08/06/2020 09:14 GMT+7 Email Print Like 0

ອິນໂດເນເຊຍປະຕິເສດການເຈລະຈາກັບຈີນກ່ຽວກັບບັນຫາທະເລຕາເວັນອອກ

      ອິນໂດເນເຊຍ ບໍ່ຖະແຫຼງທິປະໄຕກັບຈີນ ສະນັ້ນ, ບໍ່ໄດ້ເຂົ້າຮ່ວມບໍ່ວ່າການເຈລະຈາໃດໆກ່ຽວກັບການແບ່ງຂັ້ນຊາຍແດນທາງທະເລ
      ເພື່ອໂຕ້ຕອບເລື່ອງອິນໂດເນເຊຍ ສົ່ງຈົດໝາຍທາງການຕໍ່ສະຫະປະຊາຊາດເມື່ອວັນທີ 26 ພຶດສະພາ ໂດຍໄດ້ປະຕິເສດບັນດາຄຳຮຽກສິດຂອງຈີນ ຢູ່ທະເລຕາເວັນອອກ, ວັນທີ 02 ມິຖຸນາ, ລັດຖະບານຈີນ ກໍ່ໄດ້ສົ່ງຈົດໝາຍທາງການຕໍ່ທ່ານເລຂາທິການໃຫຍ່ສະຫະປະຊາຊາດ Antonio Guterres ເພື່ອປະຕິເສດເນື້ອໃນໃນຈົດໝາຍທາງການຂອງດິນໂດເນເຊຍ. ໃນເວລາດຽວກັນ, ຝ່າຍຈີນ ຖະແຫຼງວ່າ ພ້ອມແລ້ວທີ່ຈະແກ້ໄຂບັນດາຄຳຮຽກສິດອະທິປະໄຕທັບຊ້ອນ ຜ່ານການເຈລະຈາກັບອິນໂດເນເຊຍ. ຈີນ ຢາກຮ່ວມມືກັບອິນໂດເນເຊຍ ເພື່ອຮັກສາສັດຕິພາບ ແລະ ສະຖຽນລະພາບຢູ່ທະເລຕາເວັນອອກ.
      ຕໍ່ໜ້າຄຳສະເໜີເຈລະຈາຂອງຈີນ, ທ່ານ Damos Agusman, ຫົວໜ້າກົມກົດໝາຍ ແລະ ສົນທິສັນຍາສາກົນ, ກະຊວງການຕ່າງປະເທດອິນໂດເນເຊຍ ຖືວ່າ, “ໂດຍອີງໃສ່ສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ປີ 1982, ອິນໂດເນເຊຍ ບໍ່ຖະແຫຼງທິປະໄຕກັບຈີນ ສະນັ້ນ, ບໍ່ໄດ້ເຂົ້າຮ່ວມບໍ່ວ່າການເຈລະຈາໃດໆກ່ຽວກັບການແບ່ງຂັ້ນຊາຍແດນທາງທະເລ”. ທ່ານກໍ່ເນັ້ນໜັກວ່າ, ໃນຖະແຫຼງການຢ່າງເປັນທາງການໃນເດືອນ ມັງກອນ 2020, ອິນໂດເນເຊຍ ໄດ້ຢືນຢັນວ່າ ບໍ່ມີການຂັດແຍ້ງອະທິປະໄຕກັບຈີນ ຢູ່ທະເລຕາເວັນອອກ.
(ແຫຼ່ງຄັດຈາກ VOV)