15/05/2018 08:28 GMT+7 Email Print Like 0

ອິນໂດເນຍເຊຍ ຍົກລະດັບສັນຍານເຕືອນໄພດ້ານປ້ອງກັນສະຫງົບຂຶ້ນລະດັບສູງສຸດ

      ຕຳຫລວດ ອິນໂດເນເຊຍ ໃຫ້ຮູ້ວ່າ: ໄດ້ເກີດເຫດວາງລະເບີດຕື່ມ 1 ຄັ້ງໃນຕອນຄ່ຳວັນທີ 13 ພຶດສະພາ ຢູ່ເທດສະບານໃກ້ກັບນະຄອນ ຊູຣາບາຢາ ຂອງແຂວງ ຢາວາຕາເວັນອອກ, ແຫ່ງທີ່ກ່ອນນັ້ນ ໄດ້ເກີດບັນດາເຫດວາງລະເບີດສະຫຼະຊີບຢ່າງລຽນຕິດທີ່ແນໃສ່ໂບດ 3 ແຫ່ງ ດເຮັດໃຫ້ຢ່າງໜ້ອຍສຸດມີ 13 ຄົນເສຍຊີວິດ, ໃນນັ້ນ ມີທັງຜູ້ວາງລະເບີດ.
      ກ່ອນໜ້ານັ້ນ, ວັນທີ 13 ພຶດສະພາ, ທີ່ ຊູຣາບາຢາ, ນະຄອນໃຫຍ່ອັນດັບທີ 2 ຢູ່ອິນໂດເນເຊຍ, ໄດ້ເກີດເຫດວາງລະເບີດ 3 ຄັ້ງທີ່ແນໃສ່ໂບດ 3 ແຫ່ງຢ່າງລຽນຕິດ ເຮັດໃຫ້ຢ່າງໜ້ອຍສຸດມີ 13 ຄົນເສຍຊີວິດ ແລະ ນັບສິບໆຄົນຮັບບາດເຈັບ. ຫົວໜ້າຕຳຫລວດ ຈາກາກຕາ, ນາຍພົນ Idham Azis ໃຫ້ຮູ້ວ່າ: ບັນດາເຂດທັງໝົດທີ່ຢູ່ໃຕ້ສິດອຳນາດຂອງຕຳຫລວດ ຈາກາກຕາ ລ້ວນແຕ່ໄດ້ປະກາດສະພາບເຕືອນໄພສູງສຸດ ຈົນກ່ວາຈະເຖິງເວລາມີແຈ້ງການໃໝ່.
        ຕໍ່ໜ້າສະພາບການດັ່ງກ່າວ, ວັນທີ 13 ພຶດສະພາ, ທ່ານເລຂາທິຫານໃຫຍ່ສະຫະປະຊາຊາດ Antonio Guterres ໄດ້ກ່າວປະນາມບັນດາເຫດບຸກໂຈມຕີກໍ່ການຮ້າຍທີ່ແນໃສ່ບັນດາຜູ້ພວມທຳພິທີກຳຢູ່ໂບດ 3 ແຫ່ງທີ່ແຂວງ ຊູຣາບາຢາ ປະເທດອິນໂດເນເຊຍ ທີ່ເກີດຂຶ້ນກ່ອນນັ້ນໃນວັນດຽວກັນ.
 (ແຫຼ່ງຄັດຈາກ VOV)