22/06/2016 00:01 GMT+7 Email Print Like 0

ຫໍພິພິດທະພັນທຳມະຊາດແຫ່ງທຳອິດຂອງ ຫວຽດນາມ

ບັນດາວັດຖຸພັນນັບເປັນພັນໆອັນທີ່ເປັນເອກະລັກສະເພາະ, ສະທ້ອນໃຫ້ເຫັນການກໍາເນີດຂອງສິ່ງມີຊີວິດໄດ້ຖືກຈັດວາງສະແດງລົງເທິງເນື້ອທີ່ປະມານ 300 ຕາລາງແມັດ, ຫໍພິພິດທະພັນ ທຳມະຊາດ ຫວຽດນາມຕັ້ງຢູ່ເຮືອນເລກທີ 18A, ຖະໜົນ ຮວ່າງກວກວຽດ, ເມືອງ ເກົ່າເຢີຍ, ຮ່າໂນ້ຍພາຍຫຼັງເປີດການເຄື່ອນໄຫວມາເປັນເວລາໜຶ່ງປີກວ່າສາມາດດຶງດູດຜູ້ຄົນເຂົ້າຢ້ຽມຊົມໄດ້ຫລາຍກວ່າ 50 ພັນເທື່ອຄົນ. 
ນອນໃນບໍລິເວນຂອງສະຖາບັນນວິທະຍາສາດ ແລະ ເຕັກໂນໂລຊີ ຫວຽດນາມ, ຫໍພິພິດທະພັນທຳມະຊາດ ຫວຽດນາມ ​ເປີດ​ບໍລິການ​ຮັບ​ໃຊ້​ຜູ້​ມາ​ທ່ຽວ​ຊົມ​ໂດຍ​ບໍ່​ເສຍ​ຄ່າ​ຕັ້ງ​ແຕ່​ວັນ​ພະຫັດ​ເຖິງ​ວັນ​ອາທິດ​ຂອງ​ທຸກ​ອາທິດ ​ແລະ​ສະຖານ​ທີ່​ແຫ່ງ​ນີ້​ປະຈຸ​ບັນ​ກໍ່​ເປັນ​ຈຸດ​ໜຶ່ງ​ທີ່​ເປັນ​ໜ້າ​ປະ​ທັບ​ໃຈ​ສໍາລັບ​​ແຂກ​ພາຍ​ໃນ ​ແລະ ຕ່າງປະ​ເທດ​ ເມື່ອ​ມາ​ຢ້ຽມຢາມ​ນະຄອນຫລວງ​ ຮ່າ​ໂນ່ຍ.

ປະ​ທັບ​ໃຈ​ຢ່າງ​ແຮງ​ສໍາລັບ​ນັກ​ທ່ອງ​ທ່ຽວ​ແມ່ນ​ຮູບຈໍາລອງໄດໂນເສົາ (Dinosaur) ພ້ອມກັບປ້າຍປາໂນທີ່​ປະຈັກຕາຢູ່ທາງເຂົ້າຂອງຫໍພິພິດທະພັນ. ຖັດໄປແມ່ນເຂດວາງສະແດງ​ພາຍ​ໃຕ້​ຫົວ​ຂໍ້​ຕ່າງໆ ຊຶ່ງ​ປະກອບ​ມີບັນດາວັດຖຸ​ພັນຕົວ​ຈິງ ​ແລະ​ ຮູບ ຈໍາລອງຖືກສັບ​ຊ້ອນ ຈັດ​ວາງຢ່າງ​ມີ​ວິທະຍາສາດ ແລະ ​ແບບ​ມືອາຊີບ.  ພ້ອມໆ​ກັບກະດານແນະນຳຂໍ້ມູນຂ່າວສານ, ນັກທ່ອງທ່ຽວເມື່ອມາທີ່ນີ້ ຍັງສາມາດຊອກຫາຂໍ້ມູນເພີ່ມເຕີມຈາກວີດີໂອທີ່ໄດ້ສາຍກັບທີ່.  

ຫໍພິພິດທະພັນທຳມະຊາດ ຫວຽດນາມ ເປັນສະຖານທີ່ ປະທັບໃຈສໍາລັບນັກທ່ອງທ່ຽວໂດຍສະເພາະແມ່ນ 
ນັກຮຽນຂອງໂຮງຮຽນຕ່າງໆ ມາຢ້ຽມຢາມນັບເປັນຈຳນວນຫຼວງຫຼາຍ. 



ການຈັດວາງບັນດາວັດຖຸພັນທີ່ ຫໍພິພິດທະພັນແບບມີວິທະຍາສາດ ແລະ ແບບມືອາຊີບ 
ເຮັດໃຫ້ແຂກມີຄວາມນິຍົມຊົມຊອບໂດຍສະເພາະແມ່ນເດັກນ້ອຍ.
 



ມູມໜຶ່ງແນະນຳເຖິງຂະບວນວິວັດທະນາການແຫ່ງການຈະເລີນກ້າວໜ້າຂອງ ມະນຸດ. 


ພື້ນທີບ່ອນວາງສະແດງບັນດາວັດຖຸພັນຂອງ
ຫໍພິພິດທະພັນໄດ້ສ້າງບັນຍາກາດທີ່ໃກ້ຊິດໃຫ້ແກ່ທ່ານຜູ້ຊົມ. 

ຢູ່ໃນຫ້ອງແນະນຳ “ປະຫວັດສາດແຫ່ງການຈະເລີນກ້າວໜ້າຂອງໜ່ວຍໂລກ”, ທາງຫໍພິພິດທະພັນໄດ້ຈັດ​ວາງ​ພື້ນ​ທີ່​ສ່ວນ​ໃຫຍ່​ໄວ້​ເພື່ອ​ວາງສະ​ແດງ​ກ່ຽວ​ກັບ​ການ​ມີ​ຫລາຍ​ຮູບ​ຫລາຍ​ສີຂອງໂລກຊີວະສັດ. ພື້ນ​ທີ່​ນີ້ອາດຈະ​ເວົ້າ​ໄດ້​ວ່າ​ເປັນ​ພື້ນ​ທີ່​ທີ່ໜ້າຈັບໃຈທີ່ສຸດສໍາລັບນັກທ່ອງທ່ຽວ ​ເພາະມີນັບ​ພັນໆ​​ວັດຖຸ​ພັນຕົວ​ຈິງ ​ແລະຮູບ​ຈໍາລອງຂອງ​ສັດ ​ແລະ​ພືດ​ນັບ​ແຕ່ສັດບູຮານກາຍເປັນຫີນຈົນ ເຖິງພັນໆ​ຊະນິດໄມ້, ແມງໄມ້ ແລະ ສັດທົ່ວໄປ.  
 
ຊຸດສະສົມ ຂອງຫໍພິພິດທະພັນ ທຳມະຊາດ ຫວຽດນາມ ມີຫລາຍກວ່າ 40.000 ວັດຖຸພັນ . ໃນນັ້ນ, ມີ 400 ກວ່າວັດຖຸ​ພັນ​ກ່ຽວ​ກັບສັດ,  4.000 ກວ່າກ່ຽວ​ກັບ​ສັດ​ເລືອ​ຄານກົບແລະ ຂຽດ, 400 ກວ່າກ່ຽວ​ກັບປາ , 300 ກວ່າກ່ຽວກັບຫອຍ, 2.000 ກວ່າກ່ຽວ​ກັບສັດບູຮານ, 20.000 ກວ່າ​ກ່ຽວກັບແມງໄມ້ ແລະ 10.000 ກວ່າ​ພື​ດໄມ້.​ ໃນຈໍ​ນວນ​ວັດຖຸ​ພັນ​ຂອງຊຸດສະສົມນັ້ນ ມີ 50 ວັດຖຸ​ພັນຄົບມາດຕະຖານແລະ ຮ່ວມມາດຕະຖານດຽວກັນ;  ວັດຖຸພັນຈຳນວນໜຶ່ງ​ເປັນ​ວັດຖຸ​ພັນ​ໂທນ ຫຼື ຫາຍາກຂອງ ຫວຽດນາມ.

ກົບວັດຖຸພັນຕົວຈິງ ທີ່ຮວບຮວມມາໄດ້ຈາກແຂວງ ຮ່ານາມ ໄດ້ວາງສະແດງ ຢູ່ຫໍພິພິດທະພັນ. 


ປາ ມັດຈັງ (Ocean sunfish), ໜຶ່ງໃນບັນດາວັດຖຸ​ພັນ
ຕົວຈິງ ກ່ຽວກັບສັດທະເລທີ່ໄດ້ວາງສະແດງຢູ່ຫໍພິພິດທະພັນ. 



ວັດຖຸພັນຕົວຈິງເສືອ ອິນດູຈີນ.


ຕົວຢາງສັດຈຳນວນໜຶ່ງຢູ່ຫວຽດນາມ.


ງູຈົງອາງ (King cobra) ວັດຖຸພັນຕົວຈິງໄດ້ວາງສະແດງທີ່ຫໍພິພິດທະພັນ.




ວັດຖຸພັນຊາດໄມ້ກາຍເປັນຫີນ ທີ່ຫໍພິພິດທະພັນ. 


ເຂດວາງສະແດງສັດກາຍເປັນຫີນທີ່ຫໍພິພິດທະພັນ.

ຫໍພິພິດທະພັນທຳມະຊາດ ຫວຽດນາມ ເປັນບ່ອນທີ່ນຳ​ເອົາ​ສິ່ງ​ໃໝ່ໆ​ ແປກໆ ​ແລະ ປະ​ທັບ​ໃຈ​ມາ​ໃຫ້​ແກ່​ນ້ອງໆ ​ນັກຮຽນ. ພວກ​ນ້ອງນັກຮຽນຫຼາຍຄົນ​ເປັນເທື່ອທຳອິດທີ່ໄດ້ມາຊົມໄດ້​ເຫັນ​ຕົວ​ຈິງ​ບັນດາ​ວັດຖຸ​ພັນ​ທີ່​ມີ​ຊີວິດ​ຊີວາ​ຂອງ​ໂລກທໍາ​ມະ​ຊາດໂດຍ​ແມ່ນ​ພະນັກງານຜູ້​ທີ່​ເຮັດ​ວຽກຢູ່​ທີ່​ນີ້ ​ເປັນ​ຜູ້​ຮວບ​ຮວມ. ກິດຈະ​ກໍາສຶກສາ​ຢູ່ນອກ​ຫ້ອງ​ຮຽນ​​ແບບປະຈັກ​ຕາ​ໂດຍ​ກົງ ​ແລະ​ ປະ​ທັບ​ໃຈ​ແບບ​ນີ້ ​ໄດ້ຊ່ວຍເຮັດໃຫ້ພວກນ້ອງນັກຮຽນມີຄວາມຮູ້ເພີ່ມເຕີມ, ຊ່ວຍເຮັດໃຫ້ບົດຮຽນທີ່​ແຫ້ງ​ແລ້ງຢູ່ໃນປື້ມກາຍເປັນມີຊີວິດຊີວາ ແລະ ຈື່ຈໍາໄດ້ງ່າຍກວ່າ. ຕາມບັນດາພະນັກງານຢູ່ທີ່ນີ້​ໃຫ້​ຮູ່ວ່າ, ​ເນື່ອງ​ຈາກ​ເຫັນໄດ້ຄວາມໝາຍ ແລະ ຄຸນປະໂຫຍດຂອງການເຄື່ອນໄຫວນອກ​ຫ້ອງ​ຮຽນແບບນີ້ ຢູ່ທີ່ຫໍພິພິດທະພັນ, ​ໄດ້ມີໂຮງຮຽນຫຼາຍໆແຫ່ງນັບແຕ່ຊັ້ນອານຸຊົນຈົນ​ເຖິງ ຊັ້ນຮຽນທີ່ສູງກວ່າ ມາລົງທະບຽນເພື່ອໃຫ້ນັກຮຽນຂອງຕົນໄດ້ມາ ຢ້ຽມຢາມຢ່າງ​ເປັນ​ປະ​ຈໍາ.
 
ເຖິງວ່າ ຜ່ານ​ມາ​ຈະປະສົບຄວາມຫຍຸ້ງຍາກຫຼາຍປະການໃນການເກັບກໍາທ້ອນໂຮມວັດຖຸພັນທີ່ລຳ້ຄ່າຈາກທຳມະຊາດໂດຍ​ສະ​ເພາະແມ່ນ​ວັດຖຸ​ພັນ​ທີ່​ເປັນ​ປະ​ເພດສັດໃຫຍ່ທີ່ເກືອບຈະສູນພັນ​ແລ້ວ, ແຕ່ບັນດາ ພະນັກງານຢູ່ທ່ີນີ້ກໍ່​ບໍ່​ໄດ້​ລົດ​ລະ​ຄວາມ​ພະຍາຍາມ ແລະ ​ໄດ້ໄປຊອກຫາມາຈາກຫຼາຍ​ແຫ​ລ່ງທີ່ແຕກຕ່າງກັນ, ຮັບຈາກຜູ້ມີຈິດໃຈ​ໃສ​ສັດທາມອບໃຫ້ ​ແລະ​ອື່ນໆ​ເພື່ອຕອບສະໜອງໃຫ້ແກ່ຄວາມຮຽກຮ້ອງຕ້ອງການນັບມື້ນັບສູງຂຶ້ນຂອງຜູ້ມາທ່ຽວຊົມ. ນັ້ນແມ່ນຄວາມມານະພະຍາຍາມທີ່​ໜ້າ​ຍົກຍ້ອງ ຂອງບັນດາພະນັກງານເຮັດວຽກຢູ່ຫໍພິພິດທະພັນແຫ່ງນີ້ ຊຶ່ງນໍາ​ມາ​ຜົນສໍາ​ເລັດ​ເບື້ອງ​ຕົ້ນ​ຢ່າງເຫັນ​ໄດ້ຊັດດ້ວຍຈຳນວນແຂກຄົນເຂົ້າມາ ຢ້ຽມຊົມນັບມື້ນັບຫລາຍຂຶ້ນ, ເປັນ​ການຍາກທີ່ຈະເຫັນສິ່ງດັ່ງກ່າວ ຢູ່ຫໍພິພິດທະພັນອື່ນໆຢູ່ ຮ່າໂນ້ຍ.
ບົດ ແລະ ພາບ: ຫວຽດເກື່ອງ

ບັນດາບົດທີ່ຖືກນຳສະເໜີ