26/02/2018 09:49 GMT+7 Email Print Like 0

ຫຼາຍທ້ອງຖິ່ນປຸກລະດົມ “ບຸນປີໃໝ່ປູກຕົ້ນໄມ້ປີ 2018” ເພື່ອປົກປັກຮັກສາສິ່ງແວດລ້ອມ

ຕອນເຊົ້າວັນທີ 25 ກຸມພາ, ຄະນະຊາວໜຸ່ມນະຄອນດ່ານັ້ງ ໄດ້ຈັດພິທີປຸກລະດົມການ “ບຸນປີໃໝ່ປູກຕົ້ນໄມ້ປີ 2018”, ອັນໄດ້ດຶງດູດສະມາຊິກຄະນະຊາວໜຸ່ມ 1.500 ກວ່າຄົນເຂົ້າຮ່ວມ.

(ຫຼາຍທ້ອງຖິ່ນປຸກລະດົມ “ບຸນປີໃໝ່ປູກຕົ້ນໄມ້ປີ 2018” ເພື່ອປົກປັກຮັກສາສິ່ງແວດລ້ອມ)

ພາຍຫຼັງພິທີເລີ່ມປູກຕົ້ນໄມ້, ບັນດາສະມາຊິກຊາວໜຸ່ມ ໄດ້ເຂົ້າຮ່ວມການປູກຕົ້ນແປກຢູ່ລຽບຕາມແຄມທະເລອ່າວດ່ານັ້ງ ໃນຖະໜົນ ຫງວຽນເຕີດແທ່ງ. ອ້າຍ ຫງວຽນຢຸຍມິງ, ເລຂາຄະນະຊາວໜຸ່ມນະຄອນດ່ານັ້ງ, ໃຫ້ຮູ້ວ່າ.

        “ພິທີປຸກລະດົມການປູກຕົ້ນໄມ້ລະດູບານໃໝ່ປີຈໍ 2018 ໄດ້ປະກອບສ່ວນຍົກສູງຄວາມຮັບຮູ້ຂອງບັນດາເພື່ອນສະມາຊິກຄະນະຊາວໜຸ່ມໃນບັນຫາປົກປັກຮັກສາສິ່ງແວດລ້ອມ ເພື່ອໃຫ້ເຂດຕົວເມືອງຂອງດ່ານັ້ງ ນັບມື້ນັບຂຽວ, ສະອາດກວ່າ.”

        ແລະກໍ່ໃນວັນດຽວກັນ, ຢູ່ເຂດສຸສານ ກິງເຢືອງເວືອງ, ເມືອງທ້ວນແທ່ງ, ແຂວງບັ໋ກນິງ, ກະຊວງຊັບພະນາກອນ ແລະ ສິ່ງແວດລ້ອມ, ສູນກາງສະມາຄົມຊາວກະສິກອນຫວຽດນາມ ແຂວງບັ໋ກນິງ, ໄດ້ສົມທົບກັນຈັດການເຄື່ອນໄຫວ “ບຸນປີໃໝ່ປູກຕົ້ນໄມ້ຈົດຈຳບຸນຄຸນຂອງປະທານໂຮ່ຈິມິນ ຕະຫຼອດໄປ” ໃນໂອກາດລະດູບານໃໝ່ປີຈໍ 2018 ເຊັ່ນດຽວກັນ.

(ແຫຼ່ງຄັດຈາກ VOV)