16/10/2018 10:03 GMT+7 Email Print Like 0

ອາຊຽນ ສົ່ງເສີມບັນດາອົງການຈັດຕັ້ງສັງຄົມ ເພີ່ມທະວີການເຂົ້າຮ່ວມປະຊາຄົມ

      ວັນທີ 15 ຕຸລາ, ທີ່ສໍານັກງານຄະນະເລຂາ ສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ຢູ່ນະຄອນຫຼວງ Jakarta, ປະເທດ ອິນໂດເນເຊຍ ໄດ້ດໍາເນີນເວທີປາໄສຄັ້ງທີ 2 ບັນດາອົງການຈັດຕັ້ງສັງຄົມ ຮ່ວມສໍາພັນກັບ ອາຊຽນ. 

ທ່ານເລຂາທິການໃຫຍ່ ອາຊຽນ Lim Jock Hoi ກ່າວຄໍາເຫັນທີ່ເວທີປາໄສ
(ພາບ: Do Quyen/TTXVN)
       ເວທີປາໄສຄັ້ງນີ້ ແມ່ນເພື່ອແນໃສ່ສະໜອງຂໍ້ມູນຂ່າວສານ ພ້ອມທັງແມ່ນການສົ່ງເສີມບັນດາອົງການສັງຄົມປຶກສາຫາລື ແລະ ເພີ່ມທະວີການຮ່ວມມືລະຫວ່າງບັນດາອົງການຈັດຕັ້ງດັ່ງກ່າວ ກັບ ອາຊຽນ ໃນ ອະນາຄົດ.
        ທີ່ເວທີປາໄສ, ບັນດາຜູ້ແທນມາຈາກບັນດາປະເທດ ໄດ້ແບ່ງປັນບົດຮຽນ, ລວມທັງການຮ່ວມມືກັບບັນດາຝ່າຍກ່ຽວຂ້ອງ ເຖິງສະພາບການຢູ່ພາຍໃນ ແລະ ພາຍນອກ ອາຊຽນ. ບັນດາຜູ້ແທນກໍ່ປຶກສາຫາລືກ່ຽວກັບບັນດາຂໍ້ມູນຂ່າວສານອັບເດດ ແລະ ບຸລິມະສິດຂອງປະຊາຄົມອາຊຽນ, ຊຸກຍູ້ການເຂົ້າຮ່ວມຂອງບັນດາອົງການຈັດຕັ້ງສັງຄົມ ນັບມື້ນັບເລິກເຊິ່ງ, ກວ້າງຂວາງ ເພື່ອແນໃສ່ຕອບສະໜອງວິໄສທັດຂອງປະຊາຄົມ ອາຊຽນ, ລວມທັງບັນດາພົນລະເມືອງ ອາຊຽນ ທັງໝົດ ແລະ ຖືມະນຸດເປັນໃຈກາງ.
 (ແຫຼ່ງຄັດຈາກ VOV)