16/10/2015 09:14 GMT+7 Email Print Like 0

ຮອງປະທານປະເທດ ຫງວຽນທິຢວານ ຢ້ຽມຢາມ ແລະ ເຮັດວຽກຢູ່ ສປປ ລາວ


ທ່ານນາງຮອງປະທານປະເທດຫວຽດນາມຫງວຽນທິຢວານ ແລະ 
​​ທ່ານຮອງປະທານປະເທດລາວ ບຸນຍັງ ວໍລະຈິດ

        ໂດຍ​ຕອບ​ສະ​ໜອງຕາມຄໍາເຊື້ອເຊີນຂອງ​​ທ່ານຮອງປະທານປະເທດ​ລາວ ບຸນ​ຍັງ ວໍ​ລະ​ຈິດ,  ທ່ານນາງຮອງປະທານປະເທດຫງວຽນ​ທິຢ​ວານໄດ້​ເດີນ​ທາງຢ້ຽມຢາມ ແລະ ເຮັດ​ວຽກ​ຢູ່ສປປລາວ ແຕ່​ວັນ​ທີ 15ຫາ18/10​. ໃນການເຈ​ລະ​ຈາ​ເມື່ອ​ວັນ​ທີ 15/10, ທ່ານນາງຮອງປະທານປະເທດຫງວຽນ​ທິຢ​ວານ ແລະ ທ່ານຮອງປະທານປະເທດ​ລາວ ບຸນ​ຍັງ ວໍ​ລະ​ຈິດ ໄດ້ຢືນຢັນວ່າ ຫວຽດນາມ ແລະ ລາວຈະສືບຕໍ່ປັບປຸງສາຍພົວພັນທີ່​ເປັນ​ມູນ​ເຊື້ອ, ຄວາມສາມັກຄີ​ແບບ​ພິ​ເສດ ແລະ ການຮ່ວມມືຮອບດ້ານຢ່າງບໍ່​ຢຸດຢັ້ງ.
     ທັງ​ສອງ​ຝ່າຍ​ໄດ້​ເຫັນ​ດີ​ທີ່​ຈະເພີ່ມ​ທະ​ວີ​ການແລກ​ປ່ຽນ​ຢ້ຽມ​ຢາມ​ລະ​ຫວ່າງ​ການ​ນໍາ​ຂອງ​ສອງ​ປະ​ເທດ​; ຍູ້​ແຮງ​ການ​ຜັນ​ຂະ​ຫຍາຍ​ບັນ​ດາ​ຂໍ​ຂໍ້​ຕົກ​ລົງລະ​ຫວ່າງການ​ນໍາ​ຂອງ​ສອງ​ປະ​ເທດ​ແລະບັນ​ດາ​ກົນ​ໄກ​ການ ​ຮ່ວມ​ມື ​ທີ່​ສຳ​ຄັນລະ​ຫວ່າງ​ສອງ​ປະ​ເທດ​.
  ທັງ​ສອງ​ຝ່າຍ​ໄດ້​ເຫັນ​ດີເພີ່ມ​ທະ​ວີ​ການ​ຮ່ວມ​ມື​ດ້ານການ​ປ້ອງ​ກັນ​ຊາດ ປ້ອງ​ກັນ​ຄວາມ​ສະ​ຫງົບ ​; ຜັນ​ຂະ​ຫຍາຍ​ການປະ​ຕິ​ບັດ​ສັນ​ຍາ​ການ​ຄ້າ​ໃຫມ່​ ແລະ​ ສັນ​ຍາ​​ການ​ຄ້າ​ຊາຍ​ແດນ ຫວຽດ​ນາມ - ​ລາວ​; ຍູ້​ແຮງ​ການ​ແລກ​ປ່ຽນການ​ຄ້າ​ໃນ​ທ້າຍ​ປີ 2015​; ຕັ້ງ​ໜ້າ​ສ້າງ ແລະ ຜັນ​ຂະ​ຫຍາຍ  " ​ແຜນກຳ​ນົດ​ສັງ​ລວມ​ພັດ​ທະ​ນາ​ການ​ຄ້າ​ຊາຍ​ແດນ​ຫວຽດ​ນາມ - ລາວ​ເຖິງ​ປີ 2025 ແລະ ​ວິ​ໄສ​ທັດເຖິງ​ປີ 2035​" ແລະ " ແຜນກຳ​ນົດ​​ພັດ​ທະ​ນາເຄືອ​ຂ່າຍຕະຫຼາດ​ຊາຍ​ແດນ​ຫວຽດ​ນາມ - ລາວເຖິງ​ປີ 2020 "...
    ທັງ​ສອງ​ຝ່າຍ​ເຫັນ​ດີ​ເພີ່ມ​ທະ​ວີ​ການພົ​ວພັນ​ຮ່ວມ​ມືອັນ​ດີ​ງາມຢູ່​ບັນ​ດາ​ເວ​ທີ​ປາ​ໄສສາ​ກົນ​ແລະ​ພາກ​ພື້ນ​; ປະ​ສານ​ສົມ​ທົບ​ຢ່າງແໜ້ນ​ແຟ້ນ​ກັບ​ບັນ​ດາ​ປະ​ເທດ​ອາ​ຊຽນ​ອື່ນໆ​​ເພື່ອ​ສ້າງ​ຕັ້ງ​ປະຊາ​ຄົມ​ອາ​ຊຽນ​ ​ໃນ​ທ້າຍ​ປີ​ນີ້​ຢ່າງ​ສຳ​ເລັດ​ຜົນ; ພ້ອມ​ທັງ​ຮັກ​ສາ​ບົດ​ບາດ​ໃຈ​ກາງ​ ​ແລະ​ ສຽງເວົ້າ​ລວມ​ຂອງ​ອາ​ຊຽນໃນບັນ​ດາ​ບັນ​ຫາ​ທີ່​ສໍາ​ຄັນ​ຍຸດ​ທະ​ສາດ​ຂອງ​ພາກ​ພື້ນ​, ລວມ​ທັງ​ບັນ​ຫາ​ທະ​ເລ​ຕາ​ເວັນ​ອອກ.
   ຕອນ​ບ່າຍ​ຂອງວັນ​ດຽວ​ກັນ, ທ່ານນາງຮອງປະທານປະເທດ ຫງວຽນ​ທິຢ​ວານໄດ້​ເຂົ້າ​ຢ້ຽມ​ຄຳ​ນັບທ່ານ​ເລ​ຂາ​ທິ​ການ​ໃຫຍ່, ປະທານປະເທດ ລາວ ຈູ​ມາ​ລີ ໄຊ​ຍະ​ສອນ ແລະ ທ່ານນາຍົກລັດຖະມົນຕີລາວ ທອງສິງ ທໍາມະວົງ.
(ແຫຼ່ງຄັດຈາກ VOV)