30/06/2018 07:55 GMT+7 Email Print Like 0

ຫົວໜ້າເສນາທິການໃຫຍ່ກອງທັບປະຊາຊົນຫວຽດນາມຕ້ອນຮັບຜູ້ບັນຊາການກອງທັບເຮືອມາເລເຊຍ

      ຕອນບ່າຍວັນທີ 28 ມິຖຸນາ, ຢູ່ຮ່າໂນ້ຍ, ພົນໂທ ຟານວັນຢາງ, ຫົວໜ້າເສນາທິການໃຫຍ່ກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໃຫ້ການຕ້ອນຮັບພົນເຮືອເອກ TanSri Ahmao Kamarul Zaman Bin Hai Ahmad Badaruddin, ຜູ້ບັນຊາການກອງທັບເຮືອມາເລເຊຍ ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ.

ຫົວໜ້າເສນາທິການໃຫຍ່ກອງທັບປະຊາຊົນຫວຽດນາມຕ້ອນຮັບຜູ້ບັນຊາການກອງທັບເຮືອມາເລເຊຍ
(ພາບ: qdnd.vn)
      ທີ່ການຕ້ອນຮັບ, ພົນໂທ ຟານວັນຢາງ ຕີລາຄາສູງການຮ່ວມມືລະຫວ່າງກອງທັບເຮືອ 2 ປະເທດໃນໄລຍະຜ່ານມາ; ຢືນຢັນວ່າ, ການພົວພັນດ້ານປ້ອງກັນຊາດ ລະຫວ່າງ 2 ປະເທດ ມີບາດກ້າວພັດທະນາໃໝ່, ບັນລຸປະສິດທິຜົນຢ່າງແທດຈິງ. ເລື່ອງກ່ຳປັ່ນກອງທັບເຮືອ 2 ປະເທດ ຈັດຕັ້ງບັນດາການຢ້ຽມຢາມເຊິ່ງກັນ ແລະ ກັນ ໄດ້ປະກອບສ່ວນເພີ່ມທະວີການຮ່ວມມືລະຫວ່າງກອງທັບເຮືອປະຊາຊົນຫວຽດນາມ ແລະ ກອງທັບເຮືອມາເລເຊຍ ໃຫ້ນັບມື້ນັບພັດທະນາຢ່າງດີງາມ.
      ສ່ວນພົນເຮືອເອກ Ahmad Badaruddin ເຊື່ອໝັ້ນວ່າ, ດ້ວຍບັນດາຜົນງານທີ່ບັນລຸໄດ້ໃນໄລຍະຜ່ານມາ, ການຮ່ວມມືລະຫວ່າງກອງທັບເຮືອ 2 ປະເທດຈະມີບັນດາບາດກ້າວພັດທະນາໃໝ່, ປະກອບສ່ວນຢ່າງຕັ້ງໜ້າເຂົ້າໃນການຮ່ວມມືດ້ານປ້ອງກັນຊາດລະຫວ່າງ 2 ປະເທດໃຫ້ນັບມື້ນັບເຂົ້າສູ່ລວງເລິກ, ມີປະສິດທິຜົນ.
 (ແຫຼ່ງຄັດຈາກ VOV)