27/07/2018 10:02 GMT+7 Email Print Like 0

ຫວຽດນາມ ໜູນຊ່ວຍ ລາວ ກຳລັງ, ພາຫະນະແກ້ໄຂຜົນຮ້າຍຈາກເຫດການເຂື່ອນກັ້ນນ້ຳແຕກ

      ກົມກູ້ໄພກູ້ຊີບ, ຫ້ອງການຄະນະກຳມະການແຫ່ງຊາດຮັບມືອຸບັດຕິເຫດ, ໄພທຳມະຊາດ ແລະ ຊອກຫາກູ້ໄພກູ້ຊີບ ໃຫ້ຮູ້ວ່າ:
ໂດຍປະຕິບັດຕາມຄຳເຫັນຊີ້ນຳຂອງນາຍົກລັດຖະມົນຕີ ຫວຽດນາມ, ກະຊວງປ້ອງກັນປະເທດ ຫວຽດນາມ ໄດ້ຜັນຂະຫຍາຍວຽກງານຊ່ວຍເຫຼືອປະເທດ ລາວ ຮັບມື, ແກ້ໄຂຜົນຮ້າຍຢ້ອນຫລັງຈາກເຫດເຂື່ອນກັ້ນນ້ຳ ເຊປ່ຽນ - ເຊນ້ຳນ້ອຍ ແຕກໃນວັນທີ 23 ກໍລະກົດ.
        ກອງບັນຊາການທະຫານເຂດ 5 ແລະ ບັນດາກົມກອງທີ່ຕັ້ງທັບໃນບໍລິເວນ ໄດ້ຜັນຂະຫຍາຍບັນດາພະນັກງານ, ນັກຮົບຂອງບາງກົມກອງຢ່າງຮີບດ່ວນຄື: ລະດົມລົດໂອໂຕ, ລົດໂຮງໝໍ, ເຮືອປະເພດຕ່າງໆ, ກຳລັງເສນາຮັກ ແລະ ທີມງາມຜ່າຕັດ 211; ກໍ່ຄືພາຫະນະອຸປະກອນເພື່ອຮັບມື ແລະ ແກ້ໄຂຜົນຮ້າຍຢ້ອນຫລັງຂອງເຫດດັ່ງກ່າວ.
        ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຫາກໍ່ເຊັນຂໍ້ຕົກລົງກ່ຽວກັບເລື່ອງຫັກແຫຼ່ງງົບປະມານຊ່ວຍເຫຼືອລັດຖະບານ ລາວ ແກ້ໄຂຜົນຮ້າຍຢ້ອນຫລັງຈາກເຫດເຂື່ອນກັ້ນນ້ຳແຕກຢູ່ແຂວງ ອັດຕະປື . ຕາມນັ້ນແລ້ວ, ແມ່ນຕົກລົງຊ່ວຍເຫຼືອ 200.000 USD ໃຫ້ລັດຖະບານ ລາວ ຈາກແຫຼ່ງທຶນສຳຮອງງົບປະມານສູນກາງ ປີ 2018 ເພື່ອແກ້ໄຂຜົນຮ້າຍຢ້ອນຫລັງຈາກເຫດເຂື່ອນໄຟຟ້າແຕກຢູ່ແຂວງ ອັດຕະປື ຢ່າງຮີບດ່ວນ.
 (ແຫຼ່ງຄັດຈາກ VOV)