29/10/2015 08:06 GMT+7 Email Print Like 0

ຮອງປະທານສະພາແຫ່ງຊາດ ອວງຈູລືວ ຕ້ອນຮັບຄະນະກຳມາທິການສັນຕິພາບແລະສາມັກຄີ ລາວ


ທ່ານ ອວງຈູລື ຮອງປະທານສະພາແຫ່ງຊາດ
 ​ຕ້ອນຮັບທ່ານ ຄຳພັນ ສິມມາລາວົງ. (ພາບ: DinhNam)

         ຕອນ​ບ່າຍວັນ​ທີ 27/10, ຢູ່ສຳນັກງານສະພາ​ແຫ່ງ​ຊາດ ຫວຽດນາມ, ທ່ານ ອວງຈູ​ລື​ວ ຮອງ​ປະທານ​ສະພາ​ແຫ່ງ​ຊາດ ຫວຽດນາມ ​ໄດ້​​ໃຫ້ການ​ຕ້ອນຮັບຄະນະ​ກຳມາ​ທິການ​ສັນຕິພາບ ​ແລະ ສາມັກຄີ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ ລາວ ​ໂດຍ​ທ່ານ ຄຳພັນ ສິມ​ມາລາ​ວົງ  ປະທານ​ຄະນະ​ກຳມາ​ທິການ​ສັນຕິພາບ ​ແລະ ສາມັກຄີ ​ເປັນ​ຫົວໜ້າ​ຄະນະ, ພວມ​ຢ້ຽມຢາມ ​ແລະ ​ເຮັດ​ວຽດຢູ່ ຫວຽ​ດນາມ ​ໃນ​ລະຫວ່າງ​ວັນ​ທີ 26 – 30/10/2015. ທີ່​ການ​ຕ້ອນຮັບ, ທ່ານ​ຮອງ​ປະທານ​ສະພາ​ແຫ່ງ​ຊາດ ອວງຈູ​ລື​ວ ຢືນຢັນ​ວ່າ: ຫວຽດນາມ ຈະ​ເຮັດ​ຈົນ​ສຸດຄວາມ​ສາມາດ​ຂອງ​ຕົນ ​​ເພື່ອ​ພ້ອມ​ກັບ​ພັກ, ລັດ ລາວ ສືບ​ຕໍ່​ນຳ​ສາຍ​ພົວພັນ​ມິດຕະພາບ​ທີ່​ເປັນ​ມູນ​ເຊື້ອ​ລະຫວ່າງ 2 ປະ​ເທດ​ນັບ​ມື້​ນັບ​ປັບປຸງ ​ແລະ ພັດທະນາ, ​ເຂົ້າ​ສູ່​ລວງ​ເລິກ, ມີ​ປະສິດທິ​ຜົນ ​ແລະ ​ແທດ​ຈິງ​ກ່ວາ. ທ່ານ​ຮອງ​ປະທານ​ສະພາ​ແຫ່ງ​ຊາດ ອວງຈູ​ລື​ວ ​ເນັ້ນ​ໜັກ​ວ່າ: ຫວຽດນາມ ຍາມ​ໃດ​ກໍ​ສ້າງ​ເງື່ອນ​ໄຂ​ສະດວກ ​ເພື່ອ​ໃຫ້​ບັນດາ​ອົງການ​ຈັດ​ຕັ້ງ​ປະຊາຊົນ ຫວຽດນາມ ມີ​ບັນດາ​ການ​ເຄື່ອນ​ໄຫວ​ຮ່ວມ​ມື, ໜູນ​ຊ່ວຍ​ບັນດາ​ເພື່ອນ​ມິດ ລາວ ​ເພື່ອ​ແນ​ໃສ່​ເພີ່ມ​ທະວີ​ສາຍ​ພົວພັນ​ລະຫວ່າງ​ປະຊາຊົນ 2 ປະ​ເທດ ຫວຽດນາມ - ລາວ ຢ່າງ​ແໜ້ນ​ແຟ້ນ.
        ສ່ວນ​ທ່ານ ຄຳພັນ ສິມ​ມາລາ​ວົງ ​ປາດ​ຖະໜາ​ຢາກ​ໃຫ້​ຄະນະ​ກຳມາ​ທິການ​ສັນຕິພາບ​ ຫວຽດນາມ ​ແລະ ຄະນະ​ກຳມາ​ທິການ​ສັນຕິພາບ ​ແລະ ສາມັກຄີ ລາວ ສືບ​ຕໍ່​ແລກປ່ຽນ​ການ​ຮ່ວມ​ມື ​ເພື່ອ​ບັນລຸ​ໄດ້​ໝາກຜົນ​ອັນ​ດີງາມ, ປະກອບສ່ວນ​ປັບປຸງ​ສາຍ​ພົວພັນ​ທີ່​ເປັນ​ມູນ​ເຊື້ອ​​ແບບພິ​ເສດ ລາວ - ຫວຽດນາມ.
 (ແຫຼ່ງຄັດຈາກ VOV)