13/08/2015 00:01 GMT+7 Email Print Like 0

ກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 48 (AMM 48):
ອາຊຽນໄດ້ເປັນເອກະພາບສູງຕໍ່ບັນຫາທະເລຕາເວັນອອກ

ແຕ່ວັນທີ 4 ເຖິງວັນທີ່ 6 ສິງຫາ 2015, ກອງປະຊຸມລັດຖະ ມົນຕີ ການຕ່າງປະເທດ ອາຊຽນ ຄັ້ງທີ 48 (AMM 48) ແລະ ບັນດາກອງປະຊຸມທີ່ກ່ຽວຂ້ອງ ໄດ້ໄຂຂຶ້ນທີ່ນະຄອນຫຼວງ ກົວ ລາລຳເປີ ປະເທດ ມາເລເຊຍ. ຄະນະຜູ້ແທນຫວຽດນາມນຳ ໂດຍທ່ານຮອງນາຍົກລັດຖະມົນຕີ, ລັດຖະມົນຕີວ່າ ການ ກະຊວງຕ່າງປະເທດ ຟາມບິ່ງມິນ,  ຄະນະໄດ້ເຂົ້າຮ່ວມຢ່າງຕັ້ງຫນ້າໃນທຸກໆກອງປະຊຸມ ແລະ ກໍ່ໄດ້ປະກອບສ່ວນຢ່າງສຸດຄວາມສາມາດໃນຂົງເຂດຮັບຜິດຊອບຂອງຕົນ. ໃນກອງປະ ຊຸມຄັ້ງນີ້, ບັນດາປະເທດໄດ້ສະແດງ ຄວາມຄ້າງ ຄາໃຈຕໍ່ສະ ພາບການຢູ່ທະເລຕາເວັນອອກ. ພິເສດ, ນີ້ກໍ່ເປັນຄັ້ງທຳອິດທີ່ບັນຫາເລື່ອງກໍ່ສ້າງ, ຖົມເກາະຫີນຫຼາຍໜ່ວຍໄດ້ ຍົກຂຶ້ນໃນ ຖະແຫຼງການຮ່ວມຂອງກອງປະຊຸມລັດຖະມົນຕີການຕ່າງ ປະເທດ ອາຊຽນ. 
ຕອບຄຳສຳພາດຂອງນັກຂ່າວຫຼັງຈາກສິ້ນສຸດກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີ​ວ່າ​ການກະ​ຊວງ ຕ່າງປະເທດ ຟາມບິ່ງມິນ ໃຫ້ຮູ້ວ່າ: “ທຸກໆ ບັນຫາທີ່ກ່ຽວຂ້ອງ ເຖິງຄວາມສະຫງົບ, ຮັກສາສະ​ຖຽນ​ລະ​ພາບໃນພາກພື້ນ,ໂດຍ​ສະ​ເພາະແມ່ນບັນດາປະເທດ ອາຊຽນ, ບັນດາທ່ານລັດຖະ ມົນຕີ ໄດ້​ໃຫ້​ຄວາມ​ສົນ​ໃຈ ແລະ ເອົາ ໃຈໃສ່ສຸດໃນທຸກກອງ ປະຊຸມ; ໃນນັ້ນ, ບັນ​ຫາທະເລຕາເວັນອອກເປັນໜຶ່ງໃນຈຳ ນວນບັນຫາທີ່ບັນດາທ່ານລັດຖະມົນຕີໃຫ້ຄວາມສົນໃຈ.
 
ບັນຫາຢູ່ທະເລຕາເວັນອອກບໍ່ພຽງແຕ່​ເປັນບັນຫາແກ້ໄຂຂໍ້ຂັດແຍ່ງກ່ຽວກັບອະທິປະໄຕເທົ່ານັ້ນ, ຫາກຍັງກ່ຽວຂ້ອງເຖິງສາຍທາງຄົມມະນາຄົມຂົນສົ່ງທາງທະເລ, ກໍ່ຄືທາງອາກາດ ອີກດ້ວຍ. ເພາະສະນັ້ນ, ມັນບໍ່ພຽງແຕ່ກ່ຽວຂ້ອງເຖິງບັນດາປະເທດໃນພາກພື້ນເທົ່ານັ້ນ, ຫາກຍັງຈະກ່ຽວຂ້ອງເຖິງບັນດາປະເທດຕ່າງໆ ຢູ່ນອກພາກພື້ນອີກດ້ວຍ. ສະພາບການທະເລ ຕາເວັນອອກໃນໄລຍະຜ່ານມາ ເກີດຂຶ້ນຢ່າງສັບສົນ, ພິເສດ ແມ່ນເລື່ອງກໍ່ສ້າງ, ຖົມເກາະຫີນຫຼາຍແຫ່ງຢູ່ທະເລຕາເວັນ ອອກ, ສິ່ງດັ່ງກ່າວ ເຮັດໃຫ້ຫຼາຍປະເທດຮູ້ສຶກ ເປັນຫ່ວງ”.
 

ທ່ານຮອງນາຍົກລັດຖະມົນຕີ, ລັດຖະມົນຕີ​ວ່າ​ການ​ກະ​ຊວງ ການຕ່າງປະເທດ ຟາມບິ່ງມິນ
ແລະ ທ່ານລັດຖະມົນຕີ
ວ່າ​ການ​ກະ​ຊວງການຕ່າງປະເທດ ມາເລເຊຍ Anifah Aman
ທີ່ພິທີໄຂກອງປະຊຸມ AMM 48, ພາບ: ກິມຢຸງ/VNA


ທ່ານຮອງນາຍົກລັດຖະມົນຕີ, ລັດຖະມົນຕີ​ວ່າ​ການ​ກະ​ຊວງ ການຕ່າງປະເທດ ຟາມບິ່ງມິນ,
ທ່ານເລຂາທິການໃຫຍ່ອາ ຊຽນ ເລເລືອງມິນ ແລະ ບັນດາທ່ານຫົວໜ້າຄະນະ
ຖ່າຍ ຮູບຮ່ວມກັນ ທີ່ກອງປະຊຸມໃນວົງແຄບ AMM 48, ພາບ: ກິມຢຸງ/VNA


ທ່ານຮອງນາຍົກລັດຖະມົນຕີ, ລັດຖະມົນຕີວ່າ​ການ​ກະ​ຊວງ
ການຕ່າງປະເທດ ຟາມບິ່ງມິນ ທີ່ກອງປະຊຸມໃນວົງແຄບ AMM 48, ພາບ: ກິມຢຸງ/VNA


ທ່ານຮອງນາຍົກລັດຖະມົນຕີ, ລັດຖະມົນຕີວ່າ​ການ​ກະ​ຊວງ ການຕ່າງປະເທດ ຟາມບິ່ງມິນ,
ທ່ານເລຂາທິການ ໃຫຍ່ ອາຊຽນ ເລເລືອງມິນ ແລະ ບັນດາທ່ານລັດຖະມົນຕີການຕ່າງປະເທດ
ອາຊຽນ-ອີຢູ ທີ່ກອງປະຊຸມ. ພາບ: ຢຸງຢາບ/VNA


ກອງປະຊຸມລັດຖະມົນຕີການຕ່າງປະເທດ ອາຊຽນ+3
( ອາຊຽນ ກັບ ຈີນ, ຍີ່ປຸ່ນ ແລະ ສ.ເກົາຫຼີ) ຄັ້ງທີ 16. ພາບ:
XNA/VNA

ເພາະສະນັ້ນ, ທຸກໆກອງປະຊຸມລັດຖະມົນຕີການຕ່າງປະ ເທດອາຊຽນ, ກອງປະຊຸມລັດຖະມົນຕີ ອາຊຽນ ກັບບັນດາຄູ່ ຮ່ວມມື,  ກອງປະຊຸມລັດຖະມົນຕີຂັ້ນສູງ ອາຊີຕາເວັນອອກ (EAS), ກອງປະຊຸມລັດຖະມົນຕີ ເວທີປາໄສພາກພື້ນອາຊຽນ (ARF), ບັນດາປະເທດໄດ້ສະແດງອອກຄວາມເປັນຫ່ວງ ຕໍ່ ສະພາບການຢູ່ທະເລ ຕາເວັນອອກ.
 
ໃນຖະແຫຼງການຮ່ວມຂອງກອງປະຊຸມລັດຖະມົນຕີ ການ ຕ່າງປະເທດ ອາຊຽນ ຄັ້ງທີ 48, ບັນດາທ່ານລັດຖະມົນຕີໄດ້ສະແດງຄວາມເປັນຫ່ວງເປັນ​ໄຍຕໍ່ບັນດາເຫດການທີ່​ເກີດ ຂຶ້ນໃນໄລຍະຜ່ານມາ ແລະ ກຳລັງ​ເກີດ ຂຶ້ນຢູ່ທະເລຕາເວັນ ອອກ. ນີ້ກໍ່​ເປັນ​ຄັ້ງທຳອິດບັນຫາ ກໍ່ສ້າງ ແລະ ຖົມເກາະຫີນ ຫຼາຍແຫ່ງ​ທີ່​ຖືກຍົກຂຶ້ນໃນຖະແຫຼງການຮ່ວມຂອງກອງປະຊຸມ ລັດຖະມົນຕີການຕ່າງປະເທດ ອາຊຽນ.
 
ບັນດາທ່ານລັດຖະມົນຕີ ກໍ່ເ​ຫນັ້ນໜັກວ່າ ຕ້ອງປະຕິບັດຢ່າງ ເຂັ້​ມງວດຖະແຫຼງການວ່າດ້ວຍການປະພຶດຕໍ່ຂອງຝ່າຍຕ່າງໆຢູ່ທະເລຕາເວັນອອກ (DOC), ພິເສດແມ່ນຂໍ້ທີ 5, ປະຕິບັດການຄວບຄຸມໄວ້ໂດຍຕົນເອງ, ບໍ່ເຮັດໃຫ້ສະພາບການ ຢູ່ທະ ເລຕາ ເວັນອອກສັບສົນຂຶ້ນອີກ.
 
ບັນດາທ່ານລັດຖະມົນຕີ ກໍ່ໄດ້ຢືນຢັນວ່າ ຕ້ອງຊຸກຍູ້ການ ພິຈາລະຈາເພື່ອສຳເລັດການກໍ່ສ້າງປະມວນກົດລະບຽບການປະພຶດຕໍ່ຂອງຝ່າຍຕ່າງໆ ຢູ່ທະເລຕາເວັນອອກໂດຍໄວ,ເພື່ອປະກອບສ່ວນປົກປັກຮັກສາສັນຕິພາບ ແລະ ສະຖຽນ ນະພາບຢູ່ທະເລຕາເວັນອອກ. 
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ