10/02/2019 09:21 GMT+7 Email Print Like 0

ອາເມລິກາ ແລະ ຈີນ ສ້າງແຜນການຈັດຕັ້ງການເຈລະຈາດ້ານການຄ້າ

      ອາເມລິກາ ແລະ ຈີນ ພວມສ້າງແຜນການຈັດຕັ້ງການເຈລະຈາດ້ານການຄ້າຢູ່ ບັກກິງ ໃນອາທິດໜ້າ, ໃນນັ້ນ ສຸມໃສ່ປຶກສາຫາລືບັນຫາຊັບສິນທາງປັນຍາ.

ທ່ານປະທານປະເທດ ຈີນ ສີຈິ້ນຜີງ ແລະ ທ່ານປະທານາທິບໍດີ ອາເມລິກາ Donald Trump. ພາບ: AFP/TTXVN
      ວັນທີ 08 ກຸມພາ, ແຫຼ່ງຂ່າວຈາກທຳນຽບຂາວໃຫ້ຮູ້ວ່າ: ບັນດາກອງປະຊຸມຂັ້ນຮອງຜູ້ຕາງໜ້າຈະເລີ່ມດຳເນີນ ນັບແຕ່ວັນທີ 11 ກຸມພາ ແລະ ຫລັງຈາກນັ້ນ ຈະດຳເນີນບັນດາກອງປະຊຸມເຈລະຈາຂັ້ນສູງ. ທ່ານ Robert Lighthizer ຜູ້ຕາງໜ້າດ້ານການຄ້າ ອາເມລິກາ ແລະ ທ່ານ Steven Mnuchin ລັດຖະມົນຕີການເງິນ ອາເມລິກາ ຈະໄປ ບັກກິງ ເພື່ອເຂົ້າຮ່ວມບັນດາກອງປະຊຸມສຳຄັນໃນລະຫວ່າງວັນທີ 14 ແລະ 15 ກຸມພາ.
        ອາເມລິກາ ແລະ ຈີນ ພວມມານະພະຍາຍາມເພື່ອບັນລຸໄດ້ຂໍ້ຕົກລົງການຄ້າສະບັບໜຶ່ງ, ໃນເວລາ 2 – 3 ອາທິດ, ກ່ອນທີ່ໝົດກຳນົດເວລາໃນເດືອນ ມີນາ ຈະມາເຖິງ.
 (ແຫຼ່ງຄັດຈາກ VOV)