02/06/2021 08:32 GMT+7 Email Print Like 0

ຫວຽດ​ນາມ​​ປາດ​ຖະ​ໜາ​ຢາກ​ສືບ​ຕໍ່​ໄດ້​ຮັບ​ການ​ໜູນ​ຊ່ວຍ​ສຳ​ຜັດ​ ແລະ ສະ​ໜອງ​ວັກ​ຊິນ​ກັນ​ໂຄວິດ - 19

ທ່ານ ລັດຖະມົນຕີກະຊວງສາທາລະນະສຸກ ຫວຽດນາມ ແລ້ວ, ຫວຽດນາມ ຈະປະກອບສ່ວນເງິນເປັນຈຳນວນ 500.000 USD ໃຫ້ແກ່ໂຄງການ COVAX Facility. ການສະໜັບສະໜູນນີ້ ສະແດງໃຫ້ເຫັນວ່າ ຫວຽດນາມ ຕີລາຄາສູງຂໍ້ລິເລີ່ມທົ່ວໂລກນີ້ ໃນການຮັບມືກັບໂລກລະບາດໂຄວິດ - 19 ຢ່າງມີປະສິດທິຜົນ ແລະ ຢັ້ງຢືນຄຳໝັ້ນສັນຍາຂອງ ລັດຖະບານ ຫວຽດນາມ ຈະສືບຕໍ່ເຂົ້າຮ່ວມໂຄງການ COVAX Facility ຢ່າງແຮງ.
ຫວຽດນາມ ເຂົ້າຮ່ວມ ກອງປະຊຸມທາງອອນລາຍກັບ ຜູ້ຕາງໜ້າຂອງ COVAX Facility (ພາບ: ກະຊວງສາທາລະນະສຸກ ຫວຽດນາມ)

ຕອນຄ່ຳວັນທີ 31 ພຶດສະພາ, ທ່ານ ຫງວຽນແທັງລອງ ລັດຖະມົນຕີກະຊວງສາທາລະນະສຸກ ຫວຽດນາມ ໄດ້ເຂົ້າຮ່ວມກອງປະຊຸມທາງອອນລາຍກັບ ຜູ້ຕາງໜ້າຂອງ COVAX Facility ຊຶ່ງແມ່ນການນຳກະຊວງສາທາລະນະສຸກຂອງບາງປະເທດ  ເພື່ອແນໃສ່ ຕີລາຄາສະພາບການໃນການສະໜອງວັກຊິນໃນທົ່ວໂລກຂອງ COVAX Facility, ໃນນັ້ນມີ ຫວຽດນາມ. ນະທີ່ນີ້, ທ່ານ ຫງວຽນແທັງລອງ ມີຄວາມປາດຖະໜາກຢາກ COVAX Facility ຍູ້ໄວຄວາມຄືບໜ້າໃນການສະໜອງ ແລະ ເພີ່ມເຕີມຈຳນວນຊະນິດວັກຊິນໃຫ້ແກ່ ຫວຽດນາມ. ຫວຽດນາມ ກໍ່ມີຄວາມປາດຖະໜາຢາກບັນດາອົງການສາກົນ ແລະ ບັນດາປະເທດໃນໂລກ ສືບຕໍ່ໜູນຊ່ວຍໃນວຽກງານສຳຜັດ ແລະ ສະໜອງວັກຊິນກັນໂຄວິດ - 19. ປັດຈຸບັນ, ຫວຽດນາມ ພວມຕັ້ງໜ້າຍູ້ແຮງການຊື້ເຕັກໂນໂລຢີ, ຮັບການຖ່າຍທອດເຕັກໂນໂລຢີຜະລິດວັກຊິນ ແລະ ມີຄວາມປາດຖະໜາ ໄດ້ກາຍເປັນບ່ອນຕັ້ງໂຮງງານຜະລິດ. ຫວຽດນາມ ຈະລົງທຶນກໍ່ສ້າງໂຮງງານ ແລະ ມີຄວາມປາດຖະໜາ ຢາກ ໄດ້ຮັບການໂອນສິດຜະລິດວັນຊິນ COVAX ເພື່ອແນໃສ່ສະໜອງວັກຊິນ ໃຫ້ແກ່ ບັນດາປະເທດ ກໍ່ຄືຮັບໃຊ້ສະເພາະ ຫວຽດນາມ.

ຕາມທ່ານ ລັດຖະມົນຕີກະຊວງສາທາລະນະສຸກ ຫວຽດນາມ ແລ້ວ, ຫວຽດນາມ ຈະປະກອບສ່ວນເງິນເປັນຈຳນວນ 500.000 USD ໃຫ້ແກ່ໂຄງການ COVAX Facility. ການສະໜັບສະໜູນນີ້ ສະແດງໃຫ້ເຫັນວ່າ ຫວຽດນາມ ຕີລາຄາສູງຂໍ້ລິເລີ່ມທົ່ວໂລກນີ້ ໃນການຮັບມືກັບໂລກລະບາດໂຄວິດ - 19 ຢ່າງມີປະສິດທິຜົນ ແລະ ຢັ້ງຢືນຄຳໝັ້ນສັນຍາຂອງ ລັດຖະບານ ຫວຽດນາມ ຈະສືບຕໍ່ເຂົ້າຮ່ວມໂຄງການ COVAX Facility ຢ່າງແຮງ.

(ແຫຼ່ງຄັດຈາກ VOV)