23/09/2017 13:23 GMT+7 Email Print Like 0

ອັດກອງປະຊຸມບັນດາເຈົ້າໜ້າທີ່ອາວຸໂສ APEC ກ່ຽວກັບການຄຸ້ມຄອງໄພທຳມະຊາດ

      ຕອນເຊົ້າວັນທີ 22 ກັນຍາ, ໃນມື້ເຮັດວຽກທີ 2 ຂອງກອງປະຊຸມບັນດາເຈົ້າໜ້າທີ່ອາວຸໂສກ່ຽວກັບການຄຸ້ມຄອງໄພທຳມະຊາດຄັ້ງທີ 11 ຖືກດຳເນີນຢູ່ນະຄອນວິງ, ແຂວງ ເງະອານ

ກອງປະຊຸມບັນດາເຈົ້າໜ້າທີ່ອາວຸໂສກ່ຽວກັບການຄຸ້ມຄອງໄພທຳມະຊາດຄັ້ງທີ 11
ຖືກດຳເນີນຢູ່ນະຄອນວິງ, ແຂວງ ເງະອານ
(ພາບ: TTXVN)
      ຜູ້ຕາງໜ້າບັນດາພື້ນຖານເສດຖະກິດ APEC ພ້ອມກັນແບ່ງປັນຂໍ້ມູນຂ່າວກ່ຽວກັບການພັດທະນາລະບົບໂຄງລ່າງເຕັກໂນໂລຊີຂໍ້ມູນຂ່າວສານ ແລະ ນຳໃຊ້ບັນດາການປ່ຽນໃໝ່ດ້ານວິທະຍາສາດ, ເຕັກໂນໂລຊີເພື່ອຮັບມືກັບສະພາບໄພທຳມະຊາດນັບມື້ນັບສັບສົນ, ບໍ່ສາມາດຄາດຄະເນລ່ວງໜ້າໄດ້. ທ່ານ ເຈີ່ນແທງຮ່ວາຍ, ຫົວໜ້າກົມປ້ອງກັນ, ຕ້ານໄພທຳມະຊາດ, ກະຊວງກະສິກຳ ແລະ ພັດທະນາຊົນນະບົດ, ແບ່ງປັນວ່າ.
        “ໃນໄລຍະມໍ່ໆມານີ້, ສື່ສານຂອງພວກເຮົາໄດ້ຂະຫຍາຍຢ່າງແຮງ ເຖິງປະຊາຄົມຢູ່ເຂດຫ່າງໄກ່ຊອກຫຼິກ. ພວກເຮົາພວມນຳໃຊ້ບັນດາເຕັກໂນໂລຊີເພື່ອຫຼຸດຜ່ອນຄວາມສ່ຽງຈາກໄພທຳມະຊາດຄື ສະໜອງຂໍ້ມູນຂ່າວຜ່ານລະບົບເຄື່ອນຂ່າຍຕ່າງໆ. ກົມໃຫຍ່ພວມພິຈາລະນາເລື່ອງນຳໃຊ້ສ່ືສັງຄົມຄື Facebook ແລະ ບັນດາເຄືອຂ່າຍອື່ນ ເພື່ອເຮັດແນວໃດສົ່ງຂໍ້ມູນຂ່າວເຖິງປະຊາຊົນໄວທີ່ສຸດ, ກໍຄືຮັບເອົາຂໍ້ມູນຂ່າວຈາກປະຊາຊົນທີ່ສົ່ງເຖິງບັນດາອົງການສູນກາງ ແລະ ບັນດາອົງການປ້ອງກັນ, ຕານໄພທຳມະຊາດຢູ່ທ້ອງຖິ່ນຕ່າງໆ ເພື່ອ ກຳແໜ້ນສະພາບຂອງປະຊາຊົນຢູ່ບັນດາເຂດຕ້ອງໄດ້ຮັບການໜູນຊ່ວຍ ເມື່ອເກີດໄພທຳມະຊາດແຕ່ລະຄັ້ງ”.
        ໃນວາລະອັດກອງປະຊຸມຕອນເຊົ້າວັນທີ 22 ກັນຍາ, ບັນດາຜູ້ແທນໄດ້ເຫັນດີເປັນເອກະພາບນຳກັນຕໍ່ເອກະສານ “ຂໍ້ສະເໜີລວມ” ຝາກເຖິງການນຳບັນດາພື້ນຖານເສດຖະກິດ APEC ເພື່ອເອົາໃຈໃສ່, ຊຸກຍູ້ບັນດາການເຄື່ອນໄຫວເພີ່ມທະວີການຮ່ວມມືພັດທະນາ ແລະ ປ່ຽນໃໝ່ເຕັກໂນໂລຊີທີ່ກ້າວໜ້າ, ໜູນຊ່ວຍວຽກງານປ້ອງກັນ, ຕ້ານໄພທຳມະຊາດລະຫວ່າງເຂດຢູ່ບັນດາພື້ນຖານເສດຖະກິດ APEC ຢ່າງມີປະສິດທິຜົນ.
(ແຫຼ່ງຄັດຈາກ VOV)