຢ້ຽມຢາມ ສະຫະກອນ ວັດດຶກ ແລະ ບໍລິສັດຫຸ້ນສ່ວນ ລົງທຶນ ອານຮວ່າ. 


ທ່ານຮອງລັດຖະມົນຕີ ກະຊວງກະສິກຳ ແລະ ພັດທະນາຊົນນະບົດ ເຈີ່ນແທງນາມ ກ່າວປາໄສໃນການເຮັດວຽກກັບສະຫະກອນ ວັດດຶກ. ພາບ: ຫວຽດເກື່ອງ/VNP


ຄະນະປະຕິບັດງານຂອງກະຊວງກະສິກຳ ແລະ ພັດທະນາຊົນນະບົດ ແລະ ພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ໄປຢ້ຽມຢາມຕົວແບບປູກຜັກປອດສານພິດ ຢູ່ບໍລິສັດຫຸ້ນສ່ວນ ລົງທຶນ ອານຮວ່າ. ພາບ: ຫວຽດເກື່ອງ/VNP
ປະຈຸບັນ, ສະຫະກອນ ວັດດຶກ ພວມເປັນເຂດປູກຜັກປອດສານພິດ ດ້ວຍຂະໜາດໃຫຍ່ທີ່ສຸດຂອງນະຄອນ ຮ່າໂນ້ຍ ໄດ້ ກະຊວງກະສິກຳ ແລະ ພັດທະນາຊົນນະບົດ ເລືອກເອົາເປັນຕົວຢ່າງ ໃນຕົວແບບ ກວດກາ, ຄຸ້ມຄອງ ຕາມແບບຄົບວົງຈອນ. ດ້ວຍຜັກ 8 ປະເພດບັນລຸມາດຕະຖານ OCOP ລະດັບ 4 ດາວ (ປີ 2020), ຜະລິດຕະພັນຜັກຈຳນວນໜຶ່ງ ຂອງ ສະຫະກອນ ວັດດຶກ ຍັງໄດ້ສົ່ງອອກໄປຍັງບັນດາປະເທດຄື: ໄຕ້ຫວັນ, ສ ເກົາຫຼີ ໃນຫຼາຍປີຜ່ານມາ.
 
ໄລຍະ 2015-2020, ກະຊວງກະສິກຳ ແລະ ພັດທະນາຊົນນະບົດ ໄດ້ສົມທົບກັບ ຄະນະກຳມະການ ປະຊາຊົນ ນະຄອນ ຮ່າໂນ້ຍ ແລະ 21 ທ້ອງຖິ່ນຕ່າງໆ​ໃນທ່ົວປະເທດ ຜັນຂະຫຍາຍລາຍການສົມທົບພັດທະນາ ລະບົບສະໜອງຜັກ, ຊີ້ນ ຢ່າງປອດໄພໃຫ້ແກ່ນະຄອນ ຮ່າໂນ້ຍ.
 
ແຕ່ວ່າ ມາດຕາຖ່ວງປະລິມານ, ມູນຄ່າເພີ່ມ ຜ່ານບັນດາຂັ້ນຕອນ ການຜະລິດ ແລະ ຈຳໜ່າຍຜະລິດຕະພັນ ຍັງບໍ່ສູງ, ວຽກງານກໍ່ສ້າງເຄື່ອງໝາຍການຄ້າ, ການໂຄສະນາ ໄດ້ປະຕິບັດ ຢ່າງບໍ່ຕໍ່ເນື່ອງ... ເຊິ່ງເຮັດບັນດາວິສາຫະກິດ, ຜູ້ບໍລິໂພກຢູ່ນະຄອນຫຼວງ ແລະ ທົ່ວປະເທດ ຍັງບໍ່ໄດ້ນຳໃຊ້ບັນດາຜະລິດຕະພັນທີ່ມີຄຸນນະພາບສູງ ແລະ ປອດໄພ.
 
ເພື່ອເສີມຂະຫຍາຍຜົນສຳເລັດ ແລະ ແກ້ໄຂ ບັນດາຂໍ້ຈຳກັດ, ຜ່ານຜ່າຄວາມຫຍຸ້ງຍາກຈາກການແຜ່ລະບາດຂອງ ໂຄວິດ-19, ກະຊວງກະສິກຳ ແລະ ພັດທະນາຊົນນະບົດ ແລະ ຄະນະກຳມະການ ປະຊາຊົນ ນະຄອນ ຮ່າໂນ້ຍ ເປັນເອກະສັນກັນ ຈະຜັນຂະຫຍາຍລາຍການສົມທົບ “ຮັບປະກັນຄວາມສະຫງົບ, ປອດໄພດ້ານສະບຽງອາຫານ, ຍົກສູງຄຸນນະພາບ, ຄຸນຄ່າລະບົບສະໜອງຜະລິດຕະພັນກະເສດ, ເຄື່ອງປ່າ ແລະ ສິນໃນນຳ້ ລະຫວ່າງ ນະຄອນ ຮ່າໂນ້ຍ ແລະ ບັນດາແຂວງ, ນະຄອນໃນທົ່ວປະເທດ ໄລຍະ 2021-2025”. 

ປະຕິບັດ: ຖາວວີ - ຫວຽດເກື່ອງ/VNP