23/05/2015 00:01 GMT+7 Email Print Like 0

ຮືວງີ້ - ລົດຊາດທີ່ອ່ອນຫວານຂອງບ້ານເກີດເມືອງນອນ

ສໍາລັບຄົນ ຫວຽດນາມ ແລ້ວ, ບັນດາຜະລິດຕະພັນຄື: ເຂົ້າໜົມ, ມຶດ, (ຜົນລະໄມ້ເຊື່ອມນ້ຳຕານ), ເຂົ້າໜົມອົມ ຂອງບໍລິສັດຫຸ້ນສ່ວນສະບຽງອາຫານ ຮືວງີ້ ຫລາຍໆຄອບຄົວໄດ້ມີຄວາມຄຸ້ນເຄີຍ, ຕິດພັນມາແຕ່ດົນນານແລ້ວ ໂດຍສະເພາະແມ່ນໃນໂອກາດບຸນປີໃໝ່ປະຈໍາຊາດ (ບຸນເຕັດ) ແຕ່ລະປີວ່ຽນມາ.  
ຖ້າຫາກ​ທ່ຽວ​ເລາະ​ບ້ານ​ຜ່ານ​ເມືອງ​ຈັກ​ລອບ​ໜຶ່ງ​ຕາມ​ຖະໜົນ ​ແລະ ຮ້ານ​ຊັບ​ພະ​ສິນຄ້າ​ຕ່າງໆ​ ຢູ່​ນະຄອນຫຼວງ ​ຮ່າ​ໂນ້ຍ ​ໃນ​ວັນ​ໃກ້​ຈະ​ຮອດ​ບຸນປີ​ໃໝ່​ປະ​ຈໍາ​ຊາດ, ພວກ​ເຮົາ​ຈະພົບ​ເຫັນ ບັນດາ​ຮ້ານ​​ແຄມ​ທາງ​ວາງ​ຂາຍ​ເຂົ້າໜົມຊະນິດ​ຕ່າງໆ ຂອງ ບໍລິສັດ ຮື້​ວງີ​ ຫຼາຍ​ສົມຄວນ, ຊະນິດ​ໃດ​ກໍ່​ຫຸ້ມ​ຫໍ່​ຢ່າງ​ສວຍ​ງາມ​ສະດຸດ​ຕາ.​ 

ດ້ວຍປະສົບ​ການ​ໃນຂົງ​ເຂດການ​ຜະລິດ​ເຂົ້າໜົມ​ມາ​ເປັນ​ເວລາ​ເກືອບ 20 ປີ,  ບໍລິສັດ ຮື​ວງີ້ ​​​ໄດ້ຜະລິດ​ອອກ​ສູ່​ສັງຄົມ​ບັນດາຜະ ລິດ​ຕະພັນ​ໃໝ່ໆ ຢູ່​ເລື້ອຍໆ​ ຊຶ່ງ​ມີ​ການປະຕິ​ຮູບ​ໃໝ່​ທັງ​​ໃນດ້ານ​ຮູບ​​ແບບ ​ແລະ ຄຸນ​ນະພາ​ບ. ປະຈຸ​ບັນ, ​ບໍລິສັດ​​ມີ​ຜະລິດ​ຕະພັນ ຫຼາຍກວ່າ 100 ຊະນິດ​ທີ່​ແຕກ​ຕ່າງ​ກັນ. ສ່ວນ​ປະກອບ​ພິ​ເສດ​ທີ່ພາ​ໃຫ້ ຮື້​ວງີ ຜະລິດ ຜະລິດ​ຕະພັນອອກ​ມາ​​ ເຕັມ​ໄປ​ດ້ວຍ​ລົດ​ຊາດ​ຂອງ​ທໍາ​ມະ​ຊາດ ​ນັ້ນ​​ແມ່ນ ທ່າ​ແຮງ​ທາງ​ດ້ານ​ຜົນລະ​ໄມ້​ທີ່​ອຸດົມສົມບູນ​ຂອງ​ ຫວຽດນາມ​ ເຊັ່ນ: ​ແກ່ນບົວ, ໝາກອຶ, ໝາກ ກ້ວຍ, ຂີງ, ໝາກ​ກະທັນ, ໝາກ​​ແປ້ນ ​ແລະ ອື່ນໆ.

ປະຈຸ​ບັນ, ບໍລິສັດ​ມີ​ໂຮງງານ 4 ​ແຫ່ງ​
ປະກອບ​ດ້ວຍຫລາຍ​ສິບ​ຕ່ອງ​ໂສ້ຜະລິດ​ທີ່​ທັນ​ສະ​ໄໝ,​​ ບັນລຸມາດຕະຖານເອີຣົບ.


ຮື​ວງີ້ ​ແມ່ນ​ວິ​ສາ​ຫະກິດນຳ​ໜ້າ​ໃນ​ການ​ນຳ​ໃຊ້​ບັນດາ​ມາດຕະຖານ​ອະນາ​ໄມ
ຄວາມປອດ​ໄພ​ດ້ານ​ສະບຽງ​ອາຫານ ຢ່າງ​ເຄັ່ງ​ຄັດ.


ຍ້ອນ​ມີ​ ຮ້ານບໍລິການ​ຂາຍຍ່ອຍຫຼາຍກວ່າ 200.000 ຮ້ານ ​ໃນ​ທ່ົວ​ປະ​ເທດ.
ສະ​ນັ້ນ, ຮື​ວງີ້ ຈະ​ຕອບ​ສະໜອງ​​ຄວາມຮຽກຮ້ອງ​ຕ້ອງການ​ຂອງ​ລູກ​ຄ້າ​ໄດ້​ຢ່າງ​ງ່າຍດາຍ.​


ບໍ່​ພຽງ​ແຕ່​ດີດ້ານຄຸນ​ນະພາ​ບ, ເຂົ້າໜົມຂອງຮື​ວງີ້  ຊະນິດ​ ຕ່າງໆ ຍັງ​ສວຍ​ງາມ​ດ້ານ​ຮູບ​ນອກ,
​ເໝາະກັບ​ຄວາມນິຍົມ​ຊົມ​ຊອບຂອງ​ຜູ້​ບໍລິ​ໂພ​ກ.


ບັນດາເຂົ້າໜົມ​ຫວານ​ຂອງ ຮື​ວງີ້ ​ໄດ້ຮັບ​ການ​ຜະລິດ​ມາ​ຈາກ​ວັດຖຸ​ດິບ​ທີ່ດີ​ທີ່​ສຸດ. 

ເຂົ້າໜົມ​ໄຂ່ Tipo ຂອງຮື​ວງີ້ ​ໄດ້​ຮັບ​ຄວາມ​ນິຍົມ​ຊົມ​ຊອບຢ່າງ​ຫຼວງ​ຫຼາຍຂອງ​ຕະຫຼາດ​.

ເຂົ້າໜົມ​ໄວ້​ພະຈັນ​ເປັນ​ຜະລິດ​ຕະພັ​ນທີ່​ເຕັມ​ດ້ວຍ​ລົດ​ຊາດ​ມູນ​ເຊື້ອ​ຂອງ ຮື​ວງີ້.

ບັນດາ​ປະ​ເພດ​ເຂົ້າໜົມ​ເປັນ​ກັບ​ຄຸນ​ນະພາ​ບຊັ້ນ​ສູງຄື: Tipo, Omoni, Spring, Oriental, Goldream…ຊຶ່ງ​ມີ​ທາດ​ບຳລຸງ​ຢ່າງຫຼວງ​ຫຼ​າຍ​ຕໍ່​ສຸຂະພາບ ​ແລະ ຖື​ໄດ້​ວ່າ​ເປັນ​ຜະລິດ​ຕະພັນ “ພົວພັນ​ກັບ​ຕ່າງປະ​ເທດ” ກໍ່​ເປັນ​ໄດ້, ຍ້ອນວ່າ​ບັນດາ​ເຂົ້າໜົມປະ​ເພດ​ນີ້ ຜູ້​ຄົນ​ມັກ​ຈະ​ຊື້​ເປັນ​ຂອງຝາກ​ຂອງຕ້ອນ​ເນື່ອງ​ໃນ​ໂອກາດ​ບຸນປີ​ໃໝ່​​ແຕ່ລະ​ປີ. ​ ຄຽງ​ຄູ່​ກັນ​ນັ້ນ, ຮື​ວງີ້ ຍັງ​ມີ​​ຜະລິດ​ຕະພັນ​ປະ​ເພດເຂົ້າໜົມ​ອົມ​ເປັນ​ກັບ ໂຈລີ ​ແລະ ຊູຣິ ທີ່​ມີ​ລົດ​ຊາດ​ນໍ້ານົມ, ​ໂຊ​ໂກລາ, ກາ​ຣາ​ແມນທີ່​ມີ​ສີສັນ​ຫຸ້ມ​ຫໍ່​​ສະດຸດ​ຕາ ​ຊຶ່ງ​ໄດ້ຄົນ​ລຸ້ນ​ໜຸ່ມນິ ຍົມ​ຫຼາຍ.
 
ມໍ່ໆ​ມາ​ນີ້, ຮື​ວງີ້ ​ໄດ້​ນໍາອອກ​ສູ່​ຕະຫຼາດ​ຜະລິດ​ຕະພັນປະ​ເພດ​ເຂົ້າ​ຈີ່ “ກິນ​ໄວ” ​ມີຊື່ວ່າ Staff ​ແລະ Lucky ຊຶ່ງ​ເໝາະສົມ​ທີ່​ສຸດກັບ ຈັງຫວະການ​ດໍາລົງ​ຊີວິດ​ແບບ​ອຸດສາຫະກໍາ.​ ເພາະສະ​ນັ້ນ, ຈຶ່ງ​ໄດ້​ຮັບ​ຄວາມ​ນິຄົມ​ຊົມ​ຊອບຢ່າງ​ຫຼວງຫຼາຍຈາກ​ຜູ້​ເຮັດ​ວຽກ​ໃນ​ຫ້ອງການ​ສໍານັກງານ​ຕ່າງໆ. ຊາວ​ຕ່າງປະ​ເທດ​ທີ່​ອາ​ໄສ ​ແລະ ​ເຮັດ​ວຽກຢູ່ຫວຽດນາມ ຫຼາຍ​ຄົນ​ກໍ່​ເລືອກ​ເອົາ​ຜະລິດ​ຕະພັນ​ດັ່ງ ກ່າວ​​ສໍາລັບຄາບ​ອາຫານ​ເຊົ້າ​ທີ່​ເລັ່ງດ່ວນຂອງ​ຕົນ. 
 
ຍ້ອນອຸດົມສົມບູນ​ທາງດ້ານ​ລົດ​ຊາດ, ​ຮູບຊົງ ​ແລະ ຫຍີ່​ຫໍ້. ສະ​ນັ້ນ, ຕະຫລາດ​ຈໍາໜ່າຍ​ຂອງ ຮື​ວງີ້ ​ຈຶ່ງ​ກວ້າງຂວາງພໍ​ສົມຄວນ ​ໂດຍ​ແບ່ງ​ເປັນ​ຫຼາຍ​ລະດັບ​ແຕກ​ຕ່າງ​ກັນ, ​ນັບ​ແຕ່​ປະ​ເພດ​ລະ ດັບສາມັນຊົນ​ເຖິງ​ຊັ້ນສູງ. ດ້ວຍ​ເຫດ​ນັ້ນ, ຈຶ່ງສາມາດ​ຕອບ​ສະ ໜອງ​ໄດ້​ຄວາມ​ຮຽກຮ້ອງຕ້ອງການ​ທີ່​ຫຼ​າຍ​ຮູບ​ຫຼາຍ​ສີຂອງ​ຜູ້​ບໍລິ​ໂພ​ກ. ​ຫຼາຍປີຕິ​ດຕໍ່​ກັນ​ຜ່ານ​ມາ ເຄື່ອງໝາຍ​ການ​ຄ້າ ຮື​ວງີ້ ​ໄດ້ຖືກ​ຄັດ​ເລືອກ​​​ເປັນ​ສິນຄ້າ ຫວຽດນາມ ທີ່ມີ​ຄຸນ​ນະພາ​ບສູງ.​  ບໍລິສັດ​ບັນລຸ​​ລາຍ​ຮັບ​​ກວ່າ 1.000 ຕື້​ດົ່ງ​ຕໍ່​ປີ​ເປັນ​ປະ​ຈໍາທຸກ​ປີ, ມອບ​ພັນທະ​ໃຫ້​ງົບປະມານ​​ແຫ່ງ​ລັດ​ຫຼາຍກວ່າ 44 ຕື້​ດົ່ງ ​ແລະ ສົ່ງ​ອອກ​​ໄປ​ຍັງ 10 ກວ່າ​ປະ​ເທດ ລວມມູນ​ຄ່າ​ຫຼາຍ​ກວ່າ 10 ລ້ານ ​USD ຕໍ່​ປີ.
 
ໂດຍຜ່ານ​ນະ​ໂຍບາຍ​ພັດທະນາ​ທີ່​ເໝາະ​ສົມ ​ແລະ ກຳ​ໄດ້​ທ່າ​ອ່ຽງຂອງ​ຜູ້​ບໍ​ລິ​ໂພ​ກຢ່າງ​ທັນ​ການ, ຮື​ວງີ້ ​ໄດ້ສາມາດສ້າງ​ໃຫ້​ມີ​ຖານະ​ບົດບາດ​ທີ່​ໝັ້ນຄົງ​​ຢູ່ຕະຫຼາດ​ພາຍ​ໃນ ​ແລະ ບືນ​ຕົວ​ອອກ​ສູ່​ຕະຫຼາດ​ຕ່າງປະ​ເທດ​ຄ​ື: ລາວ, ຍີ່ປຸ່ນ, ​ສ.ເກົາຫຼີ, ຈີນ, ​ໄທ, ມຽນມາ, ສິງ​ກາ​ໂປ, ຟີ​ລີບ​ປິນ, ອິນ​ໂດ​ເນ​ເຊຍ ​ແລະ ອື່ນໆ. ​ໃນ​ຍຸດ​ທະ​ສາດ​ພັດທະນາຂອງ​ຕົນ, ຮື​ວງີ້ ພວມອອກ​ແຮງ​ສູ້​ຊົນ​ເພື່ອ​ໃຫ້​​ກາຍ​ເປັນໜຶ່ງ​ໃນ​ຈຳນວນ​ວິ​ສາ​ຫະກິດ​ຜະລິດ​ເຂົ້າໜົມ​ແຫ່ງ​ທຳ​ອິດ​ຂອງ ຫວຽດນາມ ​ແຊກ​ຊຶມ​ເຂົ້າ​ສູ່​ຕະຫຼາດ​ບັນດາ​ປະ​ເທດອິດສະ​ລາມ ຊຶ່ງ​​ເປັນ​ບ່ອນຜະລິດ​ຕະພັນ​ເຂົ້າໜົມມີ​ກໍາລັງ​ຊົມ​ໃຊ້​ຫຼາຍ​ທີ່​ສຸດ.
 
ເພື່ອ​ປະຕິບັດ​ຍຸດ​ທະ​ສາດ​ພັດທະນາ​ຂອງ​ຕົນ, ຮືວງີ້ ​ໄດ້​ລົງທຶນ ຂະຫຍາຍ​​ໂຮງງານ, ຕ່ອງ​ໂສ້ການ​ຜະລິດ​ໃໝ່​ໃຫ້ກວ້າງ​ອອກ​ຕື່ມອີກ ດ້ວຍ​ເຕັກ​ໂນ​ໂລ​ຢີທັນ​ສະ​ໄໝ. ປະຈຸ​ບັນ, ບໍລິສັດ​ມີ​ໂຮງງານ 4 ​ແຫ່ງ​ປະກອບ​ດ້ວຍຫຼາຍສິບ​ຕ່ອງ​ໂສ້ການ​ຜະລິດ​ທີ່​ທັນ​ສະ​ໄໝ,​​ ບັນລຸມາດຕະຖານ​ເອີຣົບ. ​ມີເຄືອ​ຂ່າຍ​ຈຳໜ່າຍ​ຜະລິດ​ຕະພັນ​ຢູ່​ພາຍ​ໃນ​ທີ່​ເຂັ້ມ​ແຂງ​ ​ໂດຍ​ມີ​ຫຼາຍ​ຮ້ອຍ​ຕົວ​ແທນ​ຈໍາ ໜ່າຍ ​ແລະ ​ເກືອບ 200.000 ຮ້ານບໍລິການຂາຍ​ຍ່ອຍ​ໃນ​ທົ່ວ​ປະ​ເທດ. ຮື​ວງີ້ ກໍ່​ເປັນ​ວິ​ສາ​ຫະກິດ​ລາຍ​ໃຫຍ່​ຂອງ ຫວຽດນາມທີ່ ນຳ​ໜ້າ​ໃນ​ການ​ນຳ​ໃຊ້​ຢ່າງ​ເຂັ້ມ​ງວດມາດ​ຕະຖານ​ອະນາ​ໄມ​ຄວາມ ປອດ​ໄພ​ດ້ານ​ສະບຽງອາຫານ ​ແລະ ລະບົບ​ຄຸ້ມ​ຄອງ​ຄຸນ​ນະພາ​ບ ISO 22.000:2005 ​ແລະ HACCP.
 
ຍ້ອນ​ມີ​ຄວາມ​ອອກ​ເຫື່ອ​ເທ​ແຮງ​ຄື​ດັ່ງກ່າວ, ຮື​ວງີ້ຈຶ່ງ​ຢຶດໝັ້ນ​ໄດ້​ເຄື່ອງໝາຍ​ການ​ຄ້າ​ຂອງ​ຕົນ​ ດ້ວຍ​ການ​ສາມາດ​ຍາດ​ໄດ້ຫຼາຍ​ລາງວັນ​ທີ່​ມີ​ກຽດ​ຄື: ​ເຄື່ອງໝາຍ​ການ​ຄ້າທີ່​ເຂັ້ມ​ແຂງຂອງ ຫວຽດ ນາມ (2009), ວິ​ສາຫະກິດ​ເຊື່ອມ​ໂຍງ ​ແລະ ພັດທະນາ (2009), ຂັນ​ຄຳ​ຜະລິດ​ຕະພັນ​ດີ​ເດັ່ນ 1.000 ປີ ທັງ​ລອງ-​ຮ່າ​ໂນ້ຍ (2010), ສິນຄ້າ ຫວຽດນາມ ຄຸນ​ນະພາ​ບສູງ​ຫຼາຍ​ປີ​ຕິດຕໍ່​ກັນ.
ບົດ: ບິ​ກ​ເວີນ - ພາບ: ​ເຈີ່ນ​ແທງ​ຢາງ ​ແລະ ​ເອກະສານ

ບັນດາບົດທີ່ຖືກນຳສະເໜີ