08/08/2016 11:23 GMT+7 Email Print Like 0

ອາຊຽນ-ຍີ່ປຸ່ນເພີ່ມທະວີການຮ່ວມມືຮອບດ້ານ

ກອງປະຊຸມ ອາຊຽນ - ຍີ່ປຸ່ນ
      ໃນ​ຂອບ​ເຂດ​ກອງ​ປະຊຸມ​ລັດຖະມົນຕີ​ເສດຖະກິດ ອາ​ຊຽນ (AEM) ຄັ້ງ​ທີ 48 ​ແລະ ບັນດາ​ກອງ​ປະຊຸມ​ກ່ຽວຂ້ອງ, ຕອນ​ບ່າຍ​ວັນທີ 6/8, ຢູ່​ນະຄອນຫຼວງ ວຽງ​ຈັນ, ກອງ​ປະຊຸ​ມທາ​ບທາມ​ລັດຖະມົນຕີ​ເສດຖະກິດ ອາ​ຊຽນ ​ແລະ ລັດຖະມົນຕີ​ເສດຖະກິດ, ການ​ຄ້າ ​ແລະ ອຸດສາຫະກຳ (METI) ຍີ່ປຸ່ນ ​ໄດ້​ຈັດ​ຕັ້ງ​ພາຍ​ໃຕ້​ການ​ເປັນ​ປະທານ​ຮ່ວມ​ຂອງ​ທ່ານ​ນາງລັດຖະມົນຕີ​ກະຊວງ​ອຸດສາຫະກຳ ການ​ຄ້າ ລາວ ​ເຂັມມະນີ ພົນ​ເສນາ ​ແລະ ທ່ານ​ລັດຖະມົນຕີ​ເສດຖະກິດ, ການ​ຄ້າ ​ແລະ ອຸດ​ສາ​ຫະກຳ ຍີ່ປຸ່ນ Hiroshige Seko.
       ບັນດາ​ລັດຖະມົນຕີ​ຊົມ​ເຊີຍ​ເລື່ອງ​ປະຕິບັດ​ສຳ​ເລັດ​ບັນດາ​ການ​ເຈລະ​ຈາ​ກ່ຽວ​ກັບ​ກາ​ນຄ້າ​ບໍລິການ, ​ເຊິ່ງລວມມີ: ບັນດາ​ບັນຫາ​ກ່ຽວ​ກັບ​ການ​ເງິນ ​ແລະ ​ໂທລະ​ຄົມມະນາຄົມ ​ແລະ ສັນຍາ MNP ກໍ່​ຄື​ການ​ເຈລະຈາ​ລົງທຶນ​ໃນ​ຂອບ​ເຂດ​ສັນຍາ​ຄູ່​ຮ່​ວມມື​ເສດຖະກິດ ຮອບດ້ານ ອາ​ຊຽນ  - ຍີ່ປຸ່ນ (AJCEP). ບັນດາ​ລັດຖະມົນຕີ​ໄດ້​ຕີ​ລາຄາ​ສູງ​ບັນດາ​ຄວາມ​ຄືບ​ໜ້າ​ທີ່​ບັນລຸ​ໄດ້​ໃນ​ການ​ຜັນ​ຂະຫຍາຍ​ວິວັດທະນາ​ການ​ຮ່ວມ​ມື​ເສດຖະກິດ​ຍຸດ​ທະ​ສາດ 10 ປີ ອາ​ຊຽນ - ຍີ່ປຸ່ນ, ຊົມ​ເຊີຍ​ເລື່ອງ​ດັດ​ປັບ​ຄືນ​ວິວັດທະນາ​ການ​ໃຫ້​ເໝາະສົມ​ກັບ​ສະພາບ​ການ​ຕົວ​ຈິງ ​ແລະ ​ເຫັນ​ດີ​ເປັນ​ເອກະສັນ​ຈະ​ຍື່ນ​ວິວັດທະນາ​ການ​ປັບ​ປຸງດັ່ງກ່າວ​ຕໍ່​ກອງ​ປະຊຸມ​ຂັ້ນ​ສູງ ອາ​ຊຽນ - ຍີ່ປຸ່ນ.
 (ແຫຼ່ງຄັດຈາກ VOV)