25/08/2018 10:43 GMT+7 Email Print Like 0

ຫວຽດນາມ ໃນພາກພື້ນ ອາຊຽນ ພັດທະນາ ແລະ ວັດທະນາຖາວອນ

      ບັນດາທິມເຂົ້າຮ່ວມການແຂ່ງຂັນໄດ້ຕອບຫຼາຍຄຳຖາມເຊິ່ງແມ່ນຄວາມຮູ້ດ້ານການທູດ, ກ່ຽວກັບສະມາຄົມປະຊາຊາດ ອາຊີຕາເວັນອອກສ່ຽງໃຕ້ - ອາຊຽນ

ບັນດາຜູ້ເຂົ້າຮ່ວມການແຂ່ງຂັນ
      ນີ້ແມ່ນຫົວຂໍ້ຂອງການແຂ່ງຂັນຄວາມຮູ້ດ້ານການທູດໂດຍພະແນກພົວພັນຕ່າງປະເທດນະຄອນໂຮ່ຈີມິນ ຈັດຕັ້ງໃນຕອນເຊົ້າວັນທີ 24 ສິງຫາ. ເຂົ້າຮ່ວມການເສັງມີ 12 ທິມເຊິ່ງເປັນພະນັກງານ, ພາລະກອນ, ລັດຖະກອນຂອງພະແນກພົວພັນຕ່າງປະເທດຂອງບັນດາແຂວງ, ນະຄອນທາງພາກໃຕ້. ນີ້ແມ່ນການເຄື່ອນໄຫວສະເຫຼີມສະຫຼອງ 63 ປີແຫ່ງວັນສ້າງຕັ້ງຂະແໜງການທູດ ຫວຽດນາມ (28/8/1945 – 28/8/2018).
        ບັນດາທິມເຂົ້າຮ່ວມການແຂ່ງຂັນໄດ້ຕອບຫຼາຍຄຳຖາມເຊິ່ງແມ່ນຄວາມຮູ້ດ້ານການທູດ, ກ່ຽວກັບສະມາຄົມປະຊາຊາດ ອາຊີຕາເວັນອອກສ່ຽງໃຕ້ - ອາຊຽນ, ກໍ່ຄືກ່ຽວກັບການພົວພັນລະຫວ່າງ ຫວຽດນາມ ກັບ ບັນດາປະເທດ ອາຊຽນ. ກ່າວຄຳເຫັນທີ່ການແຂ່ງຂັນ, ທ່ານ ບຸ່ຍແທງເຊີນ, ຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຢັ້ງຢືນວ່າ:
        ໃນຊຸມປີຜ່ານມາ ນັບແຕ່ເມື່ອພວກເຮົາເຂົ້າຮ່ວມ ອາຊຽນ, ມາຮອດປະຈຸບັນ, ຫວຽດນາມ ຍາມໃດກໍ່ແມ່ນສະມາຊິກຕັ້ງໜ້າມີຄວາມຮັບຜິດຊອບ, ປະກອບສ່ວນຕັ້ງໜ້າໃນການຮັກສາຄວາມສາມັກຄີ, ເປັນເອກະພາບ, ຍົກສູງທີ່ຕັ້ງບົດບາດຂອງ ອາຊຽນ, ບໍ່ພຽງແຕ່ຢູ່ພາກພື້ນເທົ່ານັ້ນ ຫາກຍັງຢູ່ໃນການຮ່ວມມືກັບບັນດາຄູ່ຮ່ວມມືຕ່າງປະເທດອີກດ້ວຍ. ໄລຍະຈະມາເຖິງ, ພວກເຮົາຕ້ອງຍົກລະດັບການເຄື່ອນໄຫວໃນທຸກໆເວທີປາໄສຫຼາຍຝ່າຍ, ແຕ່ໃນນັ້ນ, ພວກເຮົາກຳນົດວ່າ ອາຊຽນ ແມ່ນພາກພື້ນໄດ້ຮັບຄວາມເອົາໃຈໃສ່ທີ່ສຸດ.
 (ແຫຼ່ງຄັດຈາກ VOV)