28/07/2015 00:01 GMT+7 Email Print Like 0

ຫວຽດນາມ-ໄທ ເພີ່ມທະວີການພົວພັນຄູ່ຮ່ວມມື ຍຸດທະສາດ

ທ່ານນາຍົກລັດຖະມົນຕີ ຫງວຽນເຕິນຢຸງ ຫາກໍ່ມີການຢ້ຽມຢາມປະເທດລາຊະອານາຈັກ ໄທ ຢ່າງເປັນທາງການ ແລະ ເປັນປະທານຮ່ວມຂອງກອງປະຊຸມຄະນະລັດຖະບານລວມ ຫວຽດນາມ-ໄທ ຄັ້ງທີ 3 (23/7/2015). ຜົນງານອັນດີງາມຂອງການຢ້ຽມຢາມໄດ້ປະກອບສ່ວນເຮັດໃຫ້ເລິກເຊິ່ງ ແລະ ເພີ່ມທະວີການພົວພັນຄູຮ່ວມມືຍຸດທະສາດລະຫວ່າງສອງປະເທດຫຼາຍກວ່າເກົ່າ.
ບົນພື້ນຖານຜົນງານຂອງການຮ່ວມມືນັບມື້ນັບຫຼາກຫຼາຍຮູບແບບ ແລະ ມີປະສິດທິຜົນ, ສອງປະເທດເປັນ ເອກກະພາບຈະພະຍາຍາມເຮັດໃຫ້ມູນຄ່າການຄ້າສອງສົ້ນຂຶ້ນ 20 ຕື້ USD ເມື່ອປີ 2020.
 
ສອງຝ່າຍເປັນເອກະພາບຈະເພີ່ມທະວີການແລກປ່ຽນບັນດາຄະນະຜູ້ແທນຂັ້ນສູງ ແລະ ທຸກຂັ້ນ; ສົມທົບຢ່າງແໜ້ນແຟ້ນໃນການຈັດຕັ້ງການສະເຫຼີມສະຫຼອງ40 ປີແຫ່ງວັນສ້າງຕັ້ງການພົວພັນທາງດ້ານການທູດ (1976-2016).
 
ກ່ຽວກັບການປ້ອງກັນຄວາມສະຫງົບ ແລະ ຄວາມປອດໄພ, ສອງຝ່າຍເປັນເອກະພາບຈະສືບຕໍ່ຜັນຂະຫຍາຍຂໍ້ຕົກລົງຮ່ວມມືດ້ານປ້ອງກັນຄວາມສະຫງົບສອງຝ່າຍຢ່າງມີປະສິດທິພາບ;​ ຢືນຢັນຈະສືບຕໍ່ ປະຕິບັດຢ່າງເຂັ້ມງວດສັນຍາບໍ່ອະນຸຍາດໃຫ້ເອກະຊົນ, ອົງການໃດໆ ໄດ້ນຳໃຊ້ອານາເຂດຂອງປະເທດນີ້ ເພື່ອປະຕິບັດການເຄື່ອນໄຫວທຳລາຍປະເທດຕ່າງໆ.

ພິທີຕ້ອນຮັບທ່ານນາຍົກລັດຖະມົນຕີ ຫງວຽນເຕິນຢຸງ
ໄດ້ຮັບການຈັດຕັ້ງຢ່າງສົມກຽດທີ່ສຳນັກງານ ລັດຖະບານ ໄທ. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ທ່ານນາຍົກລັດຖະມົນຕີ ໄທ ປຣາຢຸດ ຈັນໂອຈາ
ດຳເນີນການປະຊຸມໃນວົງແຄບ. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ທ່ານນາຍົກລັດຖະມົນຕີ ໄທ ປຣາຢຸດ ຈັນໂອຈາ
 ເຂົ້າຮ່ວມກອງປະຊຸມຄະນະລັດຖະບານລວມ ຫວຽດນາມ-ໄທ ຄັ້ງທີ 3. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ທ່ານນາຍົກລັດຖະມົນຕີ ໄທ ປຣາຢຸດ ຈັນໂອຈາ
ຖ່າຍຮູບຮ່ວມກັນກັບບັນດາສະມາຊິກຄະນະລັດຖະບານລວມ ຫວຽດນາມ-ໄທ. ພາບ: ດຶກຕ໋າມ/VNA


ສອງທ່ານນາຍົກລັດຖະມົນຕີໄດ້ເປັນສັກຂີພິຍານ ໃນພິທີລົງນາມຖະແຫຼງການຮ່ວມວ່າດ້ວຍ
ການປະຊຸມຄະນະລັດຖະບານລວມ ຫວຽດນາມ-ໄທ ຄັ້ງທີ 3. ພາບ: ດຶກຕ໋າມ/VNA


ສອງທ່ານນາຍົກລັດຖະມົນຕີໄດ້ເປັນສັກຂີພິຍານ
ໃນພິທີລົງນາມບົດບັນທຶກຊ່ວຍຈຳ (MOU) ວ່າດ້ວຍການຮ່ວມມື ດ້ານອອກແຮງງານ
ລະຫວ່າງສອງປະເທດ. ພາບ: ດຶກຕ໋າມ/VNA


ທ່ານນາງລາດຊະທິດາ Maha Chakri Sirindhorn, ຕາງໜ້າໃຫ້ເຈົ້າຊີວິດ ແລະ ລາຊະວົງ ໄທ
ຕ້ອນຮັບ ທ່ານນາຍົກລັດຖະມົນຕີ ຫງວຽນເຕິນຢຸງ. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ໄປຢ້ຽມຢາມ
ຮ້ານວາງສະແດງເຄື່ອງຫັດຖະກຳສິລະປະກຳ ໄທ. ພາບ: ດຶກຕ໋າມ/VNA

ສອງທ່ານນາຍົກລັດຖະມົນຕີ ກໍ່ມີການແລກປ່ຽນຄວາມຄິດຄວາມເຫັນເລິກເຊິ່ງກ່ຽວກັບບັນດາບັນຫາທີ່ສາກົນ ແລະ ພາກພື້ນມີຄວາມສົນໃຈ; ຢືນຢັນຈະສືບຕໍ່ຮ່ວມມື ຢ່າງແໜ້ນແຟ້ນລະຫວ່າງສອງປະເທດ ແລະ ບັນດາ ປະເທດ ອາຊຽນ ເພື່ອເປົ້າໝາຍກໍ່ສ້າງປະຊາຄົມ ອາຊຽນ ໃນທ້າຍປີ 2015 ແລະ ໄລຍະຕໍ່ໄປ; ພ້ອມກັນນັ້ນ ກໍ່ຮັກສາບົດບາດຕຳແໜ່ງທີ່ເປັນຜູ້ນຳ ແລະ ໃຈກາງຂອງ ອາຊຽນ ໃນບັນດາບັນຫາ ຍຸດທະສາດຢູ່ພາກພື້ນ.
 
ສອງຝ່າຍກໍ່ແບ່ງປັນຄວາມເປັນຫ່ວງຕໍ່ບັນດາເຫດການທີ່ໄຂຂຶ້ນຢູ່ທະເລຕາເວັນອອກໃນເວລາຜ່ານມາໄດ້ສ້າງຜົນສະທ້ອນເຖິງຄວາມໄວ້ເນື້ອເຊື່ອໃຈ, ກໍ່ຄືສັນຕິພາບ, ສະຖຽນລະພາບ, ຄວາມສະຫງົບ ໃນພາກພື້ນ; ພ້ອນກັນນັ້ນ ກໍ່ຢືນຢັນຄືນຄວາມສຳຄັນຂອງການຮັກສາສັນຕິພາບ, ສະຖຽນລະພາບກໍ່ຄືຄວາມສະຫງົບ, ປອດໄພຂອງການເດີນເຮືອທະເລທີ່ທະເລຕາເວັນອອກ.
 
ສອງຝ່າຍໄດ້ເນັ້ນໜັກເຖິງຄວາມຈຳເປັນຂອງເລື່ອງທຸກຝ່າຍທີ່ກ່ຽວຂ້ອງຕ້ອງປະຕິບັດຢ່າງຄົບຖ້ວນ ແລະ ມີປະສິດທິພາບ ຖະແຫຼງການປະພຶດຕໍ່ຂອງຝ່າຍຕ່າງໆ ຢູ່ທະເລຕາເວັນອອກ (DOC); ກໍ່ສ້າງ, ຮັກສາ ແລະເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ; ຄຸມໄວ້ ແລະ ບໍ່ນຳໃຊ້ກຳລັງອາວຸດ;​ ແກ້ໄຂຄວາມແກ່ງແຍ້ງກັນໂດຍສັນຕິວິທີ, ເໝາະສົມກັບກົດໝາຍ ສາກົນ, ໃນນັ້ນ ມີສົນທິສັນຍາຂອງສະຫະປະຊາຊາດວ່າດ້ວຍກົດໝາຍທະເລປີ 1982 (UNCLOS); ເພີ່ມທະວີການສົນທະນາເພື່ອບັນລຸໄດ້ປະມວນກົດລະບຽນການປະພຶດຕໍ່ຢູ່ທະເລຕາເວັນອອກ (COC) ໂດຍໄວ.
 
ການປະຊຸມຄະນະລັດຖະບານລວມ ຫວຽດນາມ-ໄທຄັ້ງທີ 3 ໄຂຂຶ້ນໃນບັນຍາກາດມິດຕະພາບ, ໂດຍຄວາມຊື່ສັດ ແລະ ເຂົ້າໃຈເຊິ່ງກັນ ແລະ ກັນ. ສອງທ່ານນາຍົກລັດຖະມົນຕີໄດ້ແລກປ່ຽນຄວາມຄິດ ຄວາມເຫັນຢ່າງເລິກເຊິ່ງ ແລະ ບັນລຸໄດ້ຄວາມເປັນເອກະພາບສູງຕໍ່ບັນດາທິດທາງ ແລະ ວິທີການແກ້ໄຂຕົວຈິງເພື່ອເຮັດໃຫ້ການພົວພັນລະຫວ່າງ ຫວຽດນາມ-ໄທ ມີຄວາມເລິກເຊິ່ງກວ່າເກົ່າ.
 
ສິ້ນສຸດການປະຊຸມ, ສອງທ່ານນາຍົກລັດຖະມົນຕີ ໄດ້ເປັນສັກຂີພິຍານໃນພິທີລົງນາມບັນດາຂໍ້ຕົກລົງຮ່ວມມື ແລະ ອອກແຈ້ງການຮ່ວມກ່ຽວກັບ ການຢ້ຽມຢາມ ໄທ ຂອງທ່ານນາຍົກລັດຖະມົນຕີ ຫງວຽນເຕິນຢຸງ.
ໂດຍ: VNA/VNP
ບັນດາບົດທີ່ຖືກນຳສະເໜີ