09/01/2018 08:45 GMT+7 Email Print Like 0

ອາເມລິກາ ຄິດໄລ່ຊັ່ງຊາເຖິງການນຳໃຊ້ອາວຸດນິວເຄຼຍຢ່າງມີໄຫວພິບ

      ອຳນາດການປົກຄອງຂອງທ່ານປະທານາທິບໍດີ ອາເມລິກາ Donald Trump ຈະພິຈາລະນາການພັດທະນາອາວຸດນິວເຄຼຍໃໝ່ທີ່ມີຂອບຂະໜາດນ້ອຍ
ບັນດາແຫຼ່ງຂ່າວຈາກສະພາແຫ່ງຊາດ ແລະ ການທູດໃຫ້ຮູ້ວ່າ: ອຳນາດການປົກຄອງຂອງທ່ານປະທານາທິບໍດີ ອາເມລິກາ Donald Trump ຈະປະຕິບັດນະໂຍບາຍອະນຸຍາດໃຫ້ນຳໃຊ້ອາວຸດນິວເຄຼຍຢ່າງມີໄຫວພິບ, ໂດຍອີງໃສ່ “ການຕີລາຄາສະພາບການນິວເຄຼຍ” ເຊິ່ງຄາດວ່າຈະໄດ້ຮັບການປະກາດໃນເດືອນກຸມພາ ຈະມາເຖິງ. ຮ່າງບົດຕີລາຄາໃຫ້ຮູ້ວ່າ: ອຳນາດການປົກຄອງຂອງທ່ານປະທານາທິບໍດີ ອາເມລິກາ Donald Trump ຈະພິຈາລະນາການພັດທະນາອາວຸດນິວເຄຼຍໃໝ່ທີ່ມີຂອບຂະໜາດນ້ອຍ, ເສຍພະລັງງານຕ່ຳເພື່ອແນໃສ່ຮັບປະກັນທ່າໄດ້ປຽບດ້ານການທະຫານຕໍ່ບັນດາປະເທດມະຫາອຳນາດທີ່ເປັນປໍລະປັກ. ອຳນາດການປົກຄອງພັກສາທາລະນະຈະບໍ່ຈຳກັດບົດບາດຂອງອາວຸດນິວເຄຼຍ ໃນການສະກັດກັ້ນ ແລະ ໂຕ້ຕອບຕໍ່ການບຸກໂຈມຕີດ້ານນິວເຄຼຍ.
        ການປ່ຽນແປງນີ້ເປັນຂີດໝາຍແຫ່ງບາດກ້າວແຍກຕົວອອກນະໂຍບາຍນິວເຄຼຍເຊິ່ງສະໄໝອະດິດປະທານາທິບໍດີ Barack Obama, ໄດ້ໃຫ້ຄຳໝັ້ນສັນຍາປະຕິບັດນະໂຍບາຍໂລກປອດອາວຸດນິວເຄຼຍ.
 (ແຫຼ່ງຄັດຈາກ VOV)