20/04/2018 10:05 GMT+7 Email Print Like 0

ຫົວໜ້າຄະນະເສດຖະກິດສູນກາງພັກກອມມູນິດ ຫວຽດນາມພົບປະກັບທ່ານເລຂາຄະນະພັກນະຄອນ ຊຽງໄຮ

      ໃນການຢ້ຽມຢາມ ແລະ ເຮັດວຽກຢູ່ ຈີນ, ຕອນບ່າຍວັນທີ 18 ເມສາ, ທ່ານ ຫງວຽນວັນບີງ ເລຂາສູນກາງພັກ, ຫົວໜ້າຄະນະເສດຖະກິດສູນກາງພັກ, ນຳໜ້າຄະນະຜູ້ແທນພັກກອມມູນິດ ຫວຽດນາມ ໄປຢ້ຽມຢາມນະຄອນ ຊຽງໄຮ້ ແລະ ມີການພົບປະກັບທ່ານ ຫຼີຊຽງ ເລຂາຄະນະພັກນະຄອນ ຊຽງໄຮ້

ທ່ານ ຫງວຽນວັນບີງ ມີການພົບປະກັບທ່ານ ຫຼີຊຽງ ເລຂາຄະນະພັກນະຄອນ ຊຽງໄຮ້ 
      ທີ່ການພົບປະ, ທ່ານເລຂາຄະນະພັກນະຄອນ ຊຽງໄຮ້ ຫຼີຊຽງ ໄດ້ແນະນຳກ່ຽວກັບສະພາບການພັດທະນາເສດຖະກິດ - ສັງຄົມ, ພິເສດ ແມ່ນບັນດາບົດຮຽນປະຕິຮູບເປີດປະຕູຂອງນະຄອນ ແລະ ກ່ຽວກັບການພົວພັນຮ່ວມມືລະຫວ່າງ ຊຽງໄຮ້ ກັບ ຫວຽດນາມ ໃນໄລຍະຜ່ານມາ.
        ສ່ວນທ່ານ ຫົວໜ້າຄະນະເສດຖະກິດສູນກາງພັກ ຫງວຽນວັນບີງ ສະເໜີວ່າ ນະຄອນ ຊຽງໄຮ້ ເພີ່ມທະວີການຮ່ວມມືກັບບັນດາທ້ອງຖິ່ນຂອງ ຫວຽດນາມ, ຍົກສູງປະສິດທິຜົນແຫ່ງການຮ່ວມມືຢ່າງແທດຈິງໃນບັນດາຂົງເຂດຄື: ເສດຖະກິດ - ການຄ້າ, ການທ່ອງທ່ຽວ, ວັດທະນະທຳ, ເປີດກ້ວາງການພົວພັນແລກປ່ຽນປະຊາຊົນ; ແລະ ສະແດງໃຫ້ເຫັນຄວາມຊົມເຊີຍບັນດາວິສາຫະກິດໃຫຍ່, ມີອິດທິພົນຊື່ສຽງຂອງ ຊຽງໄຮ້ ໄປຍັງ ຫວຽດນາມ ລົງທຶນເຂົ້າບັນດາໂຄງການທີ່ມີຂອບຂະໜາດໃຫຍ່, ນຳໃຊ້ເຕັກໂນໂລຢີສູງ, ເໝາະສົມກັບຄວາມຕ້ອງການພັດທະນາແບບຍືນຍົງຂອງ ຫວຽດນາມ.
 (ແຫຼ່ງຄັດຈາກ VOV)