26/05/2015 23:00 GMT+7 Email Print Like 0

ຫວຽດນາມ-ໂບລີເວຍ ຊຸກຍູ້ການຮ່ວມມືດ້ານເສດຖະກິດ-ການຄ້າ

ເຖິງວ່າມີການພົວພັນທີ່ເປັນມູນເຊື້ອອັນດີງາມ ແລະ ຄວາມສາມາດບົ່ມຊ້ອນການຮ່ວມມືດ້ານເສດຖະກິດຢ່າງໃຫຍ່ຫຼວງກໍຕາມ, ແຕ່ການພົວພັນຮ່ວມມືດ້ານເສດຖະກິດ-ການຄ້າສອງຝ່າຍລະຫວ່າງ ຫວຽດນາມ ແລະ ໂບລີເວຍຍັງໜ້ອຍຢູ່, ມູນຄ່າພຽງຕໍ່າກວ່າ 10 ລ້ານ USD ຕໍ່ປີ. ດ້ວຍເຫດນັ້ນ, ໃນການຢ້ຽມຢາມປະເທດ ໂບລີເວຍ ຢ່າງເປັນທາງການຄັ້ງນີ້ (ແຕ່ວັນທີ 18-19/5/2015) , ທ່ານນາງ ຫງວຽນທິຢວານ, ຮອງປະທານປະເທດ ຫວຽດນາມ ແລະ ບັນດາທ່ານຜູ້ນຳ ໂບລີເວຍ ໄດ້ພ້ອມກັນປຶກສາຫາລີ ແລະ ເປັນເອກສັນກັນໃນຫຼາຍວິທີການແນໃສ່ຊຸກຍູ້ການ ພັດທະນາຂົງເຂດດັ່ງກ່າວນີ້ຕື່ມອີກ. 
ທີ່ການພົບປະເຈລະຈາ, ທ່ານຮອງປະທານາທິບໍດີ ໂບລີເວຍ Álvaro Garcia Linera ໄດ້ຕີລາຄາສູງການຢ້ຽມຢາມຄັ້ງນີ້ຂອງທ່ານນາງຫງວຽນທິຢວານ ຮອງປະທານປະເທດ, ຖືວ່ານີ້ແມ່ນຂີດໝາຍສຳຄັນ, ສ້າງກຳລັງໜູນໃໝ່ໃຫ້ແກ່ການພັດທະນາສາຍພົວພັນມິດຕະພາບ ແລະ ການຮ່ວມມືໃນຫຼາຍດ້ານລະຫວ່າງສອງປະເທດ.

ເມື່ອລຶ້ມຄືນສິ່ງປະທັບໃຈອັນດີງາມໃນຄັ້ງໄປຢ້ຽມຢາມຫວຽດນາມໃນເດືອນກັນຍາ ປີ 2012, ທ່ານຮອງປະທານາທິບໍດີ A.G Linera ໄດ້ສະແດງຄວາມນິຍົມຊົມຍ້ອງ ແລະ ນັບຖືຢ່າງເລິກເຊິ່ງ ຕໍ່ບັນ ດາຜົນງານຂອງການປ່ຽນແປງໃໝ່ຢ່າງໃຫຍ່ຫຼວງ ກໍຄືມູນເຊື້ອປະຫວັດສາດ ໃນການປົກປັກຮັກສາ ແລະ ສ້າງສາປະເທດຊາດຢ່າງສະຫງ່າອົງອາດຂອງປະຊາຊົນຫວຽດນາມ; ຢືນຢັນ ໂບລີເວຍ ຍາມໃດກໍຖືຫວຽດນາມເປັນແວ່ນແຍງ ແລະ ປາດຖາໜາ ສືບຕໍ່ເພີ່ມທະວີຕື່ມອີກສາຍພົວພັນຮ່ວມມືທີ່ຕ່າງຝ່າຍຕ່າງມີຜົນປະໂຫຍດ ລະຫວ່າງສອງປະເທດ.

ທ່ານນາງຫງວຽນທິຢວານ ຮອງປະທານປະເທດ ໄດ້ສະແດງຄວາມຍິນດີ ຕໍ່ລັດຖະບານ ແລະ ປະຊາຊົນ ໂບລີເວຍ ກ່ຽວກັບບັນດາ ຜົນງານອັນໃຫຍ່ຫລວງດ້ານເສດຖະກິດ-ສັງຄົມທີ່ບັນລຸໄດ້ໃນທົດສະວັດຜ່ານມາ; ຢັ້ງຢືນຫວຽດນາມ ຖືສຳຄັນການພັດທະ ນາ ແລະ ເປີດກວ້າງສາຍພົວພັນຮ່ວມມືກັບບັນດາປະເທດ ເພື່ອນມິດໃນພາກພື້ນ ອາເມລີກາລາຕີນ, ໃນນັ້ນມີທັງ ໂບລີເວຍ ນໍາ.
 

Pທ່ານຮອງປະທານາທິບໍດີ ໂບລີເວຍ Álvaro Garcia Linera ໃນການຕ້ອນຮັບ ແລະ ເຈລະຈາ
ກັບທ່ານນາງ ຫງວຽນທິຢວານ, ຮອງປະທານປະເທດ. ພາບ: ຖົ໋ງເຍິດ-VNA



ທ່ານຮອງປະທານາທິບໍດີ ໂບລີເວຍ Álvaro Garcia Linera  ແລະ  ທ່ານ ຮອງປະທານປະເທດ
ນາງຫງວຽນທິຢວານ ຖ່າຍຮູບຮ່ວມກັນກັບບັນດາທ່ານຜູ້ແທນ. ພາບ: ຖົ໋ງເຍິດ-VNA

 
ສອງຝ່າຍເປັນເອກະສັນກັນຕີລາຄາຫວຽດນາມ ແລະ ໂບລີເວຍ ມີຫຼາຍຈຸດຄ້າຍຄືກັນ ທັງດ້ານມູນເຊື້ອປະຫວັດສາດ ແລະ ແນວ ທາງພັດທະນາປະເທດຊາດໃນປັດຈຸບັນ; ການພົວພັນ ສອງຝ່າຍ ໃນຊຸມປີມໍ່ໆມານີ້ ສືບຕໍ່ມີການຂະຫຍາຍຕົວຢ່າງຈົບງາມ, ໂດຍສະເພາະແມ່ນໃນຂົງເຂດການເມືອງ-ການຕ່າງປະເທດ ຊຶ່ງສະແດງໃຫ້ເຫັນໂດຍຜ່ານບັນດາຜົນງານທີ່ບັນລຸໄດ້ ໃນການໄປຢ້ຽມຢາມເຊິ່ງກັນ ແລະ ກັນຂອງການນຳສອງປະເທດ, ກໍຄືການປະສານສົມທົບ ແລະ ຮ່ວມມືນຳກັນ ທີ່ບັນດາອົງການ ຈັດຕັ້ງສາກົນ.

ເຖິງຢ່າງໃດກໍຕາມ, ການພົວພັນຮ່ວມມືເສດຖະກິດ-ການຄ້າ ແລະ ລົງທຶນສອງຝ່າຍກໍຍັງໜ້ອຍຖ້າທຽບກັບທ່າແຮງບົ່ມຊ້ອນ ຂອງ ສອງປະເທດ, ມູນຄ່າການແລກປ່ຽນການຄ້າສອງສົ້ນ ບັນລຸພຽງຕໍ່າກວ່າ 10 ລ້ານ USD ຕໍ່ປີ.

ຜູ້ນຳທັງສອງທ່ານໄດ້ເປັນເອກະສັນກັນວ່າ, ໃນໄລະຍະຕໍ່ໜ້າ ສອງຝ່າຍຕ້ອງອອກແຮງຊຸກຍູ້ ຜັນຂະຫຍາຍ ບັນດາ ມາດຕະ ການທີ່ລະອຽດຄື: ຍູ້ແຮງຂະບວນການເຈລະຈາ ກ້າວໄປເຖິງ ການລົງນາມບັນດາເອກະສານຮ່ວມມື ແນໃສ່ສ້າງຂອບນິຕິກຳ ສໍາລັບການແລກປ່ຽນຮ່ວມມືສອງຝ່າຍໃຫ້ສຳເລັດເທື່ອລະກ້າວ, ເປັນຕົ້ນແມ່ນກ່ຽວກັບຂົງເຂດເສດຖະກິດ-ການຄ້າ ແລະ ການລົງ ທຶນ; ຜັນຂະຫຍາຍ ປະຕິບັດບັນດາກົນໄກການຮ່ວມມື ທີ່ໄດ້ ຮັບ ການສ້າງຕັ້ງແລ້ວນັ້ນໂດຍໄວ, ໃນນັ້ນມີຄະນະກໍາມະການປະສົມ ປະສານ ກ່ຽວກັບການຄ້າ ແລະ ການລົງທຶນ, ແນໃສ່ກຳນົດ ແລະ ຊຸກຍູ້ ຜັນຂະຫຍາຍ ການຮ່ວມມືໃນຂົງເຂດຕ່າງໆ, ໂຄງການກ່ຽວກັບຄວາມອາດສາມາດເປັນໄປໄດ້ ແລະ ມີປະສິດທິຜົນ, ສອດ ຄ່ອງກັບຄວາມສາມາດບົ່ມຊ້ອນ ແລະ ທ່າແຮງຂອງສອງຝ່າຍ; ພ້ອມກັນນັ້ນ, ລັດຖະບານສອງປະເທດ ກໍສະໜັບສະໜູນ, ສ້າງ ເງື່ອນໄຂອຳນວຍຄວາມສະດວກ ໃຫ້ແກ່ ວົງການນັກທຸລະກິດ ສອງຝ່າຍໄດ້ເຂົ້າຫາ ແລະ ແຊກຊືມຕະຫຼາດ ຂອງກັນ ແລະ ກັນ, ສ້າງສາຍພົວພັນຮ່ວມມື ໃຫ້ສອດຄ່ອງກັບນະໂຍບາຍ ແລະ ກົດໝາຍຂອງສອງປະເທດ, ໂດຍສະເພາະຢ່າງຍິ່ງແມ່ນ ໃນຂົງເຂດ ພະລັງງານ-ນ້ຳມັນອາຍແກັສ, ໂທລະຄົມມະນາຄົມ ແລະ ກະສິກຳ.

ກ່ຽວກັບການຮ່ວມມືຫຼາຍຝ່າຍ, ສອງຝ່າຍໄດ້ເປັນເອກະສັນກັນ ສືບຕໍ່ເພີ່ມທະວີປະສານສົມທົບ ແລະ ຮ່ວມມືນໍາກັນຢູ່ໃນບັນ ດາອົງການ ຈັດຕັ້ງສາກົນ, ເປັນຕົ້ນແມ່ນຢູ່ໃນອົງການສະຫະປະ ຊາຊາດ; ແບ່ງປັນຫຼັກໝັ້ນ ແກ້ໄຂບັນດາຂໍ້ຂັດແຍ່ງກ່ຽວກັບ ອຳ ນາດອະທິປະໄຕ ໂດຍຜ່ານ ການເຈລະຈາ ແລະ ສົນທະນາຫາລືກັນໂດຍສັນຕິ ບົນພື້ນຖານ ເຄົາລົບກົດໝາຍສາກົນ, ເດັດຂາດ ບໍ່ນຳໃຊ້ ຫຼື ນາບຂູ່ນຳໃຊ້ກຳລັງອາວຸດ.

ໃນໂອກາດນີ້, ທ່ານນາງ ຫງວຽນທິຢວານ ຮອງປະທານປະເທດ ໄດ້ມີການພົບປະແລກປ່ຽນຄຳຄິດເຫັນກັບທ່ານ ປະທານາທິບໍດີ ໂບລີເວຍ Evo Morales, ທ່ານປະທານສະພາສູງ José Alberto González  ແລະ ທ່ານນາງ Gabriela Montano Gonzalo ປະທານສະພາຜູ້ແທນລາຊະດອນ (ສະພາຕໍ່າ).

 ທ່ານ ຮອງປະທານປະເທດ ນາງຫງວຽນທິຢວານ ໃນການພົບປະແລກປ່ຽນຄຳຄິດເຫັນ
ກັບ ທ່ານປະທານາທິບໍດີ ໂບລີເວຍ Evo Morales.  ພາບ: ຖົ໋ງເຍິດ-VNA

ທ່ານ ຮອງປະທານປະເທດ ນາງຫງວຽນທິຢວານ ໃນການ ພົບປະກັບທ່ານ ທ່ານປະທານສະພາສູງ
ໂບລີເວຍ José Alberto González.   ພາບ: ຖົ໋ງເຍິດ-VNA
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ