23/11/2017 09:39 GMT+7 Email Print Like 0

ຫົວໜ້າຄະນະພົວພັນຕ່າງປະເທດສູນກາງຕ້ອນຮັບຄະນະຜູ້ແທນສະຫະພັນກຳມະບານໂອຕາລິດ

      ວັນທີ 21 ພະຈິກ, ຢູ່ຮ່າໂນ້ຍ, ທ່ານ ຮ່ວາງບິ່ງກວນ, ຫົວໜ້າຄະນະພົບພັນຕ່າງປະເທດສູນກາງ ໄດ້ໃຫ້ການຕ້ອນຮັບທ່ານປະທານສະຫະພັນກຳມະບານໂອຕາລິດ Erich Foglar, ກຳມະການກົມການເມືອງພັກປະຊາທິປະໄຕສັງຄົມໂອຕາລິດ (SPO), ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ ຕາມຄຳເຊີນຂອງສະຫະພັນໃຫຍ່ແຮງງານຫວຽດນາມ.
 
ຫົວໜ້າຄະນະພົວພັນຕ່າງປະເທດສູນກາງຕ້ອນຮັບຄະນະຜູ້ແທນສະຫະພັນກຳມະບານໂອຕາລິດ

(ພາບ: TTXVN)
      ທີ່ການຕ້ອນຮັບ, ທ່ານ ຮ່ວາງບິ່ງກວນ ຢືນຢັນວ່າ, ການນຳພັກ, ລັດຫວຽດນາມ ຍາມໃດກໍ່ເອົາໃຈໃສ່, ສ້າງເງື່ອນໄຂໃຫ້ແກ່ການເຄື່ອນໄຫວຂອງສະຫະພັນໃຫຍ່ແຮງງານຫວຽດນາມ. ທ່ານຮ່ວາງບິ່ງກວມ ກໍ່ເນັ້ນໜັກວ່າ, ພັກກອມມູນິດຫວຽດນາມ ປາດຖະໜາຢາກເພີ່ມທະວີການພົວພັນຮ່ວມມືກັບພັກປະຊາທິປະໄຕສັງຄົມໂອຕາລິດ, ຖືນັ້ນແມ່ນພື້ນຖານດ້ານການເມືອງໃຫ້ແກ່ບັນດາການພົວພັນ 2 ຝ່າຍໃນຫຼາຍຂົງເຂດລະຫວ່າງ 2 ປະເທດ.
        ສ່ວນທ່ານ Erich Foglar ປາດຖະໜາວ່າ, ພັກກອມມູນິດຫວຽດນາມ ແລະ SPO ເພີ່ມທະວີການເຈລະຈາ, ແລກປ່ຽນຂໍ້ມູນຂ່າວສານເພື່ອຊຸກຍູ້ການພົວພັນຮ່ວມມື, ພ້ອມທັງຢືນຢັນວ່າ ຈະຜັນຂະຫຍາຍບັນດາມາດຕະການ ແລະ ວີທີການໃຫ້ເໝາະສົມເພື່ອໃຫ້ການພົວພັນລະຫວ່າງ 2 ພັກ, 2 ອົງການກຳມະບານ ນັບມື້ນັບແທດຈິງ, ປະກອບສ່ວນເພີ່ມທະວີການພົວພັນລະຫວ່າງຫວຽດນາມ ແລະ ໂອຕາລິດ.
        ແລະຕອນບ່າຍວັນດຽວກັນ, ຢູ່ຮ່າໂນ້ຍ, ທ່ານປະທານສະຫະພັນໃຫຍ່ແຮງງານຫວຽດນາມ ບຸຍວັນເກື່ອງ ໄດ້ມີການເຮັດວຽກກັບສະຫະພັນກຳມະບານໂອຕາລິດ ເຊັ່ນດຽວກັນ. ທີ່ການເຮັດວຽກ, 2 ຝ່າຍໄດ້ແບ່ງປັນບົດຮຽນໃນການເຄື່ອນໄຫວກຳມະບານຂອງແຕ່ລະປະເທດ; ແລກປ່ຽນ, ແບ່ງປັນ, ໜູນຊ່ວຍໃຫ້ແກ່ການເຄື່ອນໄຫວຂອງອົງການຈັດຕັ້ງກຳມະບານແຕ່ລະຝ່າຍ, ຜ່ານນັ້ນປະກອບສ່ວນຊຸກຍູ້ການປົກປ້ອງສິດ, ຜົນປະໂຫຍດອັນຊອບທຳຂອງຜູ້ອອກແຮງງານ, ປັບປຸງເງື່ອນໄຂ, ສະພາບແວດລ້ອມແຫ່ງການເຮັດວຽກ, ມຸ່ງໄປເຖິງເປົ້າໝາຍເຮັດວຽກຢ່າງສົມເຫດສົມຜົນໃຫ້ແກ່ຜູ້ອອກແຮງງານທຸກໆຄົນ.
 (ແຫຼ່ງຄັດຈາກ VOV)