05/07/2017 10:32 GMT+7 Email Print Like 0

ຮອງປະທານສະພາແຫ່ງຊາດອວງຈູລິວຢ້ຽມຢາມ ແລະ ເຮັດວຽກຢູ່ ຍີ່ປຸ່ນ

      ວັນທີ 03 ກໍລະກົດ, ຄະນະຜູ້ແທນສະພາແຫ່ງຊາດຫວຽດນາມ ໂດຍທ່ານຮອງປະທານສະພາແຫ່ງຊາດ ອວງຈູລິວ ນຳໜ້າ, ເລີ່ມຕົ້ນການຢ້ຽມຢາມ ແລະ ເຮັດວຽກຢູ່ຍີ່ປຸ່ນ. ໃນຂອບເຂດການຢ້ຽມຢາມ, ຄະນະຜູ້ແທນໄດ້ມີການເຮັດວຽກກັບສະຖາບັນຄົ້ນຄວ້ານະໂຍບາຍຍີ່ປຸ່ນ, ຢ້ຽມຢາມສະຖານທູດຫວຽດນາມ ປະຈຳຍີ່ປຸ່ນ.

(ທ່ານຮອງປະທານສະພາແຫ່ງຊາດ ອວງຈູລິວ
ພົບປະກັບທ່ານປະທານສະຖາບັນ Akihito Tanaka)
      ທີ່ສະຖາບັນຄົ້ນຄວ້ານະໂຍບາຍຍີ່ປຸ່ນ, ທ່ານຮອງປະທານສະພາແຫ່ງຊາດ ອວງຈູລິວ ໄດ້ພົບປະກັບທ່ານປະທານສະຖາບັນ Akihito Tanaka ແລະ ມີການແລກປ່ຽນກັບທ່ານສາດສະດາຈານ Masahiro Horie, ຜູ້ອຳນວຍການສູນພັດທະນາການນຳຂັ້ນສູງທົ່ວໂລກ, ອະດີດຮອງລັດຖະມົນຕີກະຊວງພາຍໃນ ແລະ ສື່ສານ, ເພື່ອຊອກຮູ້ກ່ຽວກັບພື້ນຖານການເມືອງຍີ່ປຸ່ນ, ບົດຮຽນໃນການປະຕິຮູບ, ປ່ຽນໃໝ່ ແລະ ຄຸ້ມຄອງສາທາລະນະຂອງລັດຖະບານຍີ່ປຸ່ນ. ຢູ່ທີ່ນີ້, ທ່ານຮອງປະທານສະພາແຫ່ງຊາດ ອວງຈູລິວ ຫວັງວ່າ, ດ້ວຍຄວາມຮັບຜິດຊອບແມ່ນປະທານສະຖາບັນຄົ້ນຄວ້ານະໂຍບາຍຍີ່ປຸ່ນ, ທ່ານ Akihito Tanaka ຈະຊຸກຍູ້ການພົວພັນຮ່ວມມືຍຸດທະສາດຢ່າງເລິກເຊິ່ງ, ກວ້າງຂວາງລະຫວ່າງຫວຽດນາມ ແລະ ຍີ່ປຸ່ນ ໃນໄລຍະຈະມາເຖິງຢ່າງມີປະສິດທິຜົນກວ່າອີກ.
        ເມື່ອໄປຢ້ຽມຢາມສະຖາທູດຫວຽດນາມ ປະຈຳຍີ່ປຸ່ນ, ທ່ານຮອງປະທານສະພາແຫ່ງຊາດ ອວງຈູລິວ ໃຫ້ຮູ້ວ່າ, ສະພາແຫ່ງຊາດຫວຽດນາມ ດ້ວຍບົດບາດທີ່ໄດ້ຮັບມອບໝາຍ, ໃນໄລຍະຜ່ານມາໄດ້ປະກອບສ່ວນຮັບຮອງເອົາກົດໝາຍສຳຄັນຫຼາຍສະບັບ, ປັບປຸງສະພາບແວດລ້ອມແຫ່ງການລົງທຶນ, ສ້າງເງື່ອນໄຂໃຫ້ບັນດານັກລົງທຶນຕ່າງປະເທດ, ໃນນັ້ນມີບັນດານັກລົງທຶນຍີ່ປຸ່ນ. ທ່ານຮອງປະທານສະພາແຫ່ງຊາດ ປາດຖະໜາວ່າ, ສະຖານທູດຫວຽດນາມ ປະຈຳຍີ່ປຸ່ນ ສືບຕໍ່ສວມບົດບາດເປັນຂົວຕໍ່ດຶງດູດແຫຼ່ງເງິນລົງທຶນຈາກຍີ່ປຸ່ນ ຜ່ານບັນດາໂຄງການໃຫຍ່ນີ້.
        ແລະກໍ່ໃນວັນດຽວກັນ, ທ່ານຮອງປະທານສະພາແຫ່ງຊາດອວງຈູລິວ ໄດ້ໄປຢ້ຽມຢາມກຸ່ມບໍລິສັດ Canon ຂອງຍີ່ປຸ່ນ.
 (ແຫຼ່ງຄັດຈາກ VOV)