18/01/2015 14:26 GMT+7 Email Print Like 0

ອິນເດຍຍາມໃດກໍ່ຖືການພົວພັນກັບຫວຽດນາມແມ່ນການພົວພັນແບບພິເສດ

ທ່ານ Ajit Dovan, ທີ່​ປຶກ​ສາ​ປ້ອງ​ກັນ​ຄ​ວາມ​ສະ​ຫງົບ​ແຫ່ງ​ຊາດ ອິນ​ເດຍ ຕ້ອນ​ຮັບ​ທ່ານ​ພົນ​ໂທ ຫງວຽນ​ຈີ໋ວີ້ງ
 (
ພາບ: Minh Lý/Vietnam+)

            ວັນ​ທີ 16/1, ທ່ານ ຫງວຽນ​ຈີ໋ວີ້ງ, ​ລັດ​ຖະ​ມົນ​ຕີ​ຊ່ວຍ​ວ່າ​ການ​ກະ​ຊວງ​ປ້ອງ​ກັນ​ປະ​ເທດ ຫວຽດ​ນາມ ແລະ ທ່ານ​ລັດ​ຖະ​ມົນ​ຕີ​ຊ່ວຍ​ວ່າ​ການ​ກະ​ຊວງ​ປ້ອງ​ກັນ​ປະ​ເທດ ອິນ​ເດຍ Shri R K.Mathur ເປັນ​ປະ​ທານ​ຮ່ວມ​ການເຈ​ລະ​ຈາ​ການ​ປ້ອງ​ກັນ​ຊາດ ຫວຽດ​ນາມ - ອິ​ນ​ເດຍ ຄັ້ງ​ທີ 9. ​ສອງຝ່າຍ​ສຸມ​ໃສ່​ແລກ​ປ່ຽນ​ສະ​ພາບ​ການ​ສາ​ກົນ ແລະ ພາກ​ພື້ນ, ຖື​ວ່າ: ທຸກໆ​ຄວາມ​ຂັດ​ແຍ້ງ, ຄວາມບໍ່​ລົງ​ລອຍ​ກັນ​ຕ້ອງ​ໄດ້​ຮັບ​ການ​ແກ້​ໄຂ​ຜ່ານ​ການ​ເຈ​ລະ​ຈາ​ໂດຍ​ສັນ​ຕິ, ບົນ​ພື້​ນ​ຖານ​ກົດ​ໝາຍ​ສ​າ​ກົນ, ບໍ່​ນຳ​ໃຊ້​ອາ​ວຸດ ຫຼື ນາບ​ຂູ່​ນຳ​ໃຊ້​ອາ​ວຸດ. 2 ຝ່າຍກໍ່​ເຫັນ​ດີ​ເປັນ​ເອ​ກະ​ສັນ​ຊຸກ​ຍຸ້​ການ​ຮ່ວມ​ມື​ໃນ​ບັນ​ດາ​ເວ​ທີ​ປາ​ໄສຫຼາຍ​ຝ່າຍ​ພາ​ກ​ພື້ນ, ພ້ອມ​ກັນ​ຜັນ​ຂະ​ຫຍາຍ​ຂໍ້​ລິ​ເລີ່ມ​ການ​ເຄື່ອນ​ໄຫວ​​ມະ​ນຸດ​ສະ​ທຳເກັບ​ກູ້ລູກ​ລະ​ເບີດ​ໝາກ​ໝີ່ນ ບໍ່​ທັນ​ແຕກ​ຫຼັງ​ສົງ​ຄາມ​ເຊິ່ງ ຫວຽດ​ນາມ ແລະ ອິນ​ເດຍ ພວມ​ເປັນ​ປະ​ທານ​ຮ່ວມ​ຢ່າງມີ​ປະ​ສິດ​ທິ​ຜົນ. ທ່ານ​ລັດ​ຖະ​ມົນ​ຕີ​ຊ່ວຍ​ວ່າ​ການ​ກະ​ຊວງ​ປ້ອງ​ກັນ​ປະ​ເທດ ຫງວຽນ​ຈີ໋ວີ້ງ ປະ​ກາດ​ວ່າ: ໃນ​ໄຕ​ມາດ​ທີ 2/2015, ກະ​ຊວງ​ປ້ອງ​ກັນ​ປະ​ເທດ ຫວຽດ​ນາມ ຈະ​ນຳ​ເຂົ້າ​ເຄື່ອນ​ໄຫວ​ສູນ​ເຕັກ​ໂນ​ໂລ​ຢີ​ຂໍ້​ມູນ​ຂ່າວ​ສານ ແລະ ພາ​ສາ​ຕ່າງ​ປະ​ເທດ……. ນີ້​ແມ່ນ​ໝາກ​ຜົນ​ຂອງ​ການ​ຊ່ວຍ​ເຫຼືອ​ໄລ​ຍະ 1 ເຊິ່ງ​ລັດ​ຖະ​ບານ ແລະ ກະ​ຊ​ວງ​ປ້ອງ​ກັນ​ປະ​ເທດ ອິນ​ເດຍ ສະ​ຫງວນ​ໃຫ້​ແກ່​ກະ​ຊວງ​ປ້ອງ​ກັນ​ປະ​ເທດ ຫວຽດ​ນາມ. ສ່ວນ​ຝ່າຍ ອິນ​ເດຍ, ທ່ານ​ລັດ​ຖະ​ມົນ​ຕີ​ຊ່ວຍ​ວ່າ​ການ​ກະ​ຊວງ​ປ້ອງ​ກັນ​ປະ​ເທດ Shri R K.Mathur ຢືນ​ຢັນ​ວ່າ: ອິນ​ເດຍ ຍາມ​ໃດ​ກໍ່​ຖື​ຫວຽ​ດ​ນາມ ແມ່ນ​ເສົາ​ຄ້ຳ​ໃນ​ນະ​ໂຍ​ບາຍ “​ກະ​ທຳ​ມຸ່ງ​ໄປ​ສູ່​ທິດ​ຕາ​ເວັນ​ອອກ” ຂອງ ອິນ​ເດຍ, ໃຫ້​ຄຳ​ໝັ້ນ​ສັນ​ຍາ​ຊຸກ​ຍູ້​ການ​ພົວ​ພັນ​ອັນ​ດີ​ງາມ​ກັບ ຫວຽດ​ນາມ ​ໃຫ້ສົມ​ກັບ​ຄວາມ​ສາ​ມາດ​ບົ່ມ​ຊ​້ອນ​ຂອງ 2 ປະ​ເທດ. ທ່ານ Shri R K.Mathur ຢືນ​ຢັນ​ວ່າ: ອິນ​ເດຍ ພ້ອມ​ແລ້ວ​ທີ່​ຮ່ວມ​ມື​ກັບ ຫວຽດ​ນາມ ໃນ​ວິ​ວັດ​ການ ຫວຽດ​ນາມ ກະ​ກ​ຽມ​ເຂົ້າ​ຮ່ວມ​ການ​ເຄື່ອນ​ໄຫວ​ຮັກ​ສາ​ສັນ​ຕິ​ພາບ​ຂອງ ສ​ປ​ຊ.

(ແຫຼ່ງຄັດຈາກ VOV)