11/01/2019 10:23 GMT+7 Email Print Like 0

ອັດກອງປະຊຸມຄັ້ງທີ 30 ຂອງຄະນະປະຈໍາສະພາແຫ່ງຊາດຫວຽດນາມ

      ຕອນບ່າຍວັນທີ 10 ມັງກອນ, ຢູ່ສໍານັກງານສະພາແຫ່ງຊາດຫວຽດນາມ, ພາຍໃຕ້ການເປັນປະທານຂອງທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ, ຄະນະປະຈໍາສະພາແຫ່ງຊາດ ໄດ້ອັດກອງປະຊຸມຄັ້ງທີ 30 ຂອງຄະນະປະຈໍາສະພາແຫ່ງຊາດ. 

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ກ່າວຄໍາເຫັນອັດກອງປະຊຸມ (ພາບ:quochoi.vn) 
      ກ່າວຄໍາເຫັນອັດກອງປະຊຸມ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໃຫ້ຮູ້ວ່າ ພາຍຫຼັງການເຮັດວຽກມາເປັນເວລາ 1 ວັນ, ຄະນະປະຈໍາສະພາແຫ່ງຊາດ ໄດ້ປະຕິບັດສໍາເລັດລາຍການຂອງກອງປະຊຸມຄັ້ງທີ 30. ນີ້ແມ່ນກອງປະຊຸມທໍາອິດ ເພື່ອຜັນຂະຫຍາຍລາຍການວຽກງານປີ 2019 ຂອງຄະນະປະຈໍາສະພາແຫ່ງຊາດ. ທ່ານນາງປະທານສະພາແຫ່ງຊາດ ສະເໜີ ລັດຖະບານ, ບັນດາກະຊວງ, ຂະແໜງການ, ຕັ້ງໜ້າສົມທົບກັບຄະນະປະຈໍາສະພາແຫ່ງຊາດຜັນຂະຫຍາຍບັນດາວຽກງານຕາມແຜນການຢ່່າງຮີບດ່ວນ.
        ແລະກໍໃນວັນດຽວກັນ, ຄະນະປະຈໍາສະພາແຫ່ງຊາດ ໄດ້ພິຈາລະນາ, ລົງຄະແນນສຽງ ຮັບຮອງເອົາເລື່ອງດັດປັບເຂດແດນປົກຄອງ 2 ຕາແສງ ຂອງ ແຂວງດົ່ງທ໊າບ; ເລື່ອງໂຮມຫົວໜ່ວຍບໍລິຫານຂັ້ນຕາແສງເຂົ້າກັນ, ສ້າງຕັ້ງບັນດາເມືອງ ຂຶ້ນກັບເທດສະບານ ຈີ໊ລິງ ແລະ ສ້າງຕັ້ງນະຄອນ ຈີ໊ລິງ ຂຶ້ນກັບແຂວງ ຫາຍເຢືອງ.
 (ແຫຼ່ງຄັດຈາກ VOV)