21/01/2018 13:56 GMT+7 Email Print Like 0

ອັດ​ກອງ​ປະ​ຊຸມAPPF 26 ຊຶ່ງ​ໄດ້ອອກຖະແຫຼງການ ຮ່າໂນ້ຍ

ໃນຊຸມວັນເຮັດວຽກ, APPF ເຫັນວ່າຕ້ອງປັບປຸງເພື່ອໃຫ້ແທດເໝາະກັບບັນດາສະພາບການການເມືອງ, ຄວາມໝັ້ນຄົງ ໃນໂລກ ແລະ ພາກພື້ນ ທີ່ຍັງມີຄວາມສັບສົນຫຼາຍຢ່າງ, ຍາກທີ່ຄາດຄະເນໄດ້ລ່ວງໜ້າ.

ທ່ານນາງປະທານສະພາແຫ່ງຊາດ ຫງວຽນທິກິມເງິນ, ປະທານ APPF 

      ພາຍຫຼັງເຮັດວຽກມາເປັນເວລາ 3 ວັນ, ຕອນບ່າຍວັນທີ 20 ມັງກອນ, APPF 26 ໄດ້ອັດລົງຢູ່ ຮ່າໂນ້ຍ, ເອກະສານ 17 ສະບັບ ໄດ້ຮັບການຮັບຮອງເອົາ, ໃນນັ້ນມີມະຕິ 14 ສະບັບກ່ຽວກັບບັນດາເນື້ອໃນສຳຄັນ ແລະ ຖະແຫຼງການຮ່າໂນ້ຍກ່ຽວກັບ “ວິໄສທັດໃໝ່ຂອງການພົວພັນຄູ່ຮ່ວມມືລັດຖະສະພາ ອາຊີ - ປາຊີຟິກ”.

    ໃນຊຸມວັນເຮັດວຽກ, APPF ເຫັນວ່າຕ້ອງປັບປຸງເພື່ອໃຫ້ແທດເໝາະກັບບັນດາສະພາບການການເມືອງ, ຄວາມໝັ້ນຄົງ ໃນໂລກ ແລະ ພາກພື້ນ ທີ່ຍັງມີຄວາມສັບສົນຫຼາຍຢ່າງ, ຍາກທີ່ຄາດຄະເນລ່ວງໜ້າໄດ້. ສັນຕິພາບ, ສະຖຽນລະພາບ ແລະ ຄວາມໝັ້ນຄົງແມ່ນເງື່ອນໄຂຕັດສິນຊີ້ຂາດ, ເປັນພື້ນຖານທີ່ໜັກແໜ້ນໃຫ້ແກ່ການພັດທະນາແບບຍືນຍົງ.

    ທາງດ້ານເສດຖະກິດ ການຄ້າ, APPF ໃຫ້ຄຳໝັ້ນສັນຍາສືບຕໍ່ຊຸກຍູ້ ອາຊີ - ປາຊີຟິກ ເຊື່ອມຕໍ່ ແລະ ຮ່ວມສຳພັນຮອບດ້ານ, ລະບົບການຄ້າຫຼາຍຝ່າຍອີງໃສ່ກົດໝາຍ, ຄວາມເສລີ, ຄວາມຍຸຕິທຳ, ໂປ່ງໃສ ແລະ ກວມລວມ, ເພື່ອຜົນປະໂຫຍດຂອງປະຊາຊົນ.

    ກ່າວຄຳເຫັນທີ່ພິທີອັດ, ທ່ານນາງປະທານສະພາແຫ່ງຊາດ ຫງວຽນທິກິມເງິນ, ປະທານ APPF ຢັ້ງຢືນວ່າ:

    “ພ້ອມກັບບັນໝາກຜົນທີ່ບັນລຸໄດ້ຂອງກອງປະຊຸມຄັ້ງກ່ອນໆ, APPF – 26 ແມ່ນບາດກ້າວສຳຄັນຕໍ່ໄປໃນວິວັດການປະຕິບັດທິດນຳ, ຈຸດປະສົງຂອງເວທີປາໄສ ໄດ້ວາງອອກນັ້ນແມ່ນຖະແຫຼງການ Vancouver ແລະ ຖະແຫຼງການ New Tokyo. ບັນດາມະຕິໄດ້ຮັບຮອງເອົາ, ກໍ່ຄືການປຶກສາຫາລື, ແລກປ່ຽນ ໄດ້ສະແດງໃຫ້ເຫັນບົດບາດສຳຄັນຂອງບັນດາລັດຖະສະພາໃນການເຂົ້າຮ່ວມໃນວິວັດທະນາການປະຕິບັດບັນດາຄຳໝັ້ນສັນຍາສາກົນ ເພື່ອຮັບປະກັນສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ການພັດທະນາແບບຍືນຍົງ, ເພື່ອຜົນປະໂຫຍດຂອງປະຊາຊົນໃນພາກພື້ນ ອາຊີ - ປາຊີຟິກ. ”

     ຖັດຈາກຫວຽດນາມ, ສະພາແຫ່ງຊາດ ກຳປູເຈຍ ຈະເປັນເຈົ້າພາບຈັດຕັ້ງ  APPF -27 (ເດືອນ ມັງກອນ 2019).

ແຫຼ່ງຄັດຈາກ VOV