30/01/2015 10:56 GMT+7 Email Print Like 0

ຮ່າງກົດໝາຍວ່າດ້ວຍອຳນາດການປົກຄອງທ້ອງຖີ່ນ


ທ່ານ​ຮອງ​ປະທານ​ສະພາ​ແຫ່ງ​ຊາດ ອວງຈູ​ລື​ວ ເຮັດວຽກຢູ່ກວາງນິງ

(ພາບ: baoquangninh.com.vn)

ວັນ​ທີ 29/1, ຢູ່​ນະຄອນ​ຫ້າ​ລອງ, ກຳມາ​ທິການ​ກົດໝາຍ​ຂອງ​ສະພາ​ແຫ່ງ​ຊາດ ສົມທົບ​ກັບ​ຄະນະ​ພັກ​ກວາງ​ນິງ, ຈັດ​ຕັ້ງ​ເວທີ​ປາ​ໄສ​ວ່າ​ດ້ວຍ​ການ​ປັບປຸງ​ຂໍ້​ກຳນົດກ່ຽວ​ກັບອຳນາດ​ການ​ປົກຄອງ​ທ້ອງ​ຖີ່​ນ ຕາມ​ລັດຖະທຳ​ມະນູນ​ໃໝ່.

        ກ່າວ​ຄວາມ​ເຫັນ​ທີ່​ເວທີ​ປາ​ໄສ, ທ່ານ​ຮອງ​ປະທານ​ສະພາ​ແຫ່ງ​ຊາດ ອວງຈູ​ລື​ວ ໃຫ້​ຮູ້​ວ່າ, ການ​ຄົ້ນ​ຄ້ວາ​ເພື່ອ​ກໍ່ສ້າງ ແລະ ປັບປຸງ​ອຳນາດ​ການ​ປົກຄອງ​ທ້ອງ​ຖີ່​ນບໍ່​ແມ່​ນບັນຫາ​ໃໝ່, ແຕ່​ພັດ​ແມ່ນ​ບັນຫາ​ທີ່​ຫຍຸ້ງຍາກ ແລະ ສັບສົນ. ເພື່ອ​ແນ​ໃສ່​ຫັນ​ບັນດາ​ຂໍ້​ກຳນົດ​ຂອງ​ລັດຖະທຳ​ມະນູນ​ປີ 2013 ເປັນ​ລະອຽດ, ສະພາ​ແຫ່ງ​ຊາດ​ພວມ​ຕັ້ງໜ້າ​ພ້ອມ​ກັບ​ບັນດາ​ອົງການ​ກ່ຽວຂ້ອງ​ ສ້າງ​ຮ່າງ​ກົດໝາຍ​ວ່າ​ດ້ວຍ​ອຳນາດ​ການ​ປົກຄອງ​ທ້ອງ​ຖີ່​ນ. ຮ່າງ​ກົດໝາຍ​ນີ້​ຈະ​ໄດ້​ຮັບ​ການ​ຮັບຮອງ​ເອົາ​ທີ່​ກອງ​ປະຊຸມ​ສະ​ໄໝ​ສາມັນ​ຄັ້ງ​ທີ 9 ໃນ​ເດືອນ 5/2015.

        ທີ່​ເວທີ​ປາ​ໄສ, ບັນດາ​ຜູ້​ແທນ​ສະ​ເໜີວ່າ, ຮ່າງ​ກົດໝາຍ​ວ່າ​ດ້ວຍ​ອຳນາດ​ການ​ປົກຄອງ​ທ້ອງ​ຖີ່​ນ ຕ້ອງ​ຮັບປະກັນ​ຄວາມ​ຮຽກຮ້ອງ​ຕ້ອງການ​ຂອງ​ພື້ນຖານ​ບໍລິຫານ​ເປັນ​ເອກະ​ພາບ, ແຕ່​ກໍ່​ຕ້ອງ​ຮັບ​ປະກັນ​ເສີມ​ຂະຫຍາຍ​ສິດ​ເປັນ​ເຈົ້າ ແລະ ຄວາມ​ຮັບຜິດຊອບ​ຂອງ​ທ້ອງ​ຖີ່​ນ; ກຳນົດ​ສິດ​ອຳນາດ​ຢ່າງ​ຈະ​ແຈ້ງ ແລະ ເຮັດ​ແຈ້ງ​ສາຍ​ພົວພັນ​ລະຫວ່າງ​ບັນດາ​​ອຳນາດ​ການ​ປົກຄອງ​ສູນ​ກາງ ແລະ ອຳນາດ​ການ​ປົກຄອງ​ທ້ອງ​ຖີ່​ນ, ລະຫວ່າງ​ອຳນາດ​ການ​ປົກຄອງ​ທຸກ​ຂັ້ນ, ລະຫວ່າງ​ສະພາ​ປະຊາຊົນ ແລະ ຄະນະ​ກຳມະການປະຊາຊົນ; ຮັບປະກັນ​ລັກສະນະ​ເປັນ​ເອກະ​ພາບ, ຄວາມ​ສະໜິດ​ຕິດ​ພັນ​ລະຫວ່າງສະພາ​ປະຊາຊົນ ແລະ ຄະນະ​ກຳມະການປະຊາຊົນ. 

 (​ແຫຼ່ງຄັດ​ຈາກ VOV)